Jìmǐse 3:14 - Nyesoaa Kuo Win Jajle

¹⁴ Kɛɛ bɛ̌ nu bo jǐlenymi chea bɛ̌ neě a mǒ plě aa wlè bǐ kenkě kɛn le, baǎ kwin kɛn le ɛ̈ moo a kɔn tɔ̀n keǒ ale sen le tmɔtmɔ̌ mɔ̀.

Jìmǐse 3:14 ပူးပေါင်းရင်းမြစ်များ

Matiɔ̌n 27:18

Tè kɔn tè ɔ gbàla imoo tèǒ wan nɛ̀ moo ɔ jia ɛle ɛ̈ moo u jalaě ɔ Jùsu mɔ̀ klě chea tǔn wlòmo, ii tè bɔ̌ kea ɛ jě ɔ̀ je Jùsu Nɔ̀ u miia jlǎba keǒ bɔ tɛa bo.

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:45

Tà Jùwɛ nyo jěaa diblɛ̌ǒ, è u nia chea ǔ cheɛɛ̌a Pɔ̀ɔ̌ le klee ǔ boɛa winʼǒ ɔ boɛɛa tè fǒ měne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:9

Ně chɛ̀à ně dlǒ le sìɛnsiɛn jěa lɛ keǒ bo nua dɛ wùɛ Ě wɔ̀laěe nunuɛ keǒ bo wɔ̀na Jùsuu nynɛ̌ je Ɔ̈ kɔn lěe Nǎsòwɛ̌ dǐa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:17

Nyesoaa bodiɔ klee ɔɔ nenawa ü mooa Sadesǐi wǎn nù nia chea keǒ Nyesoaa tuposà kpa nyoǒ mɔ̀, ii tè u mua

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:9

Äa gbeǐpò dlěe tàii pù tùo do ü sɔna lěe Jèkɔ̌po wlòmo u nia chea keǒ uu mamǔ tɔ̀ɔ mɔ̀ ɔ̈ mooa Jòsɛ̌fo, ii tè u plooa lɔ nyopò tùu mɔ̀ ɔ̌ mooa kèi ǔ kpala ɔ Ǐjɛ̀te blǒ kɛn, kɛɛ Nyesoa neeaǒ ɔ mɔ̀

Wlǔmɔ 1:29

Uu kmɔ̌ neneɛ jǐ jele noǎ kukwǐi doědoe, kàwloo wlògbae klee wnɔwnǔ klee chnɛ̌ wlògbae klee chea nì jiě u měne plě mnùngma popoɛ klee wònwɔn klee nyopò mǒ booa plě klee nyu kàgba mǒ popoɛ. U boɛɛ nyopò de měne

Wlǔmɔ 13:13

A nɛ bä na bo tùtuɛɛ ka wòje keà nyopò ü nɛɛ chnɛ̀ měne. Aǎ pee nyno wǎn kɛn, nmɔ bɛɛ̌ ni amo. Aǎ ne gblà kmɔ̌, aǎ ne kpni kpɔnǐ kmɔ̌. È aǎ chɛtlǐi li plě aǎ ninii chea mɔ̀le,

Wlǔmɔ 2:17

Mòà pee wan le ɔ̈ dɛɛ dìe Jùwɛ nyu plě ɔ̈ tee lee Nyesoaa teteǎ kɛn plě ɔ̈ kpěe kɛne keǒ nè Nyesoa mɔ̀,

Wlǔmɔ 2:8

Kɛɛ nyopòà ü tùi uu doo tè plě ü sɛ̀ɛ Nyesoaa kàan dɛà jleě mɔ̀ plě ü nenee dɛ kukǔ kmɔ̌, nù Ɔ miǎ jlo měne beeba, Ɔ miǎǒ uu plɔ tu kɛn bo maě ne.

1 Kwnɛtiɛ̌ 13:4

Mǒ noɛnoɛ moo wlò dbadbǎ plě ɛ̌ moo wɔle je jbojbɛ. Ɛ se chea kɔn plě ɛɛ̌ jě ɛɛ chɛ̀ nyu mǒ chɔɔ plě ɛɛ̌ jaeě ɛɛ chɛ̀ le.

1 Kwnɛtiɛ̌ 3:3

Mɛ kɔɔ̌n tèǒ joo nɛ̀ moo Nyesoaa Sùsu Ɛɛ̌ nae amo. Bɛ̌ nu bǎ ke chea mɔ̀ ninii ni, bǎ ke chɛtlǐi li klee bǎ ke je wònwɛɛ ne, è Nyesoaa Sùsu Ɛɛ̌ nae amo plě a ni dɛ wòje nyopòà Nyesoaa Sùsu slě ja ne.

1 Kwnɛtiɛ̌ 5:2

È mɛ kɔɔ̌n tè a boɛɛ leě aa chɛ̀ɛ tè jǐ? A se kɛ je blɛɛ le ba fìn, nyuǒ nii dɛǒ ba sàě ɔ Nyesoa koǔ bo le?

1 Kwnɛtiɛ̌ 5:6

Ɛ se kàan dɛ keǒ ba jaeě aa chɛ̀ le. A se kɛ i ji ɛ̈ moo smìi sòanʼa do nɛ̀ pe smì wùɛ chěn mǒ le?

