Jìmǐse 1:5 - Nyesoaa Kuo Win Jajle

⁵ È bɛ̌ nu aa nyu wùɛ bɔ̌ se ɛɛ tɔ̀n blě, è bɔ gbà Nyesoa wan, Ɔ mi ɛ ɔ̀ nyema, Ɔ̈à Bɔ jlee son je Bɔ nyee nyu dɛ ɛ̌ sisii ble plě Ɔɔ̌ pnaě nee nyu jǐ měne ɛɛ tè.

Jìmǐse 1:5 ပူးပေါင်းရင်းမြစ်များ

Matiɔ̌n 11:20

È Jùsu tùngmaea deěǒ chlǒ mɔ̀ popoɛ ï kɔn wlòmo Ɔ nua lěe wlòlekaen noǎ fòfoa. Mɛ̌oǒ joo nɛ̀ moo nyopòǒ neaě ii wlòmo u sea uu wlè ble bitǐ kaǒ.

Mǎkè 16:14

È tà ɛ sìnʼaa, Jùsuu mɔ̀ cheěn nyoo pù tùo doǒ u kea dɛ di Ɔ̌ woǒaě u slè Ɔ̌ pnɛɛ̌a u jǐ měne keǒ bu sea kàan tè popoɛ kɔn uu wlè bi jakǎala jè plě keǒ buǔ poa i kàan tè ɛ̈ moo nyopò tùu jěa Ɔlo Ɔ̌ nea kmɔ̌ de.

Jɔ̀ɔ̌n 14:13

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le.

Jɔ̀ɔ̌n 15:7

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Jɔ̀ɔ̌n 4:10

È Jùsu tùa ɔ kɛ̀ɛn Ɔ je, “Bò jii dɛ Nyesoa nyee nyopò plě Nyuà Ɔ̈ sòɛ mòo ně, è Nɔ̀ sòaa ně, è Ɔ mii mò něà nyee nyu kmɔ̌ siee fònfno nyema.”

2 Kwnɛtiɛ̌ 2:16

Keǒ nyopòo tìeà see wa mɔ̀, äa tuposàà ɛ se kàan nu wòje kokǒ dɛ ɛ̈ pee nǒ keǒ u mɔ̀, kɛɛ keǒ nyopòo tìeà waa mɔ̀ ɛ nu kàan wòje sonsnǒ dɛ plě ɛ̌ pe kmɔ̌ sie fònfnoo sàe keǒ u mɔ̀. Bo Nyesoaa kpě bǐ slě nyu mǒ ne, mɔ wɔ̀le je bɔ̈ nuǔ kɛ ɛmo konkwa taeǒ?

Jìmǐse 1:17

Kàan klee mɔ̀le snǎ nyee noǎ wùɛ i sonwɛ lě mǒ Nyesoa mɔ̀ Ɔ̈ moo äa Jɔkɛn Gbeǐ Ɔ̈ nuaa pepě ɛ̈ neěe jɔ mǒ plě Ɔ̈ kɔn kmɔ̌ ɛɛ̌ wǒo de le wòje keà wɛnʼɛ sùsu nii.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

Jìmǐse 5:16

Tèǒ nì kɔn tè ba wonwɔɔ aa kpni kukwǐ jele klě aa chɛ̀ slè, è ba bàteǒ aa bǐìi tà u miǒ aa tà bàte le ɛ̈ di ɛɛ numa Nyesoa mǐ a pean. Jebo siǐn nyuu Nyesoa bàtea ɛ ne kɛn kpě, nɛ̀ sɛ̀ǒ dɛ.

1 Jɔ̀ɔ̌n 3:22

È dɛ wùɛ ä mi Ɔɔ sòaba ä mi ɛ jěba. Mɛ̌oǒ joo nɛ̀ moo ä tùiǒ Ɔɔ win bo plě ä ni dɛ blee Ɔɔ plɔ.