Jìmǐse 2:5 - Nyesoaa Kuo Win Jajle

⁵ A po nɔkǔ bo ně kàan Tentǎn Jǔu wǎn ane, Nyesoa Nɔ̀ sà sònwɛ nyo ü neɔɔ kmɔ̌ mɔ̀ ɛ̈ di ɛɛ numa u mǐ tè wlò popoɛ jakǎ kɔn u mǐ Ɔɔ deplě kɔn ɛ̈à Ɔ peeěe nyopò wùɛ ü noɛɛ Ɔɔ mǒ.

Jìmǐse 2:5 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Matiɔ̌n 5:3

“Ɛ moo ngmna keǒ nyopòà mɔ̀ ü tìeǒ uu chɛ̀ ja. Mɛ̌oǒ joo nɛ̀ moo Nyesoa Nɔ̀ kɔn uu kmɔ̌ neneɛ win kwa.

Mǎkè 7:14

È Jùsu dala diblɛ̌ǒ de, kě Ɔ dɛ̌a Ɔ je, “Nyu wùɛ bɔ poǒ nɔkǔ jebo ɔ mǐ tèà Ě boɛɛ le jbo.

Lǔkù 12:21

È kě Jùsu dɛ̌a Ɔ je, “Kě ɛɛ ka kɔn bɛ ne je keǒ nyopò wùɛà mɔ̀ ü tùii noǎ fòfoa ble keǒ uu chɛ̀ mɔ̀, kɛɛ üǔ nuu Nyesoaa konkwa.”

Lǔkù 12:32

Aǎ pe fano wòje blajlǔ chěnchaǐ. Mɛ̌oǒ joo nɛ̀ moo aa jɔkɛn Gbeǐ jlɛ̌ Bɔ kɔn a win kwa.

Lǔkù 16:22

Ɛ kpala ɛ kpa sònwɛ nyuǒ ɔ̌ kǒa, Nyesoaa najiǒpò kpala ɔ keǒ Eblɛ̌hɛ̀mo wakǎ mǒ klě jɔkɛn. È pònpan nyuǒ ɔ̀ kǒa le ke ǔ tùa ɔ bo.

Lǔkù 16:25

Kɛɛ kě Eblɛ̌hɛ̀mo dɛ̌a ɔ je ɔ je, ‘Ně jǔ, bi beěè wlòmo tǐǒ jleě nea lěe kmɔ̌ǒ mɔ̀ jèa kàan noǎ wùɛ, è Làesɔ̌ jěa tǐ jakě, kɛɛ klě tǐà wlòmo ɔɔ wlò wlòmo ble tù tǐà, è jě blèe sònwɛǒ klě tàě.

Lǔkù 22:29

Tèǒ nì kɔn tè keà Ně Gbeǐ nuu Ɔ̌ sà Mǒo Bo monoo Klɔ̀ba, kě Ě nu Ě sà amo,

Lǔkù 6:20

È Ɔ chèa Ɔɔ mɔ̀ na nyoǒ ja Ɔ je, “Amoà sònwɛ nii ɛ moo ngmna keǒ a mɔ̀. Mɛ̌oǒ joo nɛ̀ moo Nyesoa Nɔ̀ kɔn aa kmɔ̌ neneɛ win kwa.

Jɔ̀ɔ̌n 7:48

Dɛ̌ɛ̀ Fɛlesǐi wǎn klee Jùwɛ nyoo nyefòapo tùu ü neěe u se Ɔɔ tè kàan tè poò?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:2

Stimǐ tùa lɔ kɛ̀ɛn ɔ je, “Ně mɔ̀niapo ale klee ně gbeǐpò ale, a po nɔkǔ bo, tǐǒ jleě äa gbeǐ Eblɛ̌hɛ̀mo nea lěe Mɛsepotemìa blǒ kɛn plě ɔ mǐa lě Halàn diě wlòmo tǐnma mu, tè jǐ boǎ Nyesoa sàla Ɔɔ chɛ̀ tàmo keǒ ɔ mɔ̀

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

1 Kwnɛtiɛ̌ 2:9

Tɔ̀nʼà nɛ̀ kɔn tè ä boɛ wòje ke ɛ nuu chleěa klě Nyesoaa win wlòmo ɛ̈ moo, “Noǎà Nyesoa wɔ̀ɔ mɔ̀ keǒ nyopòà noɛɛ Ɔɔ mǒ mɔ̀, jleě sěɛlǎ i jě plě nɔkǔ sěɛlǎ i wɛ̌n plě dlǒ le sìɛnsiɛn sěɛlǎ i kwlǎ mǒ sɛ̀.” (Is 64.4)

2 Kwnɛtiɛ̌ 4:15

Aa kàan dɛ tèà ä jě sònwɛ wùɛà. È ke nyopò fòfoa mii wowa dɛ konkɔn numa ɛ̈ Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ nye amoo, kě nyopò fòfoa mi Ɔ tàto pepeɛ numa keǒ dɛǒ Ɔ nuu ɛɛ tè mɔ̀ ɛ̈ di ɛɛ numa Ɔ mǐ tè jǐ boaboǎ kɔn.