2 Kwnɛtiɛ̌ 12:20

Ě pe fano de ɛ̈ moo bɛ̌ nu boǒ diě a mɔ̀, Ě miě a dɔ̌ tǔn wlòmo jɛɛba ɛ̈ Ě see lě amoo ja le pɔ̀ɔn no. È a miěě tǔn tɛ̀ɛ wlòmo jeěba ɛ̈ a slě mǒo ja le pɔ̀ɔn no. È noǎ kɔn fano Ě pee Ě miě amoo slè jɛɛba nì moo chɛtlǐia klee chea klee jlo klee wlòo kɛn le kenkěa klee sadoě popoɛ klee de měne boboɔɔa klee de jaě sùsu plě klee nyopò bu jejǎea ja le.

Kalesiɛ̌n 5:15

Kɛɛ bɛ̌ nu bǎ ke boboɛɛ le plě bǎ ke mɔ̀ wènwɛɛ ne, è ba tùě jǐ bo, nɛ̀ bɛ̌ se nu a miǒ wòwɔɔba.

Kalesiɛ̌n 5:20

klee nǔkpuǐi wɛ̀ sèsa klee wò kmɔ̌ klee jejlaea klee wònwɔn klee chea klee jlo měne bebeɛ klee tù dìee doo tè klee chɛtlǐia klee měne bebɛ̌

Kalesiɛ̌n 5:21

klee nyu tɔ̀ɔ dɛ ɔ kɔnʼɔ ɛɛ wne popa klee nǎ nmɔ bɛ nu mò klee de ngmnengmnɛ̌ fòɛ ɛ̈ kɔn kɛn u peeěe nyno wǎn kɛn plě klee kpni kukwǐi noǎ tìi mǎǒo bo ï wǒ lii je. Ě tbɛ a saěn wòje ke Ě nuaa de, nyopò taeǒ ni imoo noǎǒ u slě Nyesoaa win kwa konkɔn bobo nema mu.

Kalesiɛ̌n 5:26

Bäǎ boɛ win fòe le klee bäǎ pepee jlo měne plě bäǎ ninii chea mɔ̀le.

Kalesiɛ̌n 6:13

Nyopòà bɛ̌ɛ foeǐi chɛ̀ u seǒ Nyesoaa teteǎǒ bo tù kpǎkpǎ, kɛɛ u sòɛ ba bɛ̌ foeǐ ɛ̈ di ɛɛ numa u mǐ wun fòɛ le po ɛ̈ moo nù nu ɛ ǎ nu ɛ.

Flepiɛ̌n 1:15

I moo kàan tè, tèà kɔn tè nyopòo tìe pee tuposàà kwɛɛǒo Tentǎn Jǔ jleě mǒ bo nɛ̀ moo u ni chea plě u klee nyopò tùu kpɛǒ ɛ le u mi blala mǒ, kɛɛ ɛ kɔn nyopò tùu pee tuposàǒ keǒ uu kàan wlò jleě.

Flepiɛ̌n 2:3

Baǎ ni dɛ wùɛ klě mǒ nymi tǔn mǒ klee klě de jaě sùsu mǒ ɛ̈ see dɛ wlò mǒ ne, kɛɛ ba tìeǒ aa chɛ̀ plě a nu nyopò tùu dɛ mǒ ɛ miǒ aa chɛ̀ mǒ sìn.

1 Timɛtě 2:4

Nyesoa jlɛ̌ nyopò wùɛ bu kɔn wowa u mǐ kàan dɛ ji ɛ̈ kwɛɛǒ Ɔɔ jleě mǒ bo

1 Timɛtě 6:4

è ɔmoǒ de jaě sùsu nɛ̀ neě ɔ ja klee ɔ moo bobo nyu. Ɔmo nyu taeǒ dɛ ɔ kɔn lěe wlò jleě sosǒ nɛ̀ moo bɔ gbà chlachlǎ be wan le klee bɔ chɛtlǐi li keǒ wnɔ noǎa kɛn. Dɛǒ nɛ̀ jɛě chea klee wònwɔn klee fla wan popoɛ klee noǎ kukwǐ ja le pɔ̀ɔan

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Jìmǐse 1:18

È Ɔ nu ä Ɔɔ jlǔ mǒ klě Ɔɔ win wlòmo wòje ke Ɔ nu ɛɛ jlajlǎ ɛ̈ di ɛɛ numa ä mǒ noǎ wùɛ Ɔ nuaa ii klekle nyo klee kàan tù klě i slè.

Jìmǐse 3:16

Tèe jleě nìà, tà wùɛ chea nyopò miǒo klee wlèe kɛne kenkě nyo, keǒ mìǒ jale jejǎea klee noǎ kukwǐi doědoe bò jɛɛba.

Jìmǐse 5:19

Ně bǐì Tentǎn Jǔu wǎn ane, bɛ̌ nu aa nyuu do bɔ̌ sɔnʼǒ Nyesoaa kàan dɛà demǒ, nyu wùɛǒ mi ɔɔ de jaba,