Jìmǐse 1:27 - Nyesoaa Kuo Win Jajle

²⁷ È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.

Jìmǐse 1:27 ပူးပေါင်းရင်းမြစ်များ

Matiɔ̌n 12:32

Nyu wùɛ ɔ̈ boɛɛ win kukwǐ keǒ Jbɛjuu Jǔà jleě mǒ, Nyesoa mi ɔɔ tè wlò le pooba, kɛɛ nyuà ɔ̈ mii win kukwǐ boɔba keǒ Ngmà Je Ne Sùsu jleě mǒ, ɔɔ tè se wlò le pooba mu kělɔ kmɔ̌à ä neɔɔ mɔ̀ plě klee kmɔ̌ǒ ɛ̈ miǎ lěe diba.”

Matiɔ̌n 5:8

Ɛ moo ngmna keǒ nyopòà mɔ̀ ü kɔn wlè snǎ lěe kɛne. Mɛ̌oǒ joo nɛ̀ moo nù miǎ Nyesoa jěba.

Lǔkù 1:6

Uu sɔ̌nʼǒ u mooa jebo siǐn nyo klě Nyesoa jǐ kɛn ǔ tùiaǒ Nyesoaa teteǎ wùɛ ble klee dɛ Ɔ tmɛɛ̌a nuu klě Ɔɔ win wlòmo.

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

Wlǔmɔ 2:13

Nyopòà ü wɔ̌nʼɔ Nyesoaa teteǎ sosǒ u se jebo siǐn nyo, kɛɛ nyopòà tùiǒo teteǎǒ nù Ɔ miǎ jebo siǐn nyo mǒ numa.

Kalesiɛ̌n 1:4

Tentǎn Jǔ tùǒ Nyesoaa kɛn wɔɔn dɛ bo Ɔ̈ moo äa Gbeǐ Ɔ̌ nu Ɔɔ chɛ̀ chɔ̀no mǒ keǒ äa dɛ kukǔ mɔ̀ ɛ̈ di ɛɛ numa dɛ kukǔà ä nee kekɛɛ kmɔ̌ ä mǐ dbǐ mǒ wan keǒ ɛ mɔ̀.

Kalesiɛ̌n 3:11

Ɛ pàe le chnɛ̀ ɛ̈ moo Ɔɔ teteǎa bo tùtuɛ seǎ nyu wùɛ numa mu ɔ seǎě Ɔ jǐ kɛn le wɛɛnma mu. Mɛ kɔɔ̌n tèǒ joo nɛ̀ moo kě Ɔɔ win dǎ ɛ̈ moo. “Jebo siǐn nyo nù kɔn kmɔ̌ sie fònfno keǒ uu tè wlò popoɛɛ tè mɔ̀.” (Hab 2.4)

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

Kalesiɛ̌n 6:14

Kɛɛ dɛɛ do kɔn tè Ě mii wun fòɛ le poba nɛ̀ moo äa Koɔn Jùsu Tentǎn Jǔu kokǒ tè. Nɔ̀ nu ɛ kmɔ̌ɔ noǎ see kɛ̀ǒ ně tè mɔ̀ kɔn plě Ě see kɛ̀ǒ ii tè mɔ̀ kɔn.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

1 Timɛtě 5:4

Bɛ̌ nu bo koti nynɔ bɔ̌ kɔn jlǔ klee duojlu, ɛ̈ kɔn nɔ̀ kɔnʼě uu koǔ bo kwɛɛn slè, jlǔǒ u blɛɛ je bu chěn ke bu nuu kàan dɛ nunuɛ keǒ ɔ mɔ̀ klekle. Dɛǒ nɛ̀ bǔ nu, è u sɛ̀ uu naǎ klee gbeǐpò klee dǎfɔ̀po snǒ. Dɛǒ nɛ̀ blee Nyesoaa plɔ.

Taetɔ̌ 2:12

Ɔ tee ɛ ä le keǒ bä tɛ äa se Nyesoa ji kmɔ̌à bo klee kmɔ̌ɔ noǎ ä jlɛ̌ɛ, è bä jiǒ äa chɛ̀ɛ wlò mɔ̀ kwa bleblɛ̌ klee bä siǐnʼǒ jebo plě klě tǐà wlòmo bä nee Nyesoa dɛ kmɔ̌ kělɔ kmɔ̌à ä neɔɔ mɔ̀

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

Jìmǐse 3:9

Ä ni mɛ ä pe Koɔn klee äa Jɔkɛn Gbeǐi nynɛ̌ le, è ɛmo mɛɛ doǒ nɛ̀ ä ni ä pe nyopò tùu chlǒ mɔ̀ üà Nyesoa nuu ü kɔn nunu kmɔ̌ wǒ Ɔɔ je.

Jìmǐse 4:4

Amo se tè wlò popoɛ kɔn nyoà, a se kɛ i ji ɛ̈ moo nyopòà ü noɛ nee kmɔ̌ɔ noǎa mǒ u moo Nyesoaa jlae nyoe? Tèǒ nì kɔn tè nyu wùɛ ɔ̈ mii kmɔ̌ mɔ̀nai mǒ kɔnma ɔ moo Nyesoaa jlae nyu.

2 Pitɛ̌ 1:4

Keǒ imo nyee noǎǒ ii tè mɔ̀, Nyesoa nye ä pee noǎ ï kɔn tè kmaa chɔɔ klee ï nuu kàan ɛ̈ di ɛɛ numa Ɔɔ ngmà je ne kmɔ̌ Ɔ nee ä miě ɛ wakǎ jleě mǒ kɔn, ä mǐ noǎ sòenʼà neɔɔ kmɔ̌ wlòmo je plùu lu ï dɛ kukǔ wlògbaee jlɛjlɛ̌ dɛ jɛ lěe.

2 Pitɛ̌ 2:20

Bɛ̌ nu nyopò bǔ plùu kmɔ̌à ɛɛ noǎ sòen je keǒ bu ji äa Koɔn klee Wowa Nyu Jùsu Tentǎn Jǔ, kɛɛ plě bǔ pìnpin uu chɛ̀ klě imo noǎǒ slè bǐ kɔn u win kwa de, è uu kmɔ̌ǒ u nee ɛ nymi le jǐ ɛ̌ sìnʼǒ kmɔ̌ǒ u neaa mǒ plě ǔ kee Tentǎn Jǔ ji.

2 Pitɛ̌ 3:14

Tèǒ nì kɔn tè ně mǒ noɛɛ nyopò ane, ɛ̈ kɔn amo pɛ̀n imoo noǎǒ snǔ mɔ̀le, ba poě kbě a nu dɛ a wɔ̀lee nunuɛ a miě mɔ̀le snǎ tè jɛɛa ɛɛ̌ diǒ a jleě mǒ ne plě ně bo wnawna miǒ a klee Nyesoa slè ne.

1 Jɔ̀ɔ̌n 5:18

Ä ji ɛle ɛ̈ moo nyu wùɛ ɔ̈ moo Nyesoaa jǔ ɔɔ̌ nee dɛ kukǔ nunuɛ kmɔ̌. Mɛ̌oǒ joo nɛ̀ moo Nyesoaa Jǔ Nɔ̀ tùi ɔ jǐ mɔ̀ ɛ̈ di ɛɛ numa kǔ ɔɔ̌ di ɔ mɔ̀ gbè.