Jìmǐse 3:17 - Nyesoaa Kuo Win Jajle

¹⁷ Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

Jìmǐse 3:17 ပူးပေါင်းရင်းမြစ်များ

Matiɔ̌n 23:28

Dɛɛ doǒ nɛ̀ ɛ mono keǒ a mɔ̀. A ni aa chɛ̀ ǎ wɛɛnʼě klɔ̀ jǐ kɛn le, kɛɛ a blě ä jěè kɛn ä daà kàan chènyɔ kmɔ̌ klee ně tùǒ teteǎ bo kmɔ̌.

Matiɔ̌n 5:8

Ɛ moo ngmna keǒ nyopòà mɔ̀ ü kɔn wlè snǎ lěe kɛne. Mɛ̌oǒ joo nɛ̀ moo nù miǎ Nyesoa jěba.

Matiɔ̌n 5:9

Ɛ moo ngmna keǒ nyopòà mɔ̀ ü jɛ lěe ně bo wnawna keǒ tà. Mɛ̌oǒ joo nɛ̀ moo Nyesoa mi u Ɔɔ jlǔ daeba.

Lǔkù 21:15

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Lǔkù 6:36

Tèǒ nì kɔn tè ba kɔn wɔle je jbojbɛ keǒ nyopò wùɛ mɔ̀ wòje keǒ aa jɔkɛn Gbeǐ nii Ɔ̌ kɔnʼɔ wɔle je jbojbɛ keǒ nyopò wùɛ mɔ̀.”

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:47

Tà Jùsu jěaa Nataniɔ̌ ɔ keaě Ɔɔ mɔ̀ di, è tèà nì Ɔ boɛaǒ ɔ jleě mǒ Ɔ je, “Kàan Ǐsòwɛ̌ kwɛin ɔ̈à mǒ booa slě mǒ ne, jè nɔ̀ǒ diě.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:24

Banàbɔ mooa kàan nyu ɔ̈à Ngmà Je Ne Sùsu jǐaa je plě ɔ̈ kɔnaa tè wlò popoɛ plě ɔ̈ jɛɛa lɔ nyopò fòfoa kělɔ Koɔn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:36

Klě diěǒ moo Japà kɛn ɛ kɔna nynɔ tɔ̀ɔ, ɔɔ nynɛ̌ mooa Tabità. Ɔ mooa Jùsuu mɔ̀ na nyoo nyuu do. È ɔɔ Kwlǐki nynɛ̌ mooa Dakɔsè ɛ̈ sɛ̀nʼɛ nynɛ̌ Nyaǎ. Tǐi pɛpɛ mɔ̀ ɔ nia kàan dɛ ɔ̌ sɛ̀ɛa sònwɛ nyo měne.

Wlǔmɔ 12:18

A nu noǎ wùɛ a wɔ̀le je ba nuu a mǐ ně bo wnawna kɔn keǒ nyu wùɛ mɔ̀.

Wlǔmɔ 12:9

A noɛɛ nyopò tùu mǒ aǎ niǒ ně kɛn le. È a faen dɛ kukǔ a miǒ kàan dɛ mɔ̀ kwa blě.

Wlǔmɔ 15:14

Ně bǐì Tentǎn Jǔu wǎn ane, Ě ji ɛle tɛɛ ɛ̈ moo a kɔn kàan dlǒ le sìɛnsiɛn plě ǎ ji le chɔɔ plě ǎ wɔ̀le ɛ ba tetee le.

1 Kwnɛtiɛ̌ 12:8

Nyesoaa Sùsu nye nyopòo tìe kbě ǔ boɛɛě tɔ̀n mǒ plě Ɛ̌ nye tìe kbě ǔ tee le.

2 Kwnɛtiɛ̌ 10:1

Mǒ Pɔ̀ɔ̌ mǒà gbɛ̀ɛ ɛ a wan klě kàan dɛ klee wlò dbadbǎ mǒ wòje ke Tentǎn Jǔ nuaa. Kě aa tìe tùu dɛ̌ ɛ̈ moo bɛ̌ nu a klee mǒ bä neǒ tàa do, è Ě slɔ̀ɔ je keǒ bo boɔ dɛ keǒ a jemǒ, kɛɛ boǒ tmɔɔ a mɔ̀ plě Ě kwin jele Ě chlě chněedɛ̌ jakǎ klě a mɔ̀.

2 Kwnɛtiɛ̌ 6:6

È noǎ tìi kɔn mǒ ä teeě lɛɛ ɛ̈ moo ä moo Nyesoaa na wien po nyebajle nì moo tè jɛɛa seǒ ä jleě mǒ ne klee äa tè le jbojbɛ klee äa wlò dbadbǎ plě äa kàan dɛ plě mɔ̀le snasnǎ klě äa wlè jleě plě kàan mǒ noɛnoɛ keǒ tùonyopo mɔ̀.

2 Kwnɛtiɛ̌ 7:11

Sònwɛ jejeɛ̌ wùɛà Nyesoa ja amoo mɔ̀ dɛ ɛ poǒ amoo bo ba chèǒ ɛɛ wùɛǒ kɛn bo. Ɛ nu amo ǎ peě kbě le ɛ̌ tee ɛ ɛ̈ moo a seǒ kpni kukwǐ dɛ jleě mǒ ji. Ɛ ni amo ǎ be jlo měne ǎ be fano mǒ plě ǎ jě ɛɛ dɛ ba nuǒ ɛɛ jleě mǒ, a wɛ̀ mɔ̀le ǎ mɛɛ̌ǒ nyopòǒ nii kpni kukwǐ uu plɔ tu kɛn bo ɛ̈ kɔn tè Ě chleě amoo mɔ̀. Keǒ ɛmo dɛǒ kɛn klě wakě wùɛ wlòmo a tee ɛ ɛ̈ moo tè jɛɛa seǒ a jleě mǒ ne.

2 Kwnɛtiɛ̌ 9:10

È Nyesoaǒ sɛ̀ɛ dodɔ̌ kou tàmo keǒ dodɔ̌ mɔ̀ plě Ɔ̈ sɛ̀ɛ digbaǐ tàmo keǒ didiɛ mɔ̀, Nɔ̀ mi dɛ tàmo sàba ke keǒ a mɔ̀ plě Ɔ mǐ dɛǒ a mii numa ngmna mɔ̀ po. Ɔ mi aa kàan konkwaǒ a nii numa ɛ mǐ dɛ fòfoa wlòmo sɔn.

Ifisiɛ̌n 5:9

Nyu bɔ̌ neě pepě slè, ɔ ni kàan noǎa doědoe ɔ̌ siǐnʼǒ jebo plě ɔ̌ boɛ kàan tè.

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.

Flepiɛ̌n 4:8

Ně bǐì Tentǎn Jǔu wǎn ane, demǒ bɔɔ̌ dɛ nɛ̀à, aa dlǒ le sìɛnsiɛn bɛ neǒ dɛà monoo kàan dɛ kɛn klee dɛà kɔn tè boǎa jǐ klee dɛà monoo mǒ slɛɛ̌ dɛ klee dɛà snǎ lěe mɔ̀le klee dɛà monoo jǐlenmɔ dɛ klee dɛà blee lee plɔ plě dɛ wùɛ ɛ̈ nyu bɔ̌ nuu ɛ̈ nii tɛɛ ɛ̈ kɔn tè u bɛɛ ɔɔ klee dɛà nyu bɔ̌ nuu ɛ̈ nii kàan tɛɛ.

Klasɔ̌n 1:10

ɛ̈ di ɛɛ numa a mǐ kmɔ̌ ne wòje keǒ Ɔɔ nyopò blɛɛ je bu nuu klee a mǐ Ɔɔ wlò bloo lo klě wakǎ wùɛ mǒ klee a mǐ Ɔɔ konkwa nu ɛ̈ monoo kàan noǎ wùɛɛ nunuɛ klee a miǒ Ɔ noǎ fòfoa jleě mǒ ji kaǒ.

1 Tɛseloniǎ 2:7

Ke ɛ toon jleě mǒ bo ä monoo Tentǎn Jǔu tuposà kpa nyo, ä blɛɛ je bä gbàa amo wan keǒ ba sɛ̀ɛ lee ä mǒ, kɛɛ ä kɔn wlèe sɔ̌n keǒ a mɔ̀ keà naǎ kɔnʼǒ ɔɔ jlǔu tè mɔ̀.

1 Timɛtě 5:21

Ě nyeè snǒ keǒ Nyesoa klee Tentǎn Jǔ Jùsu klee najiǒpò Ɔ sàa jemǒ keǒ bò tùǒ noǎ wùɛà Ě te mòo kwete mǒ ble, nè ni nyuà ɔɔ tè se bò wan ne keǒ nyu wùɛ mɔ̀.

2 Timɛtě 2:24

Koɔnʼɔ na wien po nyebajlo klee nyneju buǔ wɛ̀n, kɛɛ bu kɔn wlèe sɔ̌n keǒ nyu wùɛ mɔ̀. Bu moo kàan klee tee nyo ü kɔnʼɔ wlò dbadbǎ klee

Taetɔ̌ 1:15

Dɛ wùɛ snǎě le mɔ̀ keǒ nyopòà mɔ̀ ü snǎě uu chɛ̀ mɔ̀le, kɛɛ dɛ wùɛ nɛ̀ slě mɔ̀le snǎ keǒ nyopòà mɔ̀ ü kmɔ̌ sòan neěe ja klee ü see Nyesoaa win kàan tè po. Uu dlǒ le sìɛnsiɛn klee tè le jbojbɛɛ chɛ̀ i kɔn kmɔ̌ sòan.

Taetɔ̌ 3:2

Tmɔɔ̌ u buǔ boɛ nyu wùɛ win kukwǐ fǒ měne klee buǔ wɛ̀n, kɛɛ bu kɔn wlèe sɔ̌n keǒ nyopò tùu mɔ̀ klee tǐ wùɛ mɔ̀ bu tìeǒ uu chɛ̀ ja keǒ nyu wùɛ mɔ̀.

Hiblǔ 12:11

Nyu le sèsa wùɛ se wan nmɔ dɛ klě tǐǒ u sɛ̀ɛě nyuǒ le wlòmo, ɛ moo sònwɛ jejeɛ̌. Kɛɛ nyopòǒ bɛɛ̌ě ɛɛ wlòmo tìe bɛ̌ sìn, ɛ ni nu ǔ kwɛn ně bo wnawna klee jebo siǐan ï monoo dɛ sonwɛě ɛɛ wlòmo.

Hiblǔ 12:14

Nyu wùɛ ɔ̈ see ngmà je ne, ɔ se Koɔn Nyesoa jěba mu. Ii tè a tɛ̀n ɛ mǒ keǒ ně bo wnawna bɛ neǒ a klee nyopò tùu slè plě a tɛ̀n ɛ mǒ keǒ ba ne ngmà je.

Jìmǐse 1:17

Kàan klee mɔ̀le snǎ nyee noǎ wùɛ i sonwɛ lě mǒ Nyesoa mɔ̀ Ɔ̈ moo äa Jɔkɛn Gbeǐ Ɔ̈ nuaa pepě ɛ̈ neěe jɔ mǒ plě Ɔ̈ kɔn kmɔ̌ ɛɛ̌ wǒo de le wòje keà wɛnʼɛ sùsu nii.

Jìmǐse 1:5

È bɛ̌ nu aa nyu wùɛ bɔ̌ se ɛɛ tɔ̀n blě, è bɔ gbà Nyesoa wan, Ɔ mi ɛ ɔ̀ nyema, Ɔ̈à Bɔ jlee son je Bɔ nyee nyu dɛ ɛ̌ sisii ble plě Ɔɔ̌ pnaě nee nyu jǐ měne ɛɛ tè.

Jìmǐse 2:13

Mɛ kɔɔ̌n tèǒ joo nɛ̀ moo Nyesoa Bɔ̌ keǎ blilǐ tùi, Ɔ seǎ wɔle je jbojbɛ kɔnma mu keǒ nyopòà mɔ̀ ü see wɔle kɔn keǒ nyopò tùu mɔ̀. Nɛ̀ kɔn tè baǎ jɛɛ nyopò tùu tè, kɛɛ ba kɔn wɔle keǒ u mɔ̀.

Jìmǐse 2:4

Ɛmoǒ bǎ ke ɛ ni, ɛ se kɛ měne chlachlǎa do aǎ nu ɛ klě aa dlǒ le sìɛnsiɛn kukǔ mǒ le?

Jìmǐse 3:15

È ɛmo tɔ̀n taeǒ ɛ slě Nyesoa mɔ̀ mǒ sɔn, kɛɛ ɛ sɔn lě mǒ kmɔ̌ wlòmo klee klě a mǒ plě klee klě kǔ mɔ̀.

Jìmǐse 4:8

A diě a mǎ aa chɛ̀ Nyesoa debo, è Ɔ miě diba Ɔ mǐ a debo mǎ. Kpni kukwǐ nu nyo, ba bɔ̌ kpni kukwǐǒ a nii. Amo ä jěè kɛn ä daà kàan chènyɔ Nyesoa nyo, ba snǎě aa wlè jleě le a sàě kpni kukwǐǒ neěe.

1 Pitɛ̌ 1:22

Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.

1 Pitɛ̌ 2:1

Tèǒ nì kɔn tè noǎ kukwǐ wùɛ a sàě i aa kmɔ̌ neneɛ mǒ, jà sen le tmɔtmɔ̌ klee ä jěè kɛn ä daà kàan chènyɔ Nyesoa nyo kmɔ̌ klee chea kmɔ̌ plě klee sadoě popoɛ.

1 Pitɛ̌ 2:18

Na wien po nyebajle klee nynejlu ale, a tìeǒ aa chɛ̀ ja keǒ aa chì kpa ämopò mɔ̀, è tǐ wùɛ mɔ̀ a nyeǒ u tùtuɛ ɛ̈ se bǔ nu a kàan dɛ mǒo do klee bǔ kɔn wlèe sɔ̌n keǒ a mɔ̀ plě, kɛɛ bɛ̌ nu buǔ nu mǒ slɛɛ̌ dɛɛ chɛ̀ keǒ a mɔ̀, a tùǒ u.

1 Jɔ̀ɔ̌n 3:18

Ně jlǔ ale, äǎ nu wun sosǒ äǎ noɛɛ nyopò měne klee äǎ nu boɔboɔ win, kɛɛ äa nunu kmɔ̌ bɛ tee kàan mǒ noɛnoɛ ke.

1 Jɔ̀ɔ̌n 3:3

Nyu wùɛ ɔ̈ kɔn ɛmoo wlò je kuuan taeǒ bɔ snǎě ɔɔ chɛ̀ mɔ̀le keǒ Tentǎn Jǔ nuu.