Jìmǐse 1:26 - Nyesoaa Kuo Win Jajle

²⁶ Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

Jìmǐse 1:26 ပူးပေါင်းရင်းမြစ်များ

Matiɔ̌n 15:9

U tee uu blětà teteǎ, ii tè uu wɛ̀ sèsa keàǎ mɔ̀ ɛ se dɛ kɛn bo nyna.’ ” (Is 29.13)

Mǎkè 7:7

U tee uu blětà teteǎ, ii tè uu wɛ̀ sèsa kěàǎ mɔ̀ ɛ se dɛ kɛn bo nyna.’ ” (Is 29.13)

Lǔkù 8:18

Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba, Ɔ mǐ ɔ tè le jbojbɛ fòfoa nye, tèǒ nì kɔn tè ba gbɛ̀ɛ le ke a mii nɔkǔ bo popoɛ numa. Kɛɛ nyuǒ se ɛɛ tè le jbojbɛ kɔn, tè le jbojbɛ chěnchaě gbee chɛ̀ǒ ɔɔ wlò je ɔ kɔnʼɔ Nyesoa mi ɛ ɔ̀ kwa sàba.”

1 Kwnɛtiɛ̌ 15:15

Bɛ̌ nu sɛjesɛ bo Nyesoa Bɔ̌ seeǎ kokǒ nyo jeměne dǔba mu plě bä boɔ li ɛ̈ moo Nyesoa dǔa Tentǎn Jǔ jemǒò, è tè kme ä ne keǒ senʼǒ ä tmɛ̌ɛ mɔ̀ keǒ Nyesoa jleě mǒ.

1 Kwnɛtiɛ̌ 15:2

Bɛ̌ nu bǎ kmeǒ dɛǒ Ě boɔla amoo je mɔ̀ bo kaǒ, è a wa le klě kpni kukwǐi plɔɔ tu kɛn bo maěa bobo. Bɛ̌ nu bǎ se ɛ nu, è aa tè wlò popoɛǒ ɛ se dɛ nynɛ̌ sɛ̀nma mu.

1 Kwnɛtiɛ̌ 3:18

Aǎ gbee aa chɛ̀ mǒ. Bɛ̌ nu aa nyu bɔ̌ jě ɛ ɛ̈ moo ɔ kɔn tɔ̀n klě kmɔ̌ɔ de jijiɛ mǒ, è ɔ kɔn bɔ moo plɔɔ kokǒ nyu klě kmɔ̌ɔ de jijiɛǒ mǒ ɛ̈ di ɛɛ numa ɔ mǐ tɔ̀n kɔn klě Nyesoa jǐ kɛn.

Kalesiɛ̌n 2:6

Nyesoa Ɔɔ̌ tanʼǒ tùonyugbee tǔn mɔ̀le, tèǒ nì kɔn tè Ě slě ɛ mɔ̀ kɔn ke tùonyugbee tè bi jě bi nu kunkuɛn. Nyopòǒ ü je ü monoo Tentǎn Jǔu wǎnʼa je si nyo, tuposàà Ě pee uu nyu seě tɔ̀n mǒ po keǒ dɛ wùɛ mɔ̀.

Kalesiɛ̌n 2:9

Jìmǐse klee Pitɛ̌ klee Jɔ̀ɔ̌n üà sɛje ü je ü monoo konkwaà ɛɛ je si nyo klě ɛmo tà lě, u jbo ɛ le ɛ̈ moo Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒǒ mɔ̀ Ɔ̌ nyeě konkwa taeà, ii tè u tǒa mǒ klee Banàbɔ kwa ɛ mǐa ɛ tee le ɛ̈ moo u wɔɔnʼa ɛ kɛn keǒ ämoà bä po tuposàǒ klě kuodakwɛ̌ mɔ