Jìmǐse 3:1 - Nyesoaa Kuo Win Jajle

¹ Ně bǐì Tentǎn Jǔu wǎn ane, a ji ɛle Nyesoa miǎě jleěe sosoe sàba Ɔ miǎ tee nyopòo tè tù, tèǒ nì kɔn tè aa dɛ fòfoa se tee nyo tùba mu.

Jìmǐse 3:1 ပူးပေါင်းရင်းမြစ်များ

Matiɔ̌n 10:24

Chenchěn jlǔu dlě se wɛ̌n i seǒ nyuǒ tee uu mǒ sìn, nyuà moo mɔ̀le nae nyu ɔ seǒ nyuǒ nɛɛ ɔɔ mɔ̀le dlǒ mǒ ne.

Matiɔ̌n 23:13

Chlǒ keǒ amo teteǎ tee nyo klee Fɛlesǐi wǎn mɔ̀. Amo ä jěè kɛn ä daà kàan chènyɔ Nyesoa nyoà. Mɛ kɔɔ̌n tèǒ joo nɛ̀ moo jɔkɛn nɛ̀ kɔn chnu a po nyopò tùu je. A slě paba mu, nɛ̀ kɔn tè nyopòà peěe kbě le ü miěe pa a kenkɛɛ u je le uǔ di pa.

Matiɔ̌n 23:14

Chlǒ keǒ amo teteǎ tee nyo klee Fɛlesǐi wǎn mɔ̀. Amo ä jěè kɛn ä daà kàan chènyɔ Nyesoa nyoà. Mɛ kɔɔ̌n tèǒ joo nɛ̀ moo a jlǐ koti nynoo keǐ plě ǎ tmɛɛ Nyesoa bàtea jleě mǒ bo ɛ̈ di ɛɛ numa nyopò mǐ a jě. Tèǒ nì kɔn tè Nyesoa miǒ aa plɔ tu kɛn bo maěma chɔɔ.

Matiɔ̌n 9:11

Tà Fɛlesǐi wǎn jěaa dɛǒ, ù gbàla Jùsuu mɔ̀ cheěn nyo wan u je, “Mɛ kɔɔ̌n tè aa Tee Nyu klee nyopò taeǒ u dii liǐ kɛǒ tàa do dɛ?”

Lǔkù 16:2

Ii tè ɔ dala ɔ ɔ̌ gbàla ɔ wan ɔ je, ‘Tèà Ě wɛ̌n kɛǒ mòo jleě mǒ i moo kàan tè le? Noǎ wùɛà Ě poaě mòo kwete mǒ kpokpae i mɔ̀le mì i chlě mì iǐ nye. Mɛ̌oǒ joo nɛ̀ moo sèe kɛ̀ ně noǎa jǐ mɔ̀ tùɔ̌.’

Lǔkù 6:37

È dɛ tɛ̀ɛ Jùsu boɛa uu je de nɛ̀à Ɔ je, “Aǎ jɛɛ nyopò tùu tè, nɛ̀ bǎ se nu Nyesoa mi a tè jɛɛba. Aǎ bɛtɛ̌ɛ nyopò tùu tè je, nɛ̀ bǎ se nu Nyesoa mi a je bɛtɛ̌ɛba. A poo nyopò tùu tè wlò le Nyesoa mǐ aa tè wlò le poo lo ke.

Jɔ̀ɔ̌n 3:10

È Jùsu gbàla ɔ wan Ɔ je, “Mòà moo kɛɛ Ǐsòwɛ̌ kwɛɛn tee nyu mòà ɔɔ̌ jbo tèà Ě boɛɛ lee?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:1

Nyopòà nù mooa Nyesoaa wnɔsàɔpo plě nù mooa Tentǎn Jǔu wǎnʼǒ nea lěe dě fòɛǒ moo Ɛntìa kɛn uu tee nyopò, Banàbɔ klee Semìɔ ɔ̈ u dɛɛa Nekà klee Lusiǎ ɔ̈ kɔnaěe dě fòɛǒ moo Sawlinì kɛn klee Sɔ̀ɔ̌ plě klee Manià ɔ̈ klee kòngmna nyefòɛ Hɛwlǒ nuuǒo nyǐsa dɛ tàa do.

