Jìmǐse 3:13 - Nyesoaa Kuo Win Jajle

¹³ Aa nyu kɔn kɛ tɔ̀n klee tè le jbojbɛ le? Bɔ tee ɛ keǒ bɔ nu kàan dɛ klě ɔɔ kmɔ̌ neneɛ mǒ klee keǒ bɔ nu noǎ klě ja tìe sùsu mǒ klee klě tɔ̀n mǒ.

Jìmǐse 3:13 ပူးပေါင်းရင်းမြစ်များ

Matiɔ̌n 11:29

Ně konkwaǒ a mii numa ba pe ɛɛ kplɛkplɛɛ dɔ plě ba chěn neě mɔ̀. Dɛ ɛ nuu nɛ̀ moo Ě kɔn wlò dbadbǎ plě Ě nu kàan. Tèǒ nì kɔn tè a mi fefɛ jěba klě aa sùsu mǒ.

Matiɔ̌n 21:5

“Tmɔɔ̌ Jlǔsnɛ kwɛɛn bu tanʼǒ le, uu Klɔ̀ba diě le, Ɔ diiě klě ja tìe tǔn wlòmo, Ɔ nɛɛ jakǎsè kɛn, jakǎsèǒ nuu bòto.” (Is 62.11, Zech 9.9)

Matiɔ̌n 5:5

Ɛ moo ngmna keǒ nyopòà mɔ̀ ü moo tbotbǒ nyo. Mɛ̌oǒ joo nɛ̀ moo Nyesoa mi u noǎ Ɔ̈ peeě uu nyema.

Matiɔ̌n 7:24

È Jùsu kpɛɛa Ɔɔ win nya Ɔ je, “Nyu wùɛ ɔ̈ wɛ̌nʼɛ tèà Ě boɛɛ ɔ̈ mi nii le numa ɔ wǒ je tɔ̀n kɔn nyu ɔ̈ poa ɔɔ koǔ keǒ seɛ̌ nyakě blǒ kɛn.

1 Kwnɛtiɛ̌ 6:5

Ɛ blɛɛ je bɛ nuu a tònwe. Sɛje klě a slè tɔ̀n kɔn nyu se kɛ lě ne bɔ̈ sàǒo Nyesoa nyo tè slè lee?

2 Kwnɛtiɛ̌ 10:1

Mǒ Pɔ̀ɔ̌ mǒà gbɛ̀ɛ ɛ a wan klě kàan dɛ klee wlò dbadbǎ mǒ wòje ke Tentǎn Jǔ nuaa. Kě aa tìe tùu dɛ̌ ɛ̈ moo bɛ̌ nu a klee mǒ bä neǒ tàa do, è Ě slɔ̀ɔ je keǒ bo boɔ dɛ keǒ a jemǒ, kɛɛ boǒ tmɔɔ a mɔ̀ plě Ě kwin jele Ě chlě chněedɛ̌ jakǎ klě a mɔ̀.

2 Kwnɛtiɛ̌ 8:24

Tèǒ nì kɔn tè a noɛɛ u mǒ, klě ɛmoǒ ɛɛ nunuɛ wlòmo a tee ɛ klě Nyesoa nyo wùɛ slè ɛ̈ moo äa wan le popoɛ keǒ a mɔ̀ ɛ moo kàan tè.

Kalesiɛ̌n 5:23

klee tìeǒ dìe ja plě klee bò jiě dìee wlò mɔ̀ kwa bleblɛ̌. Ɛ se tetě kɔn ɛ̈ neǒ imoo noǎǒ kɛn.

Kalesiɛ̌n 6:1

Ně bǐì Tentǎn Jǔu wǎn ane, bɛ̌ nu bo nyu bɔ̌ ke dɛ kukǔ ni bǎ kme ɔ, è amoǒ Nyesoaa Sùsu neěe ja, a poě nyuǒ snǔ mɔ̀le klě ja tìe tǔn mǒ, è ba gbɛ̀ɛ aa chɛ̀ ke aǎ slě měne tèntɛn slè be.

Kalesiɛ̌n 6:4

Aa do do a chechlǎ aa chɛ̀ɛ de nu kmɔ̌. Bɛ̌ nu nyu bɔ̌ ke kàan dɛ ni, è ɔ kɔn tè kɔn tè bɔ kunʼu kɛn le, kɛɛ ɔɔ̌ pe ɔɔ chɛ̀ nyu tɔ̀ɔ je.

Ifisiɛ̌n 4:2

Tǐ wùɛ mɔ̀ a tìeǒ aa chɛ̀ ja klee a kɔn wlèe sɔ̌n, è a kɔn wlò dbadbǎ keǒ nyopò tùu mɔ̀ plě a nonoɛɛ měne.

Flepiɛ̌n 1:27

Dɛ bɛ̈ jě bɛ̈ kpa tùɔn, aa kmɔ̌ neneɛ bɛ tee ɛ wòje nyopò ü blɛɛǒ je bü kɔnʼɔ kàan tuposàǒ kwɛɛǒo Tentǎn Jǔu tè jleě mǒ bo. Bǎ ke ɛmoǒ ni, baǎje Ě diě ä mǐ jejěe le ɔ̀ɔ̌ Ě kɛ̀nʼě nya bo Ě wɔ̌n aa tè, Ě mi ɛ jiba ɛ̈ moo kɛn kenkmeea neǒ a slè plě klee a niǒ tàa do konkwa tǐ wùɛ mɔ̀ keǒ ba gbɛ̀tɛɛ tuposàǒ le.

