Jìmǐse 5:15 - Nyesoaa Kuo Win Jajle

¹⁵ Bɛ̌ nu bǎ po li kàan tè ɛ̈ moo aa bàteaǒ ɛ mi kmakma nyuǒ ɔɔ kwɛ̌ wɔ̀ba, è Nyesoa mi ɔ peanma plě Ɔ mǐ ɔɔ kpni kukwǐi tè wlò le poo lo.

Jìmǐse 5:15 ပူးပေါင်းရင်းမြစ်များ

Matiɔ̌n 17:20

È Jùsu tùia u kɛ̀ɛn Ɔ je, “Dɛ kɔn tè a slě ɛɛ wɔ̀ nɛ̀ moo aa tè wlò popoɛ chɛɛ̌n mǒ no. Kàan tèà Ě tmɛɛ̌ amo, bɛ̌ nu aa tè wlò popoɛ bɛ̌ chɛɛ̌n mǒ, ɛ klee mɔsà joɛ̌ɛ ɛ̈ chɛ̌nʼɛ mǒo bǐ boa le, a wɔ̀le je ba tmɔɔ̌ togbeeà ɛ̈ moo, ‘Sɔnʼà tàa mǒ, muě tà lě,’ ɛ mǐ mu. Dɛ wùɛ nɛ̀ a miě wɔ̀ba ba nu.

Jɔ̀ɔ̌n 5:14

Tà tǐ gbei sìnʼaa, è Jùsu jɛɛaě jbɛjuǒ klě Nyesoaa kǎ fòɛ bo, kě Ɔ dɛ̌a ɔ je Ɔ je, “Ke ɛ toon jleě mǒ bo klě tǐà wlòmo nè dɛ bɔ̌ɔ dɛ, nè nii kɛ̀ kpni kukwǐ, nɛ̀ bò se nu, tǐ tìi tà dɛ jakǎ miì jebo beeba.”

Jɔ̀ɔ̌n 6:39

Nyesoaà dbo Mǒo Ɔ se jlǎ Bo mǎ nyu wùɛ Ɔ nye Mǒo, kɛɛ klě demǒ bɔɔ̌ chnɛ̀ jlǒ waě wlòmo Ɔ jlɛ̌ Bo dǔǎ u jemǒ Bo nyeǎ u kmɔ̌ sie fònfno.

1 Kwnɛtiɛ̌ 1:21

Äa tɔ̀n kɔn Nyesoa nu kmɔ̌ɔ nyopò ǔ slě wɔ̀ bu ji Ɔ klě uu chɛ̀ɛ tɔ̀n wlòmo, kɛɛ dɛà Ɔ chlàa Bɔ nuu nɛ̀ u dɛɛ plɔɔ kokǒ tuposà ɛ̈ ä pee ɛ̈ wɛɛ nyopòà ü po ɛɛ tè kàan tè.

2 Kwnɛtiɛ̌ 4:14

Ä ji ɛle ɛ̈ moo Nyuǒ dǔu äa Koɔn Jùsu jemǒ Ɔ miǎ ä jemǒ dǔba a klee ämo Ɔ miǎě ä Ɔɔ chɛ̀ jemǒ kpa.

Jìmǐse 1:6

A gbà lɛ wan klě tè wlò popoɛ mǒ aǎ pe kplɛ. Mɛ kɔɔ̌n tèǒ joo nɛ̀ moo nyu wùɛ ɔ̈ kplɛ neěe wlò jleě ɔ wǒ je jbodoě bi kee mi fèflɛ tɛkɛ̌ɛ lee le.

Jìmǐse 5:13

Aa nyu tɔ̀ɔ ne kɛ lě tǐ jakě slè le? È bɔ boɔě Nyesoa mɔ̀. Aa nyu tɔ̀ɔ ɔ̈ kɔn plɔ blo kɛ le? È bɔ ble bɔ po Nyesoaa nynɛ̌ le.

Jìmǐse 5:16

Tèǒ nì kɔn tè ba wonwɔɔ aa kpni kukwǐ jele klě aa chɛ̀ slè, è ba bàteǒ aa bǐìi tà u miǒ aa tà bàte le ɛ̈ di ɛɛ numa Nyesoa mǐ a pean. Jebo siǐn nyuu Nyesoa bàtea ɛ ne kɛn kpě, nɛ̀ sɛ̀ǒ dɛ.

Jìmǐse 5:20

a ji ɛ ɛ̈ moo nyu wùɛ ɔ̈ mii dɛ kukǔ nuɔǒ de jaba ɔ̈ miě ɔɔ kenkan snǔǒ mɔ̀ sàba nɔ̀ mi dɛ kukǔ nuɔǒ ɔɔ sùsu gblàba klě kmɔ̌ sie kokoɛ̌ slè, nɛ̀ mi ɛ numa ɔɔ kpni kukwǐ fòfoaǒ ii tè mǐ wlò le poo lo.