1 Kwnɛtiɛ̌ 12:28

Nyesoa po aa do do tùnwɛ jleě le klě Tentǎn Jǔu wǎn slè. Klekle nyo nù moo Ɔɔ tuposà kpa nyo, è sɔ̌n nunu nyo moo Ɔɔ wnɔsàɔpo, è tan nunu nyo moo tee nyo plě nyopòà nii wlòlekaen noǎ klee nyopòà Ɔ nyee nyopò peanpeanʼa kbě klee mǒ sɛ̀ɛ nyo klee kàan je si nyo plě klee nyopòà wɔ̀le ɛɛ bü poo dɔ̌ɔdɔ̌ win.

2 Kwnɛtiɛ̌ 5:10

Dɛ kɔn tè ä ni ɛɛ nɛ̀ moo ɛ wɛɛnʼǒ le keǒ nyopò wùɛ bu nynanǎǒ Tentǎn Jǔ Jùsu jemǒ bo keǒ Ɔɔ tè tù kpǎta jemǒ ɛ̈ di ɛɛ numa nyu wùɛ mi ɔɔ snǒ sàe dɛ jě ɛ̈ blɛɛ ɔɔ je keǒ dɛ ɔ nuu mɔ̀ tà ɔ nea nɔɔ kmɔ̌ɔ mɔ̀, bɛ̀ ɔ nua kàan ɔ̀ɔ̌ ɔ sea kàan nu.

Ifisiɛ̌n 4:11

È Ɔ nye tìe tùu Nyesoaa Sùsuu nyee dɛ ɛ̈ moo Ɔɔ tuposàà ɛɛ kpokpa, Ɔ̌ nye tìe Nyesoaa win wan sèsa Ɔ̌ nye tìe Nyesoaa win blě kɛne naea Ɔ̌ nye tìe Nyesoaa tè boɔboɔ Ɔ̌ nye tìe Nyesoaa win teea.

1 Timɛtě 1:7

U jlɛ̌ bu moo Nyesoaa teteǎa tee nyo, kɛɛ dɛǒ u boɛɛ u se ɛ ji plě uǔ jbo dɛǒ u je u jii le.

1 Timɛtě 2:7

Winʼǒ nì kɔn tè Nyesoa tba mǒ boǒ boɔ plě nì kɔn tè Ɔ dbo mǒ bo moo tuposà kpa nyu boǒ tee kuodakwɛ̌ ɛ̈ kwɛɛǒo tè wlò popoɛ jleě mǒ bo klě Tentǎn Jǔ mǒ klee kàan tè ï kwɛɛǒ Ɔɔ jleě mǒ bo. Ě se sen le tmɔ̌, dɛà monoo kàan tè nìà Ě tmɛɛ̌ amo!

2 Timɛtě 1:11

Ně chɛ̀à Nyesoa Nɔ̀ sàla mǒ keǒ bo moo Ɔɔ winʼi boɔboɔ nyu klee tuposà kpa nyu plě bo moo kàan tuposàǒ ɛɛ tee nyu.

Hiblǔ 13:17

A tùǒ aa je si nyo bo plě a nu dɛ u boɛɛ. Mɛ̌oǒ joo nɛ̀ moo nù Nyesoa miǎ aa tè wan gbàeba ke tae u ni amoo jǐ mɔ̀ tùtuɛ. A nyeǒ u bo tùtuɛ ɛ̈ di ɛɛ numa uu plɔ mǐ blo klě uu konkwa mǒ. Aǎ pe u wɔle měne, ɛ seǒ a dɛ bo poba mu.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 3:10

Nyesoaa nynɛ̌ le popoɛ klee nyopò chlǒ mɔ̀ popoɛ kě i sonwɛě wunʼu doǒ wan mǒ. Ně bǐì Tentǎn Jǔu wǎn ane, ɛ se kɔn ɛ mǐ bò je ne.

1 Pitɛ̌ 5:3

Nyopòǒ Nyesoa poě amoo kwete mǒ aǎ ne u dlǒ bo, kɛɛ a moo ɛɛ jboo dɛ keǒ u mɔ̀ u mǐi de na.