Jìmǐse 4:11 - Nyesoaa Kuo Win Jajle

¹¹ Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

Jìmǐse 4:11 ပူးပေါင်းရင်းမြစ်များ

Lǔkù 6:37

È dɛ tɛ̀ɛ Jùsu boɛa uu je de nɛ̀à Ɔ je, “Aǎ jɛɛ nyopò tùu tè, nɛ̀ bǎ se nu Nyesoa mi a tè jɛɛba. Aǎ bɛtɛ̌ɛ nyopò tùu tè je, nɛ̀ bǎ se nu Nyesoa mi a je bɛtɛ̌ɛba. A poo nyopò tùu tè wlò le Nyesoa mǐ aa tè wlò le poo lo ke.

Wlǔmɔ 2:1

Tèǒ nì kɔn tè ɛ slě ɛ mɔ̀ kɔn nyu tae bò moo no, nyu wùɛ ɔ̈ jɛɛ lee nyopò tùu tè, kanfinǎ tɛ̀ɛ seǒ ɔ kɛn ne. Bɛ̌ nu bò jɛɛ nyu tɔ̀ɔ tè plě dɛǒ kɔn tè jɛ̀ɛ ɔɔ tè bò ke ɛmo dɛ kukǔu doǒ ni, è nè chɛ̀ǒ jɛɛ tè ke.

Wlǔmɔ 2:13

Nyopòà ü wɔ̌nʼɔ Nyesoaa teteǎ sosǒ u se jebo siǐn nyo, kɛɛ nyopòà tùiǒo teteǎǒ nù Ɔ miǎ jebo siǐn nyo mǒ numa.

Wlǔmɔ 7:7

Ɛ sɛ̀n kɛ nynɛ̌ Nyesoaa teteǎà i moo kpni kukwǐ le? Ɛ se bò nu! Bɛ̌ nu bɛ̌ see teteǎa tè, Ě see dɛ monoo kpni kukwǐ jiba mu. Ɛɛ jboo dɛ nɛ̀à, bɛ̌ nu bo teteǎ bǐ see wiěn nyu ně ni chea keǒ nyu tɔ̀ɔ mɔ̀, è dɛ chea nunuɛ sɛ̀nʼɛ nynɛ̌ Ě see ɛ jiba mu. (Ex 20.17, Deut 5.21)

1 Kwnɛtiɛ̌ 4:5

Tèǒ nì kɔn tè baǎ tùi aa bǐì tè mɔ̀ plě tǐ miǒ nyni, a fo Koɔn Jùsuu de di tǐ, Nɔ̀ miě noǎ wùɛà wɛ̌ɛ klě kwijlě slè pepě mǒ jaba plě noǎ wùɛà tùonyuu wlò poo ble Ɔ miǒ i pepě mǒ poba. È klě tǐǒ wlòmo Nyesoa miǎ nyu wùɛ le bìseba ɛ̈ blɛɛ ɔmoo nyuǒ je.

2 Kwnɛtiɛ̌ 12:20

Ě pe fano de ɛ̈ moo bɛ̌ nu boǒ diě a mɔ̀, Ě miě a dɔ̌ tǔn wlòmo jɛɛba ɛ̈ Ě see lě amoo ja le pɔ̀ɔn no. È a miěě tǔn tɛ̀ɛ wlòmo jeěba ɛ̈ a slě mǒo ja le pɔ̀ɔn no. È noǎ kɔn fano Ě pee Ě miě amoo slè jɛɛba nì moo chɛtlǐia klee chea klee jlo klee wlòo kɛn le kenkěa klee sadoě popoɛ klee de měne boboɔɔa klee de jaě sùsu plě klee nyopò bu jejǎea ja le.

Ifisiɛ̌n 4:31

Aǎ kwɛn dɛ kukǔu kɛ̀ keǒ aa wlè jleě keǒ nyopò tùu mɔ̀. Bǎ ke jlo pe, aǎ se je kenkan ji. Aǎ ke jlo pe aǎ pnɛ̌ le plě aǎ cheɛɛ̌ nyopò tùu le. Aǎ fɛɛn nyu wùɛ.

