Jìmǐse 2:14 - Nyesoaa Kuo Win Jajle

¹⁴ Ně bǐì Tentǎn Jǔu wǎn ane, è kàan dɛ tae ɛ miǐ kɛ numa bò nyu bɔ̌ dǎ bò ɛ̈ moo ɔ kɔn tè wlò popoɛ klě Jùsu mǒ, kɛɛ ɔɔ̌ nu kàan dɛ? Tè wlò popoɛ taeǒ ɛ wɔ̀le je bɛ gblà kɛ ɔ lo klě kpni kukwǐ slè le?

Jìmǐse 2:14 ပူးပေါင်းရင်းမြစ်များ

Matiɔ̌n 5:20

Tèǒ nì kɔn tè Ě tmɛɛ̌ amo, wakǎ tɛ̀ɛ nɛ̀ seǒ ne keǒ Nyesoa Bɔ kɔn nyu win kwa, ɛ̀ sìnʼǒ nyuǒ bɔ nu noǎà monoo Nyesoaa kɛn wɔɔn noǎ kpǎkpǎ ɛ miǒ teteǎ tee nyo klee Fɛlesǐi wǎn mǒ sìn.”

Lǔkù 3:11

È Jɔ̀ɔ̌n tùia u kɛ̀ɛn ɔ je, “Nyu wùɛ bɔ̈ kɔn wlawlěe sɔ̌n bɔ sàǒ do bɔ nye ɔɔ běǒ see dɛ kɔn. Nyu wùɛ bɔ̈ kɔn didi dɛ bɔ nu dɛɛ doǒ ke.”

Lǔkù 6:49

Kɛɛ nyu wùɛ ɔ̈ mi Něe win wɔ̌nma ɔ̈ seǒ ii bo tùba mu, ɔ wǒ je nyuà ɔ̈ po ɔɔ koǔ keǒ blǒ kɛn ɛ̈ see kǎngmà kɔn, tǐi doo tǐ jleě jijǐ neǎ bǐ diě bǐ tǔn koǔǒ, è nɛ̀ǒ wlɛ̀ blǒ mǒ ɛ̀ nymi jǐ le kpǎkpǎ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:9

Nyesoa nu ɛ ɛ se dɔ̌ ne keǒ u klee ämoo sɔ̌n slè, ke kɔn do Ɔ nuě ämoo mɔ̀le snasnǎ keǒ äa tè wlò popoɛ kɛn, kě kɔn do Ɔ nuě u mɔ̀le snasnǎ klě uu tè wlò popoɛ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:13

Saemɔ̌ɔ chɛ̀ poa i kàan tè ɔ̌ pooa ně dlǒ ke. È tà ɔ sìnʼa lěe tǐ pɛ̀ti keǒ Felɔ̌ gbàa ɔ jěaa wlòlekaen noǎ klee wan bo kàe noǎa Felɔ̌ niaa, è i kaenʼa ɔ le wlò.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:21

Sèǒ äa Nyesoaa konkwaà ä nii wakǎ jleě mǒ kɔn plě sèě ɛ slè ne. Mɛ kɔɔ̌n tèǒ joo nɛ̀ moo nè wlòǒ neě mòo wlòmo ɛ seǒ jebo siǐn ni keǒ Nyesoa jemǒ.

Wlǔmɔ 2:25

Bɛ̌ nu bò ke dɛ wùɛǒ Nyesoaa teteǎ boɛ mòo je ni, dɛɛ doǒ nɛ̀ mi nè foeě bebɛ̌ǒ numa ɛ miǒò dɛ bo po. Bɛ̌ nu bò nè tùǒ Ɔɔ teteǎǒ, è wòje keà nyu see foeě bɛ̌.

1 Kwnɛtiɛ̌ 15:2

Bɛ̌ nu bǎ kmeǒ dɛǒ Ě boɔla amoo je mɔ̀ bo kaǒ, è a wa le klě kpni kukwǐi plɔɔ tu kɛn bo maěa bobo. Bɛ̌ nu bǎ se ɛ nu, è aa tè wlò popoɛǒ ɛ se dɛ nynɛ̌ sɛ̀nma mu.

