Jìmǐse 2:22 - Nyesoaa Kuo Win Jajle

²² È nè jěe lɛ ɛ̈ moo ɔɔ tè wlò popoɛ klee kàan dɛ i beaǒ tàa do, ii tè dɛǒ ɔ nuaa nɛ̀ nua ɔɔ tè wlò popoɛ ɛ̌ wɛ̀aě jele kpǎkpǎ.

Jìmǐse 2:22 ပူးပေါင်းရင်းမြစ်များ

Jɔ̀ɔ̌n 6:29

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

Jìmǐse 2:18

Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

1 Jɔ̀ɔ̌n 2:5

Nyu wùɛ ɔ̈ miǒ Ɔɔ win tùba, ɔmo nyuǒ ɔɔ mǒ noɛnoɛ keǒ Ɔ mɔ̀ ɛ wɛ̀ě le je kàan tè. Dɛǒ nɛ̀ kɔn mǒ ä jiiě ɛ ɛ̈ moo ɔmo nyuǒ ɔ ne kmɔ̌ keǒ Nyesoa mɔ̀ kàan tè.