Jìmǐse 3:6 - Nyesoaa Kuo Win Jajle

⁶ Nè mɛǒ ɛ wǒ je na, nɛ̀ ni mò è boɛ noǎ kukwǐ le tǐ wùɛ mɔ̀. Nɛ̀ neě noǎ wùɛ neǒ mòo jleě mǒ slè ɛ̈ nymii niì jǐ le plě ɛ̌ ni dɛ kukǔ ɛ̈ sà lěe kǔu na slè, nɛ̀ ni nè kmɔ̌ neneɛ wùɛ nee ɛ̌ moo dɛ kukǔ.

Jìmǐse 3:6 ပူးပေါင်းရင်းမြစ်များ

Matiɔ̌n 12:24

Kɛɛ tà Fɛlesǐi wǎn wɔ̌naa tèǒ nyopòǒ u boɔlaa, è kě u dɛ̌a u je, “Dɛ kɔn tè Ɔ wɔ̀le ɛɛ keǒ Bɔ sà lěe nyopò kǔ sìsiǒ ja le nɛ̀ moo Biɛsìbo ɔ̈ moo kǔ sìsii je siɔ nɔ̀ǒ nye Ɔ kpě.”

Matiɔ̌n 5:22

kɛɛ Ě tmɛɛ̌ ane, nyu wùɛ ɔ̈ mii nyu tɔ̀ɔ jlo pooba, Nyesoa mi ɔ tè jɛɛba. È nyu wùɛ ɔ̈ mii nyu tɔ̀ɔ boboɛ mǒ jěba, ɔ mi tè jɛɛa kɔnma keǒ tè tùla mǒ. È nyu wùɛ ɔ̈ mii nyu tɔ̀ɔ plɔ kokoɛ̌ɛ daeba, jǐlenymi na slè mumuɛ nɛ̀ poo ɔ jeja.

Mǎkè 7:15

Ɛ se dɛà nyu dii ɛɛ̌ nu ɔ se sìnɛ wɛ̀ nyu mǒ klě Nyesoa jǐ kɛn, kɛɛ tèà sonwɛ lěe tùonyugbe wan mǒ nì ni ɔ ɔ̌ se sìnɛ wɛ̀.

Lǔkù 16:24

Ii tè ɔ pnǎna dɛ jleě kě ɔ dɛ̌a ɔ je, ‘Ně gbeǐ Eblɛ̌hɛ̀mo, kělɔ naɔ slè Ě neɔɔ Ě jě sònwɛ! Jboǒ wɔle je, dbo Làesɔ̌ bɔ kɔ ɔɔ chìjoɛɛ ngmnǎ ně je ɔ mǐ ně mɛà pepɛ le.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:30

Nyopò miě a slè mǒ sɔnma u mǐ a sen wan le tmɔɔ̌ no ɛ̈ di ɛɛ numa u mǐ Jùsuu mɔ̀ na nyo nu u mǐ uu tè wlò popoɛ kɛn tbɛ u mǐ u de na.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:3

è kě Pitɛ̌ dɛ̌a ɔ je ɔ je, “Ɛnenaeǎ, mɛ kɔɔ̌n tè sɔ̀ɔ̌n kɛǒ Setɛ̀n ɔ̈ moo kǔ sìsii klɔ̀ba mɔ̀ mǒ ɔ boo loǒ mò, è tmɛɛ̌ něeě Ngmà Je Ne Sùsu sen jele, è tùǔ wlěǒ ii tìe bo ï nè blǒ jěe plě jè nyèe Nyesoa?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:13

È sen le tmɔ̌ sàsepo nù nynana bo ü dɛ̌a bò ɛ̈ moo, “Nyuà tàa tǐi pɛpɛ mɔ̀ ɔ boɛ äa ngmà je ne kǎ fòɛà win kukwǐ fǒ měne klee Nyesoaa teteǎ.

Taetɔ̌ 1:11

Kɔ̀n bò kan u je. Bǔ tee noǎà u see je blɛɛ le bu tee lee, è tùgbee tè wlò popoɛǒ u nymii jǐ le. U ni ɛ sosǒ keǒ bu mǐ wlě jě.

Jìmǐse 2:7

Ɛ se kɛ Nyuà Ɔ̈ kɔn wɛ̀ a sɛ̀ɛ uǔ bɛtɛ̌ɛ Ɔɔ tè je le?

Jìmǐse 3:7

Tùonyopo wɔ̀le ɛle keǒ bu tee kwlǎ slè soaa doědoe. U tee kwlǎ slè soa klee noe klee smì.

2 Pitɛ̌ 3:3

Klekle dɛ ba jboo le nɛ̀ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo, nyopòà pee Nyesoa dɛ pà kɛn u miǎě diba, u nɛ uu chɛ̀ɛ noǎ kukwǐi jlajlǎ dɛ de.

3 Jɔ̀ɔ̌n 1:10

Tèǒ nì kɔn tè bɛ̌ nu bo diě, Ě mi Tentǎn Jǔu wǎnʼǒ tmɔɔ̌ma ɛ̈ kwɛɛǒo noǎ kukwǐǒ Daetlòfɔ nii jleě mǒ bo klee senʼǒ ɔ gbɛ̀tɛɛ lee le keǒ ä jleě mǒ. Dɛǒ ɔ nii ɛ se fò, ii tè bɛ̌ nu Nyesoa nyoà bǔ diě ɛmo tàě ɔɔ̌ kme u jebo plě ɔ̌ tmɛɛ̌ nyopòà jlɛ̌ bu kme uu jebo buǔ ni ɛ, ɔ̌ sɛ̀ě nyopòǒ ni ɛɛ Tentǎn Jǔu wǎn slè.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 18:23

Nǎpeaa pepeǎ seǎa kɛ̀ fonfɔn kɔn de. Nyu seě tǐnma nynɔ klee ɔɔ jbee win wɔ̌nma mu. Babòlɔnʼɔ noǎ plo nyo nù moo pnɔ kpě kɛne nyo kělɔ blǒɔ mɔ̀ plě ɛɛ nyopò ni sàlesa ǔ gbee dakwɛ̌ wùɛ mǒ.

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.