2 Kwnɛtiɛ̌ 6:10

Nyopò jě ɛ ɛ̈ moo wɔle ni ämo, kɛɛ tǐ wùɛ mɔ̀ ä ni le chǒn. Nyopò jě ɛ ɛ̈ moo sònwɛ ni ämo, kɛɛ ä ni nyopò fòfoa ǔ pɛ̀n klě Nyesoaa tè de jbojbɛ mǒ. U jě ɛ ɛ̈ moo ä se dɛ kɔn, kɛɛ ä kɔn noǎ wùɛ.

2 Kwnɛtiɛ̌ 8:9

Bi beě a wlòmo ke Koɔn Jùsu Tentǎn Jǔ nu Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ konkɔn keǒ a mɔ̀, kàan tè Ɔ pàna ne, kɛɛ sònwɛ ni Ɔ keǒ aa tè mɔ̀ ɛ̈ di ɛɛ numa a mǐ pònpan Sùsu kɔn.

Ifisiɛ̌n 1:18

Ě gbɛ̀ Ɔ wan ke Ɔ mǐ aa dlě le sìɛnsiɛn jele kna ɛ̈ di ɛɛ numa a mǐ Nyuà kɔn tè Ɔ da amoo ba kun nuu wlò je ji klee ngmna fòɛ Ɔ peeě Ɔɔ nyopò

Ifisiɛ̌n 3:8

Kàan tè kě ně tè se kma klě Nyesoaa nyopò wùɛ slè, Ɔ nyeě fɔ̌ keǒ bo tmɔɔ̌ kuodakwɛ̌ wlòlekaen noǎ ï sɔn lěe Tentǎn Jǔ mɔ̀ mǒ

1 Tɛseloniǎ 2:12

Ä tùiaě a wlò wlòmo ble plě ä pea a kbě ja le chɔɔ a mǐa kmɔ̌ ne wòje Nyesoaa jlǔ. Ɔɔ doǒ Nɔ̀ da amo keǒ ba kɔnʼǒ Ɔɔ win kwa konkɔn klee tè jǐ boaboǎ wakǎ jleě mǒ.

2 Tɛseloniǎ 1:5

Aa tè wlò popoɛ tee ɛ ɛ̈ moo Nyesoa nua mǒ slɛɛ̌ dɛ keǒ Bɔ chlàla ɛ ɛ̈ moo a blɛɛǒ je keǒ ba neě Ɔɔ win kwa konkɔn bobo ɛ̈ kɔn tè a jěe sònwɛ klě nyopò tùu kwete mǒ ü Ɔ see win kwa kɔn.

1 Timɛtě 6:18

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀.

2 Timɛtě 4:18

Tèǒ nì kɔn tè Ě ji ɛle ɛ̈ moo Ɔ miǐ gblàba klě nyopòo kpni kukwǐ wùɛɛ ble po dɛ slè Ɔ miǐ kpa tɛɛ tɛɛ klě jɔkɛn tà Ɔ kɔn lěe win kwa. Nɛ bo nyopò bu bìse Ɔ le tǐ wùɛ mɔ̀, kě bɛ ne!

2 Timɛtě 4:8

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.

Hiblǔ 11:26

Ɔ jěa lɛ ɛ̈ moo keǒ bɔ jěa sònwɛ bu sàla ɔ kǔ kɛn keǒ Tentǎn Jǔu tè mɔ̀ nɛ̀ kɔn tè kmana chɔɔ ɛ̌ sìnʼaǒ Ǐjɛ̀te nyoo pònpan noǎ mǒ. Mɛ̌oǒ joo nɛ̀ moo ɔ tɛnaě kmɔ̌ɔ nya le klě ɔɔ snǒ sàe dɛ nea lěe mɔ̀.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 1:9

Tentǎn Jǔu wǎnʼà sònwɛ nii bu kun kɛn le keǒ uu tùɔn fòɛ u kɔnʼɔ ɛɛ tè mɔ̀ klě Nyesoa jǐ kɛn.

1 Pitɛ̌ 1:4

Dɛǒ nɛ̀ nu ɛ ǎ kɔn snǒ sàe dɛ ɛ̈ siee kmɔ̌ ɛ̈ slěe wɔ̀ bɛ nymii jǐ le ɛ̈ Nyesoa tùu bo keǒ a mɔ̀ klě jɔkɛn.

2 Pitɛ̌ 1:11

È a miǎ tɛɛ jebo kmekmɛ kɔnma klě Tentǎn Jǔu kmɔ̌ sie deplě slè Ɔ̈ moo äa Koɔn klee Wowa Nyu.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 21:7

Nyu wùɛ ɔ̈ mii duduɛ kɔnma, nɔ̀ Ě mi ɛ nyema, è Mǒ mi ɔɔ Nyesoa tùba, ɔ mǐ Ně jǔ tù.

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.