Jìmǐse 4:4 - Nyesoaa Kuo Win Jajle

⁴ Amo se tè wlò popoɛ kɔn nyoà, a se kɛ i ji ɛ̈ moo nyopòà ü noɛ nee kmɔ̌ɔ noǎa mǒ u moo Nyesoaa jlae nyoe? Tèǒ nì kɔn tè nyu wùɛ ɔ̈ mii kmɔ̌ mɔ̀nai mǒ kɔnma ɔ moo Nyesoaa jlae nyu.

Jìmǐse 4:4 ပူးပေါင်းရင်းမြစ်များ

Matiɔ̌n 12:39

Kɛɛ kě Ɔ dɛ̌a Ɔ je, “Amo kpni kukwǐ nyo klee se tè wlò popoɛ kɔn nyoà ne kekɛɛ kmɔ̌, a jlɛ̌ Bo te a jboo dɛ je, kɛɛ a se ɛ jěba mu, ɛ̀ sìnʼǒ je te dɛɛ doǒ ɛ̈ kwɛɛaǒo Nyesoaa wnɔsàɔ Jònǎa tè jleě mǒ bo.

Matiɔ̌n 16:4

Amo kpni kukwǐ nyo klee se tè wlò popoɛ kɔn nyoà ne kekɛɛ kmɔ̌, a jlɛ̌ Bo te a jboo dɛ je, kɛɛ a se ɛ jěba mu, ɛ̀ sìnʼǒ jboo dɛɛ doǒ ɛ̈ kwɛɛǒo Jònǎa tè jleě mǒ bo.” È nùǒ Ɔ sɔnaǒ gbàa mǒ.

Matiɔ̌n 6:24

È kě Jùsu dɛ̌a u je de Ɔ je, “Nyuu do slě wɔ̀ bɔ neeě chì kpa ämopòo sɔ̌n bobo. Ɔ mi do faenma ɔ mǐ do mǒ noɛɛ ne plě ɔ miǒ do tùtuɛ nyema ɔ miǒ doo tè le sàe le. Dɛɛ doǒ nɛ̀ ɛ mono, a slě wɔ̀ ba neě Nyesoa bobo plě ba neě kmɔ̌ɔ noǎ bobo.

Lǔkù 19:27

È keǒ nyopòà moo něe jlae nyo mɔ̀ ü see jlǎ boǒ monoo klɔ̀ba, a jaě u kěàǎ jemǒ a mǐ u dbǎ.’ ”

Jɔ̀ɔ̌n 15:19

Bɛ̌ nu bǎ kɔnʼɔ lě kmɔ̌ wlòmo, ɛ mii a mǒ noɛɛma wòje ɛɛ nyopò. Kɛɛ Ě po ɛ ble keǒ Boǒ sàě a kmɔ̌ wlòmo, tèǒ nì kɔn tè a slě kmɔ̌ wlòmo kɔn, dɛǒ nɛ̀ kɔn tè kmɔ̌ɔ nyopò faen amo.

Jɔ̀ɔ̌n 17:14

Ě nye u Nè winʼà ne, è kmɔ̌ faen u nu. Mɛ̌oǒ joo nɛ̀ moo u slě kmɔ̌ɔ noǎ slè kɔn wòje keà Ě nuu Ě slěe kmɔ̌ɔ noǎ slè kɔn.

Jɔ̀ɔ̌n 7:7

Kmɔ̌ɔ nyopò slě wɔ̀ bu faen amo, kɛɛ Ě tmɛɛ̌ u kaǒ ɛ̈ moo noǎǒ u nii i moo kukǔ, nɛ̀ kɔn tè u faen Mǒ.

Wlǔmɔ 5:10

Tǐǒ jleě ä mooa Nyesoaa jlae nyo, Ɔ̀ nu ä mǒ Ɔɔ nenawa ɛ̈ diiěe Ɔɔ Jǔ Jùsuu kokoɛ̌ mǒ. Klě tǐà wlòmo ä moo Ɔɔ mɔ̀niapo ii tè ä ji ɛle sɛjesɛ ɛ̈ moo Ɔɔ Jǔ mi ä waba klě Ɔɔ chɛ̀ɛ fònfno mǒ.

Wlǔmɔ 8:7

Tèǒ nì kɔn tè nyuà kpni kukwǐ kmɔ̌ɔ dlǒ le sìɛnsiɛn neěe mǒ, ɔ moo Nyesoaa jlae nyu. Mɛ̌oǒ joo nɛ̀ moo ɔɔ̌ tùǒ Nyesoaa teteǎ plě ɔ slě wɔ̀ bɔ tùǒ i bo.

1 Kwnɛtiɛ̌ 1:20

Ii tè mɛ ɛ te leě kɛ keǒ kmɔ̌à ɛɛ tɔ̀n kɔn nyo mɔ̀ klee teteǎ tee nyo klee chɛtlǐi nyo? Ɛ tee ɛ ɛ̈ moo Nyesoa Nɔ̀ nua tɔ̀nʼà neɔɔ kmɔ̌ɔ mɔ̀ ɛ̌ moo plɔɔ kokǒ dɛ.

1 Kwnɛtiɛ̌ 1:21

Äa tɔ̀n kɔn Nyesoa nu kmɔ̌ɔ nyopò ǔ slě wɔ̀ bu ji Ɔ klě uu chɛ̀ɛ tɔ̀n wlòmo, kɛɛ dɛà Ɔ chlàa Bɔ nuu nɛ̀ u dɛɛ plɔɔ kokǒ tuposà ɛ̈ ä pee ɛ̈ wɛɛ nyopòà ü po ɛɛ tè kàan tè.

Kalesiɛ̌n 1:10

Dɛǒ Ě boɔ kɛɛ ɛ tee kɛ lɛ ɛ̈ moo Ě tɛ̀n ɛ mǒ keǒ bo wɛɛnʼǒ tùonyugbe klee Nyesoa jǐ kɛn lee? A jě kɛ lɛ ɛ̈ moo Ě tɛ̀n ɛ mǒ keǒ bo bloo tùonyugbee plɔ le? Bɛ̌ nu kaǒ bo kee ɛ mǒ tɛ̀n keǒ boǒ bloo loo tùonyugbee plɔ, è Ě see Nyesoaa na wien po nyebajlo tùba mu.

Jìmǐse 1:27

È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.