Jìmǐse 3:2 - Nyesoaa Kuo Win Jajle

² Äa wùɛ ä ni kpni kukwǐ fòfoa. Bɛ̌ nu bɛ̌ wɔ̀ɔ lě ɛ keǒ nyu bɔ sěɛlǎ dɛ kukǔ boɛ, è nɔ̀ monoo mɔ̀le snǎ nyu kpǎkpǎ, è nɔ̀ wɔ̀le je bɔ kɔɔn ɔɔ chɛ̀ win kwa.

Jìmǐse 3:2 ပူးပေါင်းရင်းမြစ်များ

Matiɔ̌n 12:34

A kɔn wlè kukwǐ wòje chì nyeě ngmɛ̀ɛ smea, tà dɛ kukǔ neě amoo wlè jleě, ke tae aa nyu wɔ̀le je bɔ nuǔ kɛ kàan tè boɔboɔ? Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.

Matiɔ̌n 12:37

Nè boɔboɔ win nì Nyesoa miǎ numa Ɔ miǎà blilǐ mɔ̀ tù. Klě ɛmoǒ mǒ mìǎ ɛ jiba bɛ̈ blilǐ kmeè ne ɔ̀ɔ̌ bɛ̈ i seè kme.”

Wlǔmɔ 3:10

wòje ke ɛ nuu chleěa klě Nyesoaa win wlòmo ɛ̈ moo, “Nyu wùɛ nɔ̀ seǒ jebo siǐn ni, ɛ se nyuu doo chɛ̀ kɔn.

Wlǔmɔ 7:21

Ii tè Ě jbo ɛ le ɛ̈ moo bɛ̌ nu bo jlɛ̌ bo nu kàan dɛ, è kpni kukwǐ nynaǒǒ gbàa bo.

1 Kwnɛtiɛ̌ 9:27

Ě ni ně fǒ ɛ̌ kwinkwii měne klee Ě tee ɛ ɛ miǒǒ tù ɛ̈ di ɛɛ numa bo da nyopò tùu keǒ bä mu plùplɛɛ blala mǒ, ně chɛ̀à ně diě blalaǒ slè sàe le.

Kalesiɛ̌n 3:22

Kɛɛ kě Nyesoaa win dɛ̌ ä je ɛ̈ moo “Nyu wùɛ neě kpni kukwǐi kpě bobo.” Tèǒ nì kɔn tè ngmnaà Nyesoa peeěe Ɔ nye ɛ nyopòà kɔnʼɔ tè wlò popoɛ klě Tentǎn Jǔ Jùsu mǒ, uu do sosǒ nù kɔn nɛ.

Kalesiɛ̌n 5:17

Dɛà tùonyugbee kpni kukwǐ kmɔ̌ǒ neě ɔɔ mǒ ɛ poo ble ɛ wɛ̀n Ngmà Je Ne Sùsuu dɛ Ɛ jlɛ̌ɛ je, è dɛǒ Ngmà Je Ne Sùsu jlɛ̌ɛ ɛ wɛ̀n dɛǒ tùonyugbee kmɔ̌ jlɛ̌ɛ je. Ii sɔ̌n wùɛǒ i tetbɛɛě le kɛn, nɛ̀ ni ɛ kàan dɛà a jlɛ̌ ba nuu aǎ nu ɛ.

Klasɔ̌n 1:28

Ä boɛɛ kɛn Tentǎn Jǔu tè klě nyopò wùɛ mɔ̀, ä wɛ uu wùɛ wlò je plě ä tee u Nyesoaa tɔ̀n ɛ̈ di ɛɛ numa ä mǐ nyopò wùɛ nu u miě mɔ̀le snǎ klě uu tè wlò popoɛ mǒ ɛ̈ u kɔnʼɔ klě Tentǎn Jǔ mǒ.

Klasɔ̌n 4:12

Ɛpaflɔ̀ ɔ̈ moo Tentǎn Jǔu nyebajlo tɔ̀ɔ ɔ̈ sɔnʼě amoo tàkpɔ̌ǒ slè mǒ ɔ gbà a wan le ke. Tǐ wùɛ mɔ̀ ɔ mǎě sèn bo ɔ̌ bɛ̀teeǒ aa tà ɛ̈ di ɛɛ numa a mǐ bo nyna kpankpa a miǒ Nyesoa bo tù keǒ noǎ wùɛ Ɔ jlɛ̌ ba nuu mɔ̀.

Hiblǔ 13:21

Nɛ bo Nyesoa Bɔ nye a kàan noǎ wùɛ ɛ̈ di ɛɛ numa a miě ɛ wɔ̀ a mǐ Ɔɔ kɛn wɔɔn dɛ nu plě Bɔ nu dɛǒ blee Ɔɔ plɔ klě ä mǒ ɛ̈ diiě Jùsu Tentǎn Jǔ mǒ. Nɛ Tentǎn Jǔ Bɔ kɔn tè jǐ boaboǎ ke ɛ mii jleě mǒ bo tonma, kě bɛ ne.

Jìmǐse 1:26

Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

Jìmǐse 1:4

Nɛ aa wlò dbadbǎ pɛ̀tuǒ ɛ̈ neě amoo mǒ bɛ chlà ɛɛ konkwa dlǒ ɛ̈ di ɛɛ numa aa kmɔ̌ neneɛ miě mɔ̀le snǎ kpǎkpǎ, dɛ tɛ̀ɛ ɛɛ̌ diǒ si klě Nyesoa jǐ kɛn.

Jìmǐse 2:10

Nyu wùɛ ɔ̈ mi ɛɛ mǒ tɛ̀nma keǒ bɔ tùǒo Nyesoaa teteǎ wùɛ bo, kɛɛ ɔ̈ miě ii dɛɛ do snǔ mɔ̀ sàba, è tè jɛɛa nɛ̀ neǒ ɔ kɛn keǒ bɔ sàě ii wùɛǒ snǔ mɔ̀.

1 Pitɛ̌ 3:10

wòje keǒ Ɔɔ win dɛ̌ɛ ɛ̈ moo, “Nyu wùɛ bɔ̈ ke ɛ jlɛ̌ keǒ bɔ nee plɔɔ bloblɛ klee kàan tǐ kmɔ̌, è bɔɔ̌ tmɛ̌ sen klee bɔɔ̌ boɛ dɛ kukǔ wùɛ.

1 Pitɛ̌ 5:10

Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ tǐ wùɛ mɔ̀ plě Ɔ̌ da amo klě Ɔɔ kmɔ̌ sie tè jǐ boaboǎǒ slè ɛ̈ diiě aa tè wlò popoɛ a kɔnʼɔ mǒ klě Tentǎn Jǔ mǒ. Ii tè bɛ̌ nu bǎ jě sònwɛ klě tǐ gbei wlòmo bɛ̌ sìn, Nɔ̀ mi a jemǒ dǔba klee Nɔ̀ mi a kbě ja le poba plě Ɔ miǒ a mɔ̀ mǎma.