Jìmǐse 4:1 - Nyesoaa Kuo Win Jajle

¹ È tà je wònwɔn klee chèchɛ i sɔɔ̌n kɛ mǒ ǐ neěe amo slè? Aa jǐlenymi ble po noǎǒ a chlàa klě aa wlè jleě nìǒ wɛ̀n klě a mǒ.

Jìmǐse 4:1 ပူးပေါင်းရင်းမြစ်များ

Matiɔ̌n 15:19

Ii tè dɛ kukǔ dlǒ le sìɛnsiɛn klee mnùngma popoɛ klee wlawle nunuɛ klee gblà popoɛ klee jlijlɛ̌ klee sen le tmɔtmɔ̌ plě klee nyu mǒ feflea ii wùɛà i sonwɛě mǒ wlò jleě.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Wlǔmɔ 7:23

Kɛɛ Ě jě dɔ̌ teteǎ tìi ï neě mǒo mǒ, nì wɛ̀n Nyesoaa teteǎ je, nì ni mǒ klě ně dlǒ wlòmo Ě moo kèi keǒ kpni kukwǐ mɔ̀ ï kɔn mǒo win kwa.

Wlǔmɔ 7:5

Tà äa tùonyu kmɔ̌à ɛ kɔna ämoo win kwa, è äa kpni kukwǐi jlajlǎ dɛǒ ɛ̈ teteǎ niaa ɛ̈ nymɛ̌aa nɛ̀ nia ämo ä nia noǎ ï wɔ̀le je bi ja lěe kokoɛ̌.

Wlǔmɔ 8:7

Tèǒ nì kɔn tè nyuà kpni kukwǐ kmɔ̌ɔ dlǒ le sìɛnsiɛn neěe mǒ, ɔ moo Nyesoaa jlae nyu. Mɛ̌oǒ joo nɛ̀ moo ɔɔ̌ tùǒ Nyesoaa teteǎ plě ɔ slě wɔ̀ bɔ tùǒ i bo.

Kalesiɛ̌n 5:17

Dɛà tùonyugbee kpni kukwǐ kmɔ̌ǒ neě ɔɔ mǒ ɛ poo ble ɛ wɛ̀n Ngmà Je Ne Sùsuu dɛ Ɛ jlɛ̌ɛ je, è dɛǒ Ngmà Je Ne Sùsu jlɛ̌ɛ ɛ wɛ̀n dɛǒ tùonyugbee kmɔ̌ jlɛ̌ɛ je. Ii sɔ̌n wùɛǒ i tetbɛɛě le kɛn, nɛ̀ ni ɛ kàan dɛà a jlɛ̌ ba nuu aǎ nu ɛ.

Klasɔ̌n 3:5

Tèǒ nì kɔn tè a tɛ aa kpni kukwǐ kmɔ̌ǒ bo, jà wlawle nunuɛ klee se wòn mɔ̀ɔ wɛ̀ kmɔ̌ klee dɛ wùɛ kɔn tǒn wlògbae klee kpni kukwǐi ble po dɛ plě klee wnɔwnǔ wlògbae ɛ̈ monoo nǔkpuǐi wɛ̀ sèsaa bo tɛ̀ɛ.

2 Timɛtě 2:23

Tmɔɔ boboɛ klee se tɔ̀n mǒ ne chɛtlǐia mɔ̀. Jì ɛle ɛ̈ moo i jɛě wònwɔn sosǒ.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Taetɔ̌ 3:9

A tbɛ bobo chɛtlǐia kɛn klee gbeǐpò dlěe nyneǎ slèslɛ klee je wònwɔɔa plě klee wònwɔn ɛ̈ kwɛɛǒo Nyesoaa teteǎ jleě mǒ bo. Mɛ kɔɔ̌n tèǒ joo nɛ̀ moo i ni dɛ ɛ̌ sǐ nyu mǒ bo plě kàan dɛ slě i mǒ ne.

Jìmǐse 1:14

Dɛà nyu wùɛ chlàa klě ɔɔ chɛ̀ wlò jleě nɛ̀ tɛ̀n lě ɔ měne nɛ̀ kɔn tǒn ni ɔ, è nɛ̀ chlì ɔ ɛ̈ sɛ̀ǒ ɔ Nyesoa demǒ.

Jìmǐse 4:3

È bɛ̌ nu bǎ gbà Nyesoa wan dɛɛ tè Ɔɔ̌ nye ɛ amo. Mɛ̌oǒ joo nɛ̀ moo aa dlǒ le sìɛnsiɛn keǒ dɛǒ mɔ̀ ɛ nymi le jǐ klee a gbɛ̀ dɛ wan a mǐ aa chɛ̀ɛ plɔ bloo lo keǒ aa jǐlenymi dɛ a jlɛ̌ɛ mɔ̀.

1 Pitɛ̌ 1:14

A tùǒ Nyesoa bo wòje Ɔɔ jlǔ, è aǎ ne kmɔ̌ kukǔǒ a ne pnɔɔ plě ǎ jii kàan dɛɛ tè.

1 Pitɛ̌ 2:11

Ně mǒ noɛɛ nyopò ane, Ě bɛ̀te ale, ɛ̈ kɔn amo monoo dakpě klee nyopò se lɔɔ kmɔ̌ɔ mɔ̀ kɔn, ba sà kpni kukwǐ jleě mɔ̀ ï kpɛ amoo to mɔ̀.

2 Pitɛ̌ 2:18

U pe wun fòe le ɛ̈ see dɛ mǒ ne klee u ni tùonyuu jlajlǎ dɛ kukǔ ǔ sɛ̀ǒ nyopò Nyesoa demǒ ü kèke u tùi Nyesoa dɛ wlò bü plùu luu nyopòǒ neěe kpni kukwǐ slè je.

2 Pitɛ̌ 3:3

Klekle dɛ ba jboo le nɛ̀ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo, nyopòà pee Nyesoa dɛ pà kɛn u miǎě diba, u nɛ uu chɛ̀ɛ noǎ kukwǐi jlajlǎ dɛ de.