1 Kwnɛtiɛ̌ 16:22

Bɛ̌ nu bo nyu bɔ̌ se Koɔn mǒ noɛɛ ne bɛ moo chlǒ keǒ ɔ mɔ̀! Äa Koɔn diě le!

Kalesiɛ̌n 5:13

Ně bǐì Tentǎn Jǔu wǎn ane, Nyesoa dala ale a mǐa dbǐ mǒ wan, kɛɛ baǎ ni kpni kukwǐ a jlɛ̌ɛ keǒ tà a wanʼa dbǐ mǒ tè. Ba nonoɛɛ měne a miǒ mɔ̀le momǎe ne.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

1 Timɛtě 4:8

Nè chɛ̀ɛ fǒo měne kunkuua peǒ bo dɛ, kɛɛ keǒ bò tee nè chɛ̀ keǒ Nyesoa dɛɛ měne kunkuua mɔ̀ ɛ peǒ bo kàan dɛ klě tǐà wlòmo klee klě kmɔ̌ǒ miǎ lěe diba mɔ̀ ɛ̌ sìnʼǒ ɛ mǒ.

Taetɔ̌ 1:16

U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Taetɔ̌ 3:8

Dɛǒ nɛ̀ moo kàan tè! Bɛ̌ nu bò ke tee le, imo noǎǒ nì Ě jlɛ̌ bò maě mɛ debo ɛ̈ di ɛɛ numa nyopòǒ kpae lee Nyesoa wlò u mǐ ɛ mǒ tɛ̀n keǒ bu sàǒ tǐ bu nu dɛǒ monoo kàan dɛ. Keǒ bo nyu bɔ nu kàan konkwa ɛ nu kàan plě ɛ̌ peǒ nyopò wùɛ dɛ bo.

Hiblǔ 11:17

Tà Nyesoa tɛ̀naa Eblɛ̌hɛ̀mo mǒ, ɛ mooa tè wlò popoɛǒ ɔ kɔnaa ɛɛ tè, nɛ̀ kɔn tè ɔ nyeea ɔɔ jǔ Aesěè bɔ mooa chɔ̀no keǒ Nyesoa mɔ̀. Eblɛ̌hɛ̀mo wɛ̀a mɔ̀le keǒ bɔ nua ɔɔ jǔ Aesěè chɔ̀no mǒ. Kàan tè Nyesoa peeaě ɛ ɔ̀ lo

Hiblǔ 13:9

Tèǒ nì kɔn tè aǎ sonwɛǒ nyu tɔ̀ɔ mɔ̀ mǒ ɔɔ̌ gbee a mǒ keǒ dɔ̌ɔdɔ̌ noǎa teea mɔ̀. Ɛ nu tɛɛ keǒ Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ bɛ po äa wlè kbě ja le, ɛ̈ see teteǎ ï kwɛɛǒo digbaǐi tè jleě mǒ bo ïà iǐ nuu kàan dɛ keǒ nyopòà tùǒ ii bo mɔ̀.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 2:16

bɛ̌ nu aa nyu bɔ̌ dǎ bò ɔ je ɛ̈ moo, “Nyesoa Bɔ poò ngmna mɔ̀, mu fèflɛ bɛɛ̌ pɛɛ̀ fǒ mǒ, mò dɛ di nè kwlě miě jǐ,” è kàan dɛ tae ɛ miǐ kɛ ɔ mǒ numa?

Jìmǐse 2:18

Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

Jìmǐse 2:26

Dɛɛ doǒ nɛ̀ ɛ mono, keǒ fǒ nuu bo sùsu bɛ̌ slě ɛɛ mǒ ne ɛ̌ kwěe, kě nyu wùɛɛ tè wlò popoɛ ni, bo kàan dɛ bɛ̌ se ɛ debo mǎ, ɛ se tè wlò popoɛ.

2 Pitɛ̌ 1:5

Kɛɛ plě a mǐ imo nyee noǎǒ kɔn, a kɔn ba kɔn tè wlò popoɛ klee noǎ tìi, a poě kbě a mǎ kàan dɛ nunuɛ aa tè wlò popoɛ debo. È a mǎ aa kàan dɛ le jijiɛ debo.