Jìmǐse 2:1 - Nyesoaa Kuo Win Jajle

¹ Ně bǐì Tentǎn Jǔu wǎn ane, ɛ̈ kɔn amo moo kàan tè po nyo klě Jùsu Tentǎn Jǔ mǒ Ɔ̈ moo tè jǐ boǎ Koɔn, baǎ chlɛ̌ ɛ měne keǒ nyu wùɛ mɔ̀.

Jìmǐse 2:1 ပူးပေါင်းရင်းမြစ်များ

Matiɔ̌n 22:16

Nɛ̀ kɔn tè u dboa uu mɔ̀ cheěn nyoo tìe klee Hɛwlǒo nyopòo tìe nù mua lě Jùsu mɔ̀, kě u dɛ̌a Lɔ je u je, “Tee Nyu, ä ji ɛle Mòo sèn bo mǎ Nyu Ɔ̈à tee lee kàan dɛ keǒ Nyesoa dɛ mɔ̀ plě nyopòo dlǒ mɔ̀le sìɛnʼɛ dɛ ɛɛ̌ kpaa leè kbě keǒ Bò nu dɛ plě Nè wlò ɛɛ̌ sàǒ nyuu do ɛɛ̌ siǒ nyopò tùu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:34

È Pitɛ̌ knana ɔɔ wun je, kě ɔ dɛ̌a u je ɔ je, “Kèke Ě jboǒ ɛ le ɛ̈ moo i moo kàan tè Nyesoa Ɔɔ̌ chlǎ dɛ měne keǒ nyu wùɛ mɔ̀,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:21

Ě tba Jùwɛ nyo klee kuodakwɛ̌ saěn keǒ bu bitǐ uu wlè bo u mǐ tè wlò popoɛ kɔn klě äa Koɔn Jùsu Tentǎn Jǔ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:24

Tà mòngmɛ chnɛ̀ jlǒ wě fòfoa sìnʼaa, Felesè klee ɔɔ Jùwɛ nynɔ Dluselà dia lě ǔ dboa Pɔ̀ɔ̌ mɔ̀ ǔ poa ɔɔ win nɔkǔ jebo ɔ̌ boɛa ke nyu bɔ nuu tè wlò popoɛ konkɔn klě Tentǎn Jǔ Jùsu mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:2

Stimǐ tùa lɔ kɛ̀ɛn ɔ je, “Ně mɔ̀niapo ale klee ně gbeǐpò ale, a po nɔkǔ bo, tǐǒ jleě äa gbeǐ Eblɛ̌hɛ̀mo nea lěe Mɛsepotemìa blǒ kɛn plě ɔ mǐa lě Halàn diě wlòmo tǐnma mu, tè jǐ boǎ Nyesoa sàla Ɔɔ chɛ̀ tàmo keǒ ɔ mɔ̀

Wlǔmɔ 1:11

È tè kɔn tè Ě jlɛ̌ bo diěe nɛ̀ moo dɛà Nyesoaa Sùsu nye mǒo nɛ̀ Ě jlɛ̌ boǒ nye amo ke ɛ̈ di ɛɛ numa aa tè wlò popoɛ mǐ kbě ja le be.

1 Kwnɛtiɛ̌ 2:8

Kmɔ̌à ɛɛ win kwa kɔn nyoo nyuu doo chɛ̀ sea Ɔɔ je wɛ̌ tɔ̀n winʼǒ de jbojbɛ kɔn. Bɛ̌ nu bǔ kɔɔnʼa de jbojbɛ, è u seeaǒ äa tè jǐ boǎ Koɔnʼà pète bɛ̌ tu jleě kɔ.

Klasɔ̌n 1:4

Mɛ̌oǒ joo nɛ̀ moo ä wɔ̌n aa tè wlò popoɛɛ tè le ɛ̈ a kɔnʼɔ klě Tentǎn Jǔ Jùsu mǒ plě klee ke a nu Ɔɔ wǎn wùɛ mǒ noɛnoɛ.

1 Timɛtě 1:19

Nè tè wlò popoɛ klě Tentǎn Jǔ mǒ bɛ muu nya plě nè kàan tè le jbojbɛ bɛ muu nya. Nyopò tùu sà dɛǒ uu tè le jbojbɛ boɛ uu je jleě mɔ̀, dɛǒ nɛ̀ nu ɛ ǔ kplɛɛǒ uu tè wlò popoɛ kɛn.

