Jìmǐse 5:10 - Nyesoaa Kuo Win Jajle

¹⁰ Ně bǐì Tentǎn Jǔu wǎn ane, ba tanʼǒ wnɔsàɔpo mɔ̀le, nù moo ɛɛ jboo dɛ keǒ sònwɛ jejeɛ̌ɛ wlò dbadbǎ mɔ̀ ü boɛaa klě Koɔnʼɔ nynɛ̌ wlòmo.

Jìmǐse 5:10 ပူးပေါင်းရင်းမြစ်များ

Lǔkù 13:34

Jlǔsnɛ nyo ane, Jlǔsnɛ nyo ane, amoà dbɛ̌ɛ Nyesoaa wnɔsàɔpo plě ü dbɛɛ̌ lěe nyopòà Nyesoa dboɔ amoo mɔ̀ seɛ̌, klě tǐ fòfoa wlòmo Ě jlɛ̌ Boǒ bòo a le kělɔ Ně chɛ̀ mɔ̀ wòje keǒ soǎn naǎ nii ɔ̌ gbè ɔɔ jlǔ le klě ɔ chɛ̀ɛ kpakpea bobo, kɛɛ aǎ nyeě fɔ̌!

Lǔkù 6:23

Bɛ̌ nu dɛǒ bɛ̌ kpa tùɔn keǒ a jleě mǒ, aa plɔ bɛ blo, a nu chǒn le a je. Mɛ̌oǒ joo nɛ̀ moo a kɔn snǒ sàe dɛ fòɛ ɛ̈ neěe jɔkɛn. Dɛɛ doǒ uu gbeǐpò nu ɛ Nyesoaa wnɔsàɔpo mǒ no.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:21

Jùsu kɔn Bɔ neě jɔkɛn bo ɛ mǐ ɛ kpa kpa Nyesoa mǐ noǎ wùɛ jajlo měne po klě tǐǒ Ɔ pooa lěe wlòmo ɛ̈ Ɔɔ ngmà je ne wnɔsàɔpo sàlaa wan seela tǐ jleě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:52

A wɔ̀le je ba sà kɛě Nyesoaa wnɔsàɔpoo nyuu doo nynɛ̌ ɔ̈ kɔn tè aa gbeǐpò seaa mɔ̀ tè le? U dedbǎe nyopòǒ le ü tmɔɔ̌a nuu seela tǐ jleě ɛ̈ kwɛɛǒo Nyesoaa Jebo Siǐn Nyu Ɔ̈ mia lěe diba Ɔɔ tè jleě mǒ bo. È tà Ɔmo Nyuǒ Ɔ diěe, a mu ǎ sàě Ɔ bo demǒ ǎ poo Ɔ mnùngma.

Hiblǔ 13:7

A po nyopòǒ wlò mɔ̀ ü moo amoo Tentǎn Jǔu wǎnʼa je si nyo ü boɛa amoo Nyesoaa win je. A tanʼǒ uu kmɔ̌ u neaa mɔ̀le klee dɛ ɛ nuǒo nyopò tùu kmɔ̌ neneɛ jleě mǒ, a miě uu tè wlò popoɛɛ fì le sà ɛ̈ u kɔnaa klě Nyesoa mǒ.

Jìmǐse 4:11

Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

Jìmǐse 5:13

Aa nyu tɔ̀ɔ ne kɛ lě tǐ jakě slè le? È bɔ boɔě Nyesoa mɔ̀. Aa nyu tɔ̀ɔ ɔ̈ kɔn plɔ blo kɛ le? È bɔ ble bɔ po Nyesoaa nynɛ̌ le.

Jìmǐse 5:7

Ně bǐì Tentǎn Jǔu wǎn ane, a kɔn wlò dbadbǎ ɛ mǐ ɛ kpa kpa äa Koɔn Jùsu miǎ de di. Aa chɛ̀ a ji ɛle keǒ jlǒ nu nyo nii ǔ fe uu dǎgbà u dɔ̌ɔ kɛn mǒ klě chèa mǒ i mǐi kun i mǐi kàan digbaǐ tù, plě u dbɛ̌ wlò ǔ fe nǔ bɛ diě ɛ mǐ uu digbaǐ kuɛn.

Jìmǐse 5:9

Ně bǐì Tentǎn Jǔu wǎn ane, aǎ boboɛɛ wan le ɛ̈ di ɛɛ numa Blilǐ Tùɔ̌ Ɔ̈ moo Jùsu Ɔɔ̌ di a tè jɛɛ le. Sɛjesɛ Ɔ mi de diba pase.