Jìmǐse 5:16 - Nyesoaa Kuo Win Jajle

¹⁶ Tèǒ nì kɔn tè ba wonwɔɔ aa kpni kukwǐ jele klě aa chɛ̀ slè, è ba bàteǒ aa bǐìi tà u miǒ aa tà bàte le ɛ̈ di ɛɛ numa Nyesoa mǐ a pean. Jebo siǐn nyuu Nyesoa bàtea ɛ ne kɛn kpě, nɛ̀ sɛ̀ǒ dɛ.

Jìmǐse 5:16 ပူးပေါင်းရင်းမြစ်များ

Matiɔ̌n 21:22

Dɛ wùɛ kɔn tè a mi Něe Gbeǐ wan gbàba klě tè wlò popoɛ mǒ, a mi ɛ jěba.”

Matiɔ̌n 3:6

ɔ̌ pea u ně dlǒ le klě Jɔ̀ɔ̌dɛn mɔ̀ ǔ wɛɛnʼa uu kpni kukwǐ je le.

Mǎkè 1:5

Nyopò fòfoa sɔnaě Jùdǐa wakǎ kɛn mǒ klee klě Jlǔsnɛ dǐa mǒ ǔ mia lě ɔ mɔ̀ klě kpatekpǎ blǒ kɛn ɔ̌ pea u ně dlǒ le klě Jɔ̀ɔ̌dɛn ně mɔ̀ ǔ wɛɛnʼa uu kpni kukwǐ je le.

Lǔkù 9:6

Ii tè Ɔɔ mɔ̀ cheěn nyo mua klìgbeǒ kɛn le ǔ pea Nyesoaa kàan tuposà ɛ̈ kwɛɛǒo Nyesoaa win kwa konkɔn tè jleě mǒ bo. Tà wùɛ u miaǒo u peana nyopò wùɛ.

Jɔ̀ɔ̌n 9:31

Äa wùɛ ä ji ɛle ɛ̈ moo Nyesoa ně po kpni kukwǐ nuɔɔ win nɔkǔ jebo, kɛɛ Ɔ pe bo nɔkǔ keǒ nyopòà mɔ̀ ü noɛɛ Ɔɔ mǒ plě ü nii dɛǒ Ɔ jlɛ̌ɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:18

Nyopò fòfoa ü poaa Jùsuu tè kàan tè u nynanaǒ klɔ̀ slè bo ǔ wɛɛnʼa uu noǎ kukwǐ u nuaa jele.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:24

È Saemɔ̌ tùa Pitɛ̌ klee Jɔ̀ɔ̌n kɛ̀ɛn ɔ je, “Ě bɛ̀te ale, a bàte Koɔn keǒ ně tè mɔ̀ ɛ̈ di ɛɛ numa noǎ wùɛǒ kɔn tè a boɔɔ keǒǒ jleě mǒ iǐ di tùɔn kpa.” Ii tè u bàteaǒ ɔɔ tèe tà.

Wlǔmɔ 3:10

wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛ nɔ̀ seǒ jebo siǐn ni, ɛ se nyuu doo chɛ̀ kɔn.

Wlǔmɔ 5:19

Keǒ ɛ nuu nyuu doo seǒ Nyesoa bo tù kmɔ̌ nuu nyopò fòfoa ǔ monoo kpni kukwǐ nu nyo, kě Nyuu doo Nyesoa bo tùtuɛ kmɔ̌ nu nyopò fòfoa ǔ moo jebo siǐn nyo.

Klasɔ̌n 1:9

Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

1 Tɛseloniǎ 5:17

Tǐ wùɛ mɔ̀ ba boɔě Nyesoa mɔ̀.

1 Tɛseloniǎ 5:23

Nɛ bo Nyesoaa chɛ̀ Ɔ̈ nye ämoo ně bo wnawna Bɔ nu a ngmà je ne nyo mǒ kpǎkpǎ ɛ̈ di ɛɛ numa äa Koɔn Jùsu Tentǎn Jǔ Bɔ̌ tbaeǎ je, aa kmɔ̌ wùɛ klee sùsu klee fǒ iǐ diǎ tè jɛɛa kɔn.

1 Tɛseloniǎ 5:25

Ně bǐì Tentǎn Jǔu wǎn ane, a bàte Nyesoa keǒ äa tè mɔ̀.

Hiblǔ 11:4

Tè wlò popoɛǒ nɛ̀ǒ Ebò kɔna ɔ̌ piea tɛɛ chɔ̀no keǒ Nyesoa mɔ̀ ɛ̌ sìnʼaǒ Keèn mǒ. Tà Nyesoa boɔlaa dɛ keǒ Ebòo nyee noǎǒ jleě mǒ, ɛ mooa ɔɔ tè wlò popoɛ ɔ kɔnaa ɛɛ tè nɛ̀ kɔn tèǒ Ɔ daea Ebò jebo siǐn nyu. Kàan tè ɔ kǒa le, kɛɛ tè wlò popoɛɛ doǒ nɛ̀ nu ɛ kekɛɛ ɔ̌ boɛɛ̌ jè wien klě jɔkɛn.

Hiblǔ 11:7

Tè wlò popoɛɛ doǒ nɛ̀ Nòwǎ kɔna, ii tè tà Nyesoa wala ɔɔ wlò je ɛ̈ kwɛɛaǒo jijǐ ně jleě mǒ bo, ɔ poa i jebo nɔkǔ, ɔ sěɛɛ̌a jè jijǐ něǒ jě ɔ̌ nua blǎgbè ɔ mǐa ɔɔ koǔ bo kwɛɛn gblà. Tè wlò popoɛɛ doǒ nɛ̀ nua nɛ ɔ̌ bɛ̌a kpni kukwǐ nyo wùɛ nea lɔɔ kmɔ̌ɔ mɔ̀ wun kɛn ɔ̌ jěa jebo siǐanʼa snǒ sàe dɛ ɛ̈ Nyesoa nyea nɔɔ ɛ̈ monoo snǒ sàe dɛ keǒ nyopòà kɔnʼɔ tè wlò popoɛ mɔ̀.

Hiblǔ 12:13

A ne ngmà je ne kmɔ̌ ɛ̈ di ɛɛ numa nyuà kɔn tè wlò popoɛ see kbě kɛn ne bɔ̌ keě nè fì le sɛ̀ ɔɔ̌ diě kpni kukwǐ slè be, kɛɛ ɛ mǐ ɔ kbě ja le po.

Hiblǔ 13:18

A bàte Nyesoa keǒ äa tè mɔ̀. Ä ji ɛle ɛ̈ moo äa tè le jbojbɛ gbàe le chnɛ̀. Mɛ̌oǒ joo nɛ̀ moo tǐ wùɛ mɔ̀ ä jlɛ̌ bä nu dɛà monoo mǒ slɛɛ̌ dɛ.

1 Pitɛ̌ 2:24

Tentǎn Jǔu chɛ̀ Nɔ̀ blěa äa kpni kukwǐ gbɛ̀ɛ keǒ pète bɛ̌ tu jleě ɛ̈ di ɛɛ numa ä mǐ dɛ kukǔ nunuɛ bɔ̌ ä mǐ jebo siǐn kmɔ̌ ne. Noǎǒ tbaea Ɔɔ le nì pean ämo.

1 Jɔ̀ɔ̌n 3:22

È dɛ wùɛ ä mi Ɔɔ sòaba ä mi ɛ jěba. Mɛ̌oǒ joo nɛ̀ moo ä tùiǒ Ɔɔ win bo plě ä ni dɛ blee Ɔɔ plɔ.