Jìmǐse 2:21 - Nyesoaa Kuo Win Jajle

²¹ Tà äa gbeǐ Eblɛ̌hɛ̀mo nua ɔɔ jǔ Aesěè chɔ̀no mǒ keǒ chɔ̀no tògbee dlǒ, keǒ ɔmo Eblɛ̌hɛ̀mo nuaǒo Nyesoa tùtuɛ nɛ̀ǒ Nyesoa jěa nɛ̀ kɔn tè Ɔ daea ɔ jebo siǐn nyu.

Jìmǐse 2:21 ပူးပေါင်းရင်းမြစ်များ

Matiɔ̌n 12:37

Nè boɔboɔ win nì Nyesoa miǎ numa Ɔ miǎà blilǐ mɔ̀ tù. Klě ɛmoǒ mǒ mìǎ ɛ jiba bɛ̈ blilǐ kmeè ne ɔ̀ɔ̌ bɛ̈ i seè kme.”

Matiɔ̌n 3:9

alě kwɛnʼě ɛ aa chɛ̀ wlò jleě ɛ̈ moo, ‘Ä moo Eblɛ̌hɛ̀moo jlǔu jlǔ, tèǒ nì kɔn tè Nyesoa seǒ äa plɔ tu kɛn bo maěma mu.’ Bo tmɔɔ̌ amo, Nyesoa wɔ̀le je Bɔ nu seɛ̌à Eblɛ̌hɛ̀moo jlǔu jlǔ mǒ no.

Lǔkù 1:73

Ii tè Ɔ̌ poa Ɔɔ chɛ̀ win kɛne keǒ äa gbeǐ Eblɛ̌hɛ̀mo jemǒ ɛ̈ moo

Lǔkù 16:24

Ii tè ɔ pnǎna dɛ jleě kě ɔ dɛ̌a ɔ je, ‘Ně gbeǐ Eblɛ̌hɛ̀mo, kělɔ naɔ slè Ě neɔɔ Ě jě sònwɛ! Jboǒ wɔle je, dbo Làesɔ̌ bɔ kɔ ɔɔ chìjoɛɛ ngmnǎ ně je ɔ mǐ ně mɛà pepɛ le.’

Lǔkù 16:30

È ɔ tùa lɔ kɛ̀ɛn ɔ je, ‘Òooǒn, ně gbeǐ Eblɛ̌hɛ̀mo, u se winʼǒ nɔkǔ jebo poba mu, kɛɛ bɛ̌ nu nyu bɔ̌ sɔn nɔ kǒla mǒ bɔ̌ mu de klě u mɔ̀, uu wlè mi bo bitǐba.’

Jɔ̀ɔ̌n 8:39

U tùa Ɔ kɛ̀ɛn u je, “Eblɛ̌hɛ̀mo moo äa gbeǐ.” È kě Jùsu dɛ̌a u je Ɔ je, “Bɛ̌ nu sɛjesɛ bǎ moo Eblɛ̌hɛ̀moo jlǔ, è a mii noǎǒ ɔ niaa numa.

Jɔ̀ɔ̌n 8:53

Nè tè se kun i seǒ äa gbeǐ Eblɛ̌hɛ̀mo klee Nyesoaa wnɔsàɔpo ü kǒo mǒ sìn! Mɔ Nè wlò je mònoǒ kɛ?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:2

Stimǐ tùa lɔ kɛ̀ɛn ɔ je, “Ně mɔ̀niapo ale klee ně gbeǐpò ale, a po nɔkǔ bo, tǐǒ jleě äa gbeǐ Eblɛ̌hɛ̀mo nea lěe Mɛsepotemìa blǒ kɛn plě ɔ mǐa lě Halàn diě wlòmo tǐnma mu, tè jǐ boǎ Nyesoa sàla Ɔɔ chɛ̀ tàmo keǒ ɔ mɔ̀

Wlǔmɔ 3:20

Tèǒ nì kɔn tè ke ɛ toon jleě mǒ bo Ɔɔ teteǎ nu ämoo ä jbo ɛɛ le ɛ̈ moo ä moo kpni kukwǐ nu nyo, nyu wùɛ nɔ̀ slě wɔ̀ bɔ̈ nu ɔɔ chɛ̀ jebo siǐn nyu mǒ klě Nyesoa jǐ kɛn keǒ Ɔɔ teteǎ bo tùtuɛ mɔ̀.

Wlǔmɔ 4:1

Ɛɛ jboo dɛ nɛ̀ moo mɛ ä kɔn bä boɔɔ̌ kɛ keǒ äa gbeǐ Eblɛ̌hɛ̀moo dɛǒ jleě mǒ ɛ̈ ɔ jěaa klě ɔɔ tè wlò popoɛ mǒ?

Wlǔmɔ 4:12

Nɔ̀ moo gbeǐ ke keǒ nyopò mɔ̀ ü bɛ̌ɛ foeǐ plě ü kɔnʼɔ tè wlò popoɛ wòje keǒ ɔ nuaa ɔ̌ seaa foeě bɛ̌ ɔ̌ kɔnaa tè wlò popoɛ.

Wlǔmɔ 4:16

Tèǒ nì kɔn tè Nyesoaa pee dɛ keǒ ä mɔ̀ ɛ̈ monoo kmɔ̌ sie fònfno ɛ nynaǒ tè wlò popoɛ kɛn bo. Dɛǒ nɛ̀ nu ɛ ɛmo pee dɛǒ ɛ̌ tee Nyesoaa wlòo jlajlǎ dɛ ɛ̈ɛ̌ sàa Ɔɔ wlò kǔ mǒ kɛn keǒ ä mɔ̀. Ii tè pee dɛǒ ɛɛ tè se kplɛ ɛ̈ kɔnʼǒo Eblɛ̌hɛ̀moo jlǔu jlǔ mɔ̀. Ɛ se nyopò bu tùǒ Nyesoaa teteǎ boo do, ɛ kɔnʼǒ nyopòà ü kɔnʼɔ tè wlò popoɛ mɔ̀ ke wòje Eblɛ̌hɛ̀mo ɔ̈ moo äa wùɛ äa gbeǐ.

Hiblǔ 11:17

Tà Nyesoa tɛ̀naa Eblɛ̌hɛ̀mo mǒ, ɛ mooa tè wlò popoɛǒ ɔ kɔnaa ɛɛ tè, nɛ̀ kɔn tè ɔ nyeea ɔɔ jǔ Aesěè bɔ mooa chɔ̀no keǒ Nyesoa mɔ̀. Eblɛ̌hɛ̀mo wɛ̀a mɔ̀le keǒ bɔ nua ɔɔ jǔ Aesěè chɔ̀no mǒ. Kàan tè Nyesoa peeaě ɛ ɔ̀ lo

Jìmǐse 2:18

Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

Jìmǐse 2:24

Ii tè ba jeě lɛ, ɛ se nyuu tè wlò popoɛà ɔ kɔnʼɔ sosǒ ɛɛ̌ nu ɔ Nyesoa ně dae ɔ jebo siǐn nyu, kɛɛ ɛ moo kàan dɛà ɔ nii ke.