1 Timɛtě 5:21

Ě nyeè snǒ keǒ Nyesoa klee Tentǎn Jǔ Jùsu klee najiǒpò Ɔ sàa jemǒ keǒ bò tùǒ noǎ wùɛà Ě te mòo kwete mǒ ble, nè ni nyuà ɔɔ tè se bò wan ne keǒ nyu wùɛ mɔ̀.

Taetɔ̌ 1:1

Mǒ Pɔ̀ɔ̌à chlě chněedɛ̌à ɔ̈ monoo Nyesoaa na wien po nyebajlo klee Tentǎn Jǔ Jùsuu tuposà kpa nyu keǒ bo jaɔ nyopòà Nyesoa tbaa tè wlò popoɛ mɔ̀. Ě tee u Nyesoaa kàan tè měne jijiɛ ɛ̈ nii nyu ɔ̌ nii Nyesoa dɛ.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.

Hiblǔ 12:2

A nɛ bä mǎǒ Jùsu jleě mǒ bo Ɔ̈ nɛɛ ämoo klě äa tè wlò popoɛ mǒ plě Ɔ̈ nu ɛɛ ɛ̌ wɛ̀ lee jele. Tǐǒ jleě Ɔ jěaa sònwɛ keǒ pète bɛ̌ tu jleě, Ɔ kɔna wlò dbadbǎ Ɔ̌ sàla tònwe dɛǒ jleě mɔ̀ keǒ plɔɔ bloblɛ Ɔ miaa kɔnma klě kmɔ̌ɔ nya ɛɛ tè mɔ̀. Sɔɔnʼaě tǐǒ wlòmo Ɔ neě Ɔɔ Gbeǐ Nyesoaa klɔ̀ba gbèsɛɛ dilǎ son mɔ̀ bo ɛ̈ moo tùɔn ɛ̈ kɔnʼǒo tùtuɛ fòɛ.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 2:3

bɛ̌ nu nyuǒ poo jǐlenmɔ wlawlěǒ měne aa jleě bɛ̌ neǒ ɔ mɔ̀ chɔɔ, a pɛ̀n kɛn bo ne dɛ le ǎ dɛ̌ bò ɔ je ɛ̈ moo, “Neà tàa bo.” Kɛɛ nyuǒ moo sònwɛ nyuǒ nɔ̀ a tmɛɛ̌ ne ɛ̈ moo, “Nynaě tàě bo ɔ̀ɔ̌ dià tàà Ě tùiàa be bo ne.”

Jìmǐse 2:9

Kɛɛ bɛ̌ nu bǎ ke ɛ měne chlɛ̌, è ɛ moo dɛ kukǔ ǎ ni ɛ, è Nyesoaa tè jɛɛa neǒ a kɛn keǒ Ɔɔ teteǎ wlawlǎ mɔ̀.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

2 Pitɛ̌ 1:1

Mǒ Saemɔ̌ Pitɛ̌à chlě chněedɛ̌à ɔ̈ monoo na wien po nyebajlo klee Jùsu Tentǎn Jǔu tuposà kpa nyu, Ě chleě ɛ amo nyopòà mɔ̀ ü kɔnʼɔ kàan tè wlò popoɛɛ doà ä kɔnʼɔ ɛ̈ sɔn lěe jebo siǐn Nyesoa mɔ̀ mǒ klee äa Wowa Nyu Jùsu Tentǎn Jǔ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:16

Nyopò taeǒ u moo nyopò ü boboɛɛ do ble klee ü pɛ̀nʼɛ slɛ̀ɛ le, u nɛ uu chɛ̀ɛ dɛ kukǔu jlajlǎ dɛ de, ǔ pe wun fòɛ le keǒ uu chɛ̀ jleě mǒ ǔ boɛǒ nyopò tùu tè jleě měne bï bloo loo nyopòǒ uu plɔ, u ni ɛ keǒ bɛ poǒ u dɛ bo.

Wlɛ̀velesɔ̌n 14:12

Dɛǒ nɛ̀ kɔn tè Nyesoaa nyopòà ü tùiǒ Ɔɔ teteǎ ble plě ü kɔnʼɔ tè wlò popoɛ klě Jùsu mǒ u kɔn bu nyna ɛ jebo ɛ̈ di ɛɛ numa uǔ diǒ ɛ jleě mǒ kplɛɛ le plě Ɔɔ̌ se lu ù kɛn po keǒ plɔɔ tu kɛn bo maěa mɔ̀.