Jìmǐse 2:23 - Nyesoaa Kuo Win Jajle

²³ È dɛ Nyesoaa win sɛ̀nʼɛ nynɛ̌ nɛ̀ǒ ï dɛ̌ bòo ɛ̈ moo, “Eblɛ̌hɛ̀mo poa Nyesoaa tè kàan tè, ii tè Nyesoa dɛɛa ɔ jebo siǐn nyu.” (Gen 15.6) Tèǒ nì kɔn tè Nyesoa dɛɛa Eblɛ̌hɛ̀mo Ɔɔ bě nenawai.

Jìmǐse 2:23 ပူးပေါင်းရင်းမြစ်များ

Mǎkè 12:10

A sěɛlǎ kɛ ɛ slè klě Nyesoaa win wlòmo le? Kě i dɛ̌ i je, ‘Tiblěà kǎ poɔ bɛtɛ̌ɛ lee je nɛ̀ kɔn tè kma klě demǒ bɔɔ̌ tǐ wlòmo.

Mǎkè 15:27

È u mǎna Ɔ kɛn bo jlǐ nyoo sɔ̌n u kɔaǒo pète bɛ̌ ti jleě ke, do neea Lɔɔ dilǎ son mɔ̀, è do tɔ̀ɔ neea Lɔɔ gbàpe son mɔ̀.

Lǔkù 4:21

È kě Ɔ dɛ̌a u je Ɔ je, “Kekɛɛà Nyesoaa winʼà a wɔ̌nʼɔ i jieě le.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:16

“Ně bǐì Tentǎn Jǔu wǎn ane, seela tǐ jleě Ngmà Je Ne Sùsu boɛɛaě klɔ̀ba Dèběse mǒ keǒ Jùdǎsee tè mɔ̀ ɔ̈ kpalaa nyopò ǔ muaa Jùsu kmema, è dɛǒ Dèběse chlěaa ɛ kɔn bɛ kpala tùɔn.

Wlǔmɔ 11:2

Nyesoa seǒ Ɔɔ nyopò plomǒ po ü Ɔ sàlaǒo seela tǐ jleě. A se kɛ i ji dɛǒ Nyesoaa win boɛɛ klě Ilaejɔ̀ɔ tɔ̀n tè wlòmo le? Ɔ bɛ̀tea Nyesoa le keǒ Bɔ sùea Ǐsòwɛ̌ kwɛɛn gbè, kě ɔ dɛ̌a

Wlǔmɔ 9:17

Ɛɛ jboo dɛ tɛ̀ɛ nɛ̀ moo Nyesoaa win Ɔ boɔlaa tà Ɔ dǎla bòo keǒ Fɛ̀lǒte jleě mǒ ɔ̈ mooa Klɔ̀ba keǒ Ǐjɛ̀te nyo mɔ̀ ɛ̈ moo, “Mǒà Mǒ nuù klɔ̀ba mǒ ɛ̈ di ɛɛ numa Ě mǐ Ně kpě nyopò wùɛ tee le keǒò jleě mǒ plě Ně nynɛ̌ mǐ kmɔ̌ wùɛà kɛn le gbɛ̀tɛɛ le.” (Ex 9.16)

Kalesiɛ̌n 3:22

Kɛɛ kě Nyesoaa win dɛ̌ ä je ɛ̈ moo “Nyu wùɛ neě kpni kukwǐi kpě bobo.” Tèǒ nì kɔn tè ngmnaà Nyesoa peeěe Ɔ nye ɛ nyopòà kɔnʼɔ tè wlò popoɛ klě Tentǎn Jǔ Jùsu mǒ, uu do sosǒ nù kɔn nɛ.

Kalesiɛ̌n 3:6

Eblɛ̌hɛ̀mo nɔ̀ moo ɛɛ jboo dɛ keǒ a mɔ̀, ɔ poa Nyesoaa tè kàan tè, ii tè Nyesoa jěa lɔ ɔ̌ mooa jebo siǐn nyu. (Gen 15.6)

2 Timɛtě 3:16

Nyesoaa win wùɛ i sɔnʼě mǒ Ɔɔ chɛ̀ mɔ̀, è nì ä ni ä tee nyopò klee ä pe sen le tmɔ̌ noǎa tee nyo kaen wan klee ä peě wlawlǎ nyo snǔ mɔ̀le plě klee ä tee nyopò ke bu nuu kàan kmɔ̌ neneɛ.

Jìmǐse 2:24

Ii tè ba jeě lɛ, ɛ se nyuu tè wlò popoɛà ɔ kɔnʼɔ sosǒ ɛɛ̌ nu ɔ Nyesoa ně dae ɔ jebo siǐn nyu, kɛɛ ɛ moo kàan dɛà ɔ nii ke.

1 Pitɛ̌ 2:6

È kě Nyesoaa win dɛ̌ i je, “A tanà le, Ě mi Tiblěà kɔn tè kmaa bo nynaema klě Ně koǔ wlòmo ɛ̈ neěe dě fòɛǒ moo Sàna wlòmo ɛ̈ Ně chɛ̀ Ě tbaa. Nyu wùɛ ɔ̈ mi Ɔɔ tè kàan tè poba ɔɔ wlò se wɔ̀ɔn bebeɛ kɔn kpe.” (Is 28.16)