Jìmǐse 2:17 - Nyesoaa Kuo Win Jajle

¹⁷ Dɛɛ doǒ nɛ̀ tè wlò popoɛ mono, bɛ̌ nu ɛɛ do bɛ̌ nynae dɔ̌ bo kàan dɛ bɛ̌ se ɛ debo mǎ, ɛ̀ slěè mǒ ne.

Jìmǐse 2:17 ပူးပေါင်းရင်းမြစ်များ

1 Kwnɛtiɛ̌ 13:13

È noǎ kplěe tanʼà nì se bo wèwɛ kɔnma mu, tè wlò popoɛ klee wlò je kuuan plě mǒ noɛnoɛ. Kɛɛ ii tan wùɛǒ mǒ noɛnoɛ nɛ̀ moo dlǒ.

1 Kwnɛtiɛ̌ 13:3

Bɛ̌ nu boǒ wɔ̀le je bo nye ně noǎ wùɛ pòpo nyo plě bo sɔnʼǒ u mɔ̀ mǒ ně fǒà bǔ siɛn nɛɛ chɛ̀, kɛɛ bɛ̌ nu bo se mǒ noɛnoɛ kɔn, ɛ seǒǒ dɛ bo poba mu plě Ě sěɛɛ̌ jè dɛ nynɛ̌ sɛ̀n.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

Jìmǐse 2:14

Ně bǐì Tentǎn Jǔu wǎn ane, è kàan dɛ tae ɛ miǐ kɛ numa bò nyu bɔ̌ dǎ bò ɛ̈ moo ɔ kɔn tè wlò popoɛ klě Jùsu mǒ, kɛɛ ɔɔ̌ nu kàan dɛ? Tè wlò popoɛ taeǒ ɛ wɔ̀le je bɛ gblà kɛ ɔ lo klě kpni kukwǐ slè le?

Jìmǐse 2:26

Dɛɛ doǒ nɛ̀ ɛ mono, keǒ fǒ nuu bo sùsu bɛ̌ slě ɛɛ mǒ ne ɛ̌ kwěe, kě nyu wùɛɛ tè wlò popoɛ ni, bo kàan dɛ bɛ̌ se ɛ debo mǎ, ɛ se tè wlò popoɛ.