Klasɔ̌n 3:12

Tèǒ nì kɔn tè ke ɛ toon jleě mǒ bo Nyesoa tba amoo Ɔ̌ tù amoo ngmà je plě Ɔ̌ noɛɛ amoo mǒ, a kɔn wɔle je jbojbɛ keǒ nyopò tùu mɔ̀ klee a kɔn kàan wlò ke plě a tìeǒ aa chɛ̀ ja, è a kɔn wlèe sɔ̌n keǒ nyopò tùu mɔ̀ plě a kɔn wlò dbadbǎ.

1 Timɛtě 4:12

Nè sonwɛǒ nyu wùɛ mɔ̀ mǒ ɔɔ̌ jleě ɛɛ̌ dlii liì dlǒ měne tà mònoo nyemò tè, kɛɛ mò bɔ moo ɛɛ jboo dɛ keǒ kàan tè po nyo mɔ̀ u miě nè fì le sà. Boɔɔ kàan noǎa tè kɛn, jiǒ dìee wlò mɔ̀ kwa bleblɛ̌ tɛɛ klee noɛɛ nyopò tùu mǒ plě nyopò bu kuun nuù wlò je klee mìě mɔ̀le snǎ.

1 Timɛtě 6:11

Kɛɛ mòà monoo Nyesoa nyu, sàě wlejoɛ̌ɛ dɛǒ son slè. Dɛɛ do bò nuu nɛ̀ moo tɛ̀n ɛ mǒ keǒ bò siǐnʼǒo jebo klee bò nu Nyesoa dɛ klee bò kɔn tè wlò popoɛ klee bò noɛɛ nyopò tùu mǒ klee bò nyna dɛ jakǎ jebo klee bò kɔn wlèe sɔ̌n keǒ nyopò tùu mɔ̀.

2 Timɛtě 2:25

ü kɔnʼɔ kàan wlò bü poǒo nyopò snǔ mɔ̀le ü kɔn dlǒ le sìɛnsiɛn ɛ̈ɛ̌ wɔɔn uu nenɛ kɛn. Ɛɛ̌ wlɛ̀ǒ Nyesoa Ɔɔ̌ nu nu u mǐ uu wlè bo bitǐ ɛ̈ di ɛɛ numa u mǐ kàan dɛǒ le jbo

Taetɔ̌ 3:2

Tmɔɔ̌ u buǔ boɛ nyu wùɛ win kukwǐ fǒ měne klee buǔ wɛ̀n, kɛɛ bu kɔn wlèe sɔ̌n keǒ nyopò tùu mɔ̀ klee tǐ wùɛ mɔ̀ bu tìeǒ uu chɛ̀ ja keǒ nyu wùɛ mɔ̀.

Hiblǔ 13:5

Aa kmɔ̌ nenɛ bɛɛ̌ moo wlě mǒ noɛnoɛ, dɛǒ a kɔnʼɔ aa plɔ bɛ bloo ɛ kɛn. Kě Nyesoaa chɛ̀ dɛ̌ Ɔ je, “Tǐ wùɛ mɔ̀ Ě miì wun nynaema plě Ě seè kɛn tbɛba mu.” (Deut 31.6)

Jìmǐse 1:21

Tèǒ nì kɔn tè baǎ kwɛn wlò boabuǔ klee baǎ ni noǎ kukwǐ wùɛ. A tìe aa chɛ̀ ja keǒ Nyesoa mɔ̀ plě a kme Ɔɔ winʼǒ bo ï Ɔ po lě amoo wlò jleě ï wɔ̀le je bï wa amoo klě aa kpni kukwǐi plɔɔ tu kɛn bo maěa bobo.

Jìmǐse 2:18

Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

Jìmǐse 3:1

Ně bǐì Tentǎn Jǔu wǎn ane, a ji ɛle Nyesoa miǎě jleěe sosoe sàba Ɔ miǎ tee nyopòo tè tù, tèǒ nì kɔn tè aa dɛ fòfoa se tee nyo tùba mu.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

1 Pitɛ̌ 1:15

Dɛ wùɛ a mii numa a ne ngmà je keǒ Nyesoa nuu Ɔ̈ da amoo.

1 Pitɛ̌ 2:12

A ne kàan kmɔ̌ klě se Nyesoa ji nyo slè ɛ̈ di ɛɛ numa bɛ̌ nu uu nyu bɔ̌ wǒ a lee chɛ̀ ɛ̈ moo a ni kenkan dɛ klě tǐ gbei wlòmo, u mi aa kàan dɛǒ a nii jěba uu wlè mǐ bo bitǐ, è chnɛ̀ jlǒ waěǒ Nyesoa miǎa je tbaeba, u miǎ Ɔɔ nynɛ̌ le po.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.

1 Pitɛ̌ 3:4

Kɛɛ jǐlenmɔ noǎ bi sɔnʼě aa wlè jleě mǒ ke. Aǎ sɛ̀ aa kmɔ̌ de keǒ kàan wlò konkɔn mɔ̀ klee ba tbaě jǐ mǒ bo, dɛǒ nɛ̀ Nyesoa dɛɛ jǐ le nmɔnmɔ.