Jìmǐse 5:19 - Nyesoaa Kuo Win Jajle

¹⁹ Ně bǐì Tentǎn Jǔu wǎn ane, bɛ̌ nu aa nyuu do bɔ̌ sɔnʼǒ Nyesoaa kàan dɛà demǒ, nyu wùɛǒ mi ɔɔ de jaba,

Jìmǐse 5:19 ပူးပေါင်းရင်းမြစ်များ

Matiɔ̌n 18:15

È dɛ tɛ̀ɛ Jùsu boɛaa de nɛ̀à Ɔ je, “Bɛ̌ nu bo nyu tɔ̀ɔ bɔ̌ wlǎǒò tè jemǒ, da lɔ keǒ wakǎ mǒ, aa sɔ̌n ba neǒ mì ɔ kenkan dɛǒ ɔ nuu ɛɛ tè tmɔɔ̌ no. Bɛ̌ nu bɔ̌ po nè win nɔkǔ jebo, è mò wa lɔ ɔ̈ sàě ɔ kenkan dɛǒ slè.

Lǔkù 22:32

Kɛɛ Saemɔ̌ò, Ě bàte Nyesoa nè tè ɛ̈ di ɛɛ numa nè tè wlò popoɛ ɛɛ̌ diǒ kplɛɛ le, plě bɛ̌ nu bò di de kělɔɔ̌ mɔ̀, mì bìì tùu ü moo Něe mɔ̀ cheěn nyo kpě ja le po.”

Kalesiɛ̌n 6:1

Ně bǐì Tentǎn Jǔu wǎn ane, bɛ̌ nu bo nyu bɔ̌ ke dɛ kukǔ ni bǎ kme ɔ, è amoǒ Nyesoaa Sùsu neěe ja, a poě nyuǒ snǔ mɔ̀le klě ja tìe tǔn mǒ, è ba gbɛ̀ɛ aa chɛ̀ ke aǎ slě měne tèntɛn slè be.

1 Timɛtě 6:10

Bɛ̌ nu nyopò bǔ noɛɛ wlě mǒ, u mi kpni kukwǐi doědoe wùɛ numa. Nyopòo tìe neǒ wlě dɛ demǒ doo, nɛ̀ nu ɛ ǔ tbɛ uu tè wlò popoɛ u kɔnʼɔ kɛn klě Tentǎn Jǔ mǒ ɛ̌ nu ɛ ǔ poě uu chɛ̀ sònwɛ jejeɛ̌ fòfoa slè.

1 Timɛtě 6:21

Nyopò tùu jě ɛ ɛ̈ moo u kɔn ɛmo tɔ̀nʼǒ no, ii tè ǔ sɔnʼǒ uu tè wlò popoɛ demǒ. Nɛ bo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ aa wùɛ mɔ̀ bɛ muu nya.

2 Timɛtě 2:18

U tùngmaea sen noǎa teea. U je kokǒ nyoo jeměne duduɛ̌ sìnʼa ne ɛ̌ wɛ̀a mɔ̀le. Dɛǒ nɛ̀ u nua ǔ sùe nyopòo tìee tè wlò popoɛ gbè.

Hiblǔ 5:2

Ɔ wɔ̀le ɛle keǒ bɔ jě nyopò wɔle je ü seǒo Nyesoaa tè dɛ kɛn ji klee nyopòǒ ü sonwɛǒ ɔɔ demǒ ü bee kenkan snǔ wan. Dɛ ɛ nuu nɛ̀ moo ɔɔ chɛ̀ǒ ɔ mɛ̌ kàan dɛɛ snǔ nu.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 3:14

Kɛɛ bɛ̌ nu bo jǐlenymi chea bɛ̌ neě a mǒ plě aa wlè bǐ kenkě kɛn le, baǎ kwin kɛn le ɛ̈ moo a kɔn tɔ̀n keǒ ale sen le tmɔtmɔ̌ mɔ̀.

Jìmǐse 5:20

a ji ɛ ɛ̈ moo nyu wùɛ ɔ̈ mii dɛ kukǔ nuɔǒ de jaba ɔ̈ miě ɔɔ kenkan snǔǒ mɔ̀ sàba nɔ̀ mi dɛ kukǔ nuɔǒ ɔɔ sùsu gblàba klě kmɔ̌ sie kokoɛ̌ slè, nɛ̀ mi ɛ numa ɔɔ kpni kukwǐ fòfoaǒ ii tè mǐ wlò le poo lo.

2 Pitɛ̌ 3:17

Ně mǒ noɛɛ nyopò ane, ke ɛ toon jleě mǒ bo ǎ jii noǎ wùɛǒ ɛ̌ wɛ̀ɛ mɔ̀le, ii tè ba tùě jǐ bo ɛ̈ di ɛɛ numa nyopòǒ uǔ tùǒo teteǎ ble uu kenkan noǎǒ iǐ diǒ aa nyu snǔ mɔ̀ sà keǒ Nyesoa jleě mǒ aǎ diǒ aa tùɔnʼǒ a neǒo kɛn kplɛɛ le ɛ̈ nee kpokpo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:11

Nyesoa miě uu plɔ tu kɛn bo maěma. Mɛ̌oǒ joo nɛ̀ moo uu kmɔ̌ǒ u nee ɛ wǒ je kmɔ̌ Keèn neaa. U kpa chìnchin keǒ bu nu kenkan dɛɛ doǒ Belìan nuaa keǒ bɔ mǐaa wlě fòfoa jě. U sɛ̀ɛǒ Nyesoaa tè le wòje dɛǒ Kowlà nuaa, è u mi gbè sùeba klě tǔnʼu doǒ wlòmo.