1 Timɛtě 3:11

Dɛɛ doǒ nɛ̀ bɛ mono, uu nynoo kmɔ̌ bɛ nu kàan, uǔ boɛɛ nyopò de měne, bu tbaě jǐ mǒ bo plě tǐ wùɛ mɔ̀ bu mǎě sèn bo.

2 Timɛtě 3:3

u seǎ chnechně wlògbae kɔnma mu keǒ nyopò tùu mɔ̀ klee ně poo nyuu tè wlò le kmɔ̌, sen le tmɔtmɔ̌ klee slɛ̀ mɔ̀ ne kmɔ̌ nɛ̀ miǎě u ja nema, se dìee wlò kwa bleblɛ̌ ji kmɔ̌ plě klee u miǎ kàan dɛ wùɛ faen ne.

Taetɔ̌ 2:3

Dɛɛ doǒ nɛ̀ bò nu, tee nynekpaklě bu ne kàan kmɔ̌ nyopò miǒ u tùtuɛ nye klee buǔ pe nyopò tùu sen dlǒ le klee buǔ nɛ̌ nmɔ ɛɛ̌ ni nu, kɛɛ bu moo kàan dɛɛ tee nyo

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 1:25

Kɛɛ nyu wùɛ ɔ̈ mii Nyesoaa mɔ̀le snǎ teteǎ chěnma plě ɔ̈ mi nii chencheɛ̌n nya kpaeba ï bɛ̌ ämoo kè dbǔ mɔ̀, bɛ̌ nu bɔ̌ ke dɛ i boɛɛ ni ɛ̈ see bɔ wɔ̌n ni sosǒo do, ɔɔ plɔ mi bloba keǒ dɛ wùɛ ɔ mii numa mɔ̀.

Jìmǐse 2:8

Kɛɛ bǎ keǒ Nyesoaa teteǎ bo tùi ï neě Ɔɔ Win wlòmo ï dɛ̌ bòo ɛ̈ moo, “Noɛɛ nyopò tùu mǒ keǒ nù nèe chɛ̀ mǒ noɛnoɛ,” (Lev 19.18) è kàan dɛ nɛ̀ǒ a ni.

Jìmǐse 5:10

Ně bǐì Tentǎn Jǔu wǎn ane, ba tanʼǒ wnɔsàɔpo mɔ̀le, nù moo ɛɛ jboo dɛ keǒ sònwɛ jejeɛ̌ɛ wlò dbadbǎ mɔ̀ ü boɛaa klě Koɔnʼɔ nynɛ̌ wlòmo.

Jìmǐse 5:7

Ně bǐì Tentǎn Jǔu wǎn ane, a kɔn wlò dbadbǎ ɛ mǐ ɛ kpa kpa äa Koɔn Jùsu miǎ de di. Aa chɛ̀ a ji ɛle keǒ jlǒ nu nyo nii ǔ fe uu dǎgbà u dɔ̌ɔ kɛn mǒ klě chèa mǒ i mǐi kun i mǐi kàan digbaǐ tù, plě u dbɛ̌ wlò ǔ fe nǔ bɛ diě ɛ mǐ uu digbaǐ kuɛn.

Jìmǐse 5:9

Ně bǐì Tentǎn Jǔu wǎn ane, aǎ boboɛɛ wan le ɛ̈ di ɛɛ numa Blilǐ Tùɔ̌ Ɔ̈ moo Jùsu Ɔɔ̌ di a tè jɛɛ le. Sɛjesɛ Ɔ mi de diba pase.

1 Pitɛ̌ 2:1

Tèǒ nì kɔn tè noǎ kukwǐ wùɛ a sàě i aa kmɔ̌ neneɛ mǒ, jà sen le tmɔtmɔ̌ klee ä jěè kɛn ä daà kàan chènyɔ Nyesoa nyo kmɔ̌ klee chea kmɔ̌ plě klee sadoě popoɛ.