Jìmǐse 2:18 - Nyesoaa Kuo Win Jajle

¹⁸ Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

Jìmǐse 2:18 ပူးပေါင်းရင်းမြစ်များ

Wlǔmɔ 14:23

Kɛɛ bɛ̌ nu ɔɔ wlò bɛ̌ bǎka keǒ dɛ tɛ̀ɛ didiɛ mɔ̀ plě bɔ̌ di ɛ kaǒ, Nyesoa mi ɔ tè jɛɛba. Mɛ̌oǒ joo nɛ̀ moo ɔ se tè wlò popoɛ kɔn. Dɛ wùɛɛ chɛ̀à see nunu klě tè wlò popoɛ mǒ ɛ moo dɛ kukǔ.

Wlǔmɔ 3:28

Tèǒ nì kɔn tè ä boɛ tè wlò popoɛɛ doo tè, nɛ̀ ni nyu jebo siǐn nyu mǒ ɛ̈ see nyu bɔ tùǒ Nyesoaa teteǎ bo.

Wlǔmɔ 4:6

Seela tǐ jleě dɛǒ nɛ̀ klɔ̀ba Dèběse boɔa, ke ɛ nii ngmna tùtuɛ keǒ nyu mɔ̀ bo Nyesoa Bɔ̌ dae ɔ jebo siǐn nyu ɛ̈ see Bɔ tanʼǒ ɔɔ noǎ ɔ nii mɔ̀le, kě ɔ dǎla ɔ je,

Wlǔmɔ 8:1

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

Wlǔmɔ 9:19

Aa nyu wɔ̀le je bɔ chɛtlǐi li kělɔɔ̌ mɔ̀ bɔ dǎ bò ɛ̈ moo, “Bɛ̌ nu nyu wùɛ bɔ̌ slě wɔ̀ bɔ sàǒ Nyesoaa dɛ Ɔ jlɛ̌ɛ snǔ mɔ̀, è nyopò bǔ se Ɔ de na, mɛ kɔɔ̌n tè Ɔ jɛɛ leě kɛ u tè kaǒ?”

1 Kwnɛtiɛ̌ 13:2

Bɛ̌ nu boǒ wɔ̀le je bo boɔ Nyesoaa win plě boǒ jbo je wɛ̌ noǎa wùɛ le plě bo ji noǎ wùɛ klee bo kɔn tè wlò popoɛ ɛ̈ nee kbě kɛnʼɛ chɛ̀, bɛ̌ ke ɛ ni bo ke togbei wlò le sɛ̀, kɛɛ bɛ̌ nu bo se mǒ noɛnoɛ kɔn, Ě se dɛ nynɛ̌ sɛ̀n.

2 Kwnɛtiɛ̌ 5:17

Tèǒ nì kɔn tè bo nyu bɔ̌ kɔn tè wlò popoɛ klě Tentǎn Jǔ mǒ, ɔ moo nyejajlo, kmɔ̌ dakǎǒ ɔ niaa ɛ sìn ni, kmɔ̌ jajlo nɛ̀ tùu wlò klě ɔ mǒ.

2 Kwnɛtiɛ̌ 7:1

Tèǒ nì kɔn tè ně mɔ̀niapo ale, ɛ̈ kɔn ämo kɔn imoo pee noǎ fòfoaǒ ǐ sɔn lěe Nyesoa mɔ̀ mǒ, a nɛ bä sà noǎ wùɛ fǒ měne ï ni äa blǒ fǒ klee wlè ǐ nymii jǐ le plě a nɛ bä tùǒ Nyesoa ä mǐ äa chɛ̀ ngmà je tù kpǎkpǎ.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

Taetɔ̌ 2:7

Nè chɛ̀ mò bɔ moo ɛɛ jboo dɛ keǒ u mɔ̀ keǒ kàan noǎ wùɛ mìi numa mɔ̀. Bò ke tee le, nu ɛ bu ji ɛ ɛ̈ moo noǎǒ tèe le sɛ̀n ɛ nynɛ̌ plě i moo kàan tè è boɛ li.

Hiblǔ 11:31

Tè wlò popoɛ nɛ̀ gblà nynɔǒ mooa Wlehɛɛ̀ ɔ kɔna ɔ̌ kmea Ǐsòwɛ̌ kwɛɛn wònwɛɛ nyo jebo ɔ̌ paea uu koǔ bo. Dɛǒ nɛ̀ nua nɛ tǐǒ jleě Nyesoa sùeaa Jɛ̀lekǒ nyoǒ seaǒ Ɔɔ tù gbè Ɔ̌ sea ɔ dbǎ.

Hiblǔ 11:33

Tè wlò popoɛǒ u kɔnaa klě Nyesoa mǒ nɛ̀ nua nɛ ǔ dua dakwɛ̌ fòfoa wan ǔ nua dɛ moo mǒ slɛɛ̌ dɛ, ǔ jěa noǎ Nyesoa peeaě uu plě ǔ dbɛ̌a sè,

Hiblǔ 11:6

Nyu wùɛ ɔ̈ see tè wlò popoɛ kɔn ɔ slě wɔ̀ bɔ bloo Nyesoaa plɔ. Mɛ kɔɔ̌n tèǒ joo nɛ̀ moo nyu wùɛ ɔ̈ miɔɔ Nyesoa mɔ̀ diiba ɔ kɔn bɔ po i kàan tè ɛ̈ moo Ɔ moo Nyesoa Ɔ̈ nee kmɔ̌ plě Nɔ̀ sɛ̀ nyopòà snǒ ü tɛ̀n ɛɛ mǒ bü ji Ɔɔ.

Jìmǐse 2:14

Ně bǐì Tentǎn Jǔu wǎn ane, è kàan dɛ tae ɛ miǐ kɛ numa bò nyu bɔ̌ dǎ bò ɛ̈ moo ɔ kɔn tè wlò popoɛ klě Jùsu mǒ, kɛɛ ɔɔ̌ nu kàan dɛ? Tè wlò popoɛ taeǒ ɛ wɔ̀le je bɛ gblà kɛ ɔ lo klě kpni kukwǐ slè le?

Jìmǐse 3:13

Aa nyu kɔn kɛ tɔ̀n klee tè le jbojbɛ le? Bɔ tee ɛ keǒ bɔ nu kàan dɛ klě ɔɔ kmɔ̌ neneɛ mǒ klee keǒ bɔ nu noǎ klě ja tìe sùsu mǒ klee klě tɔ̀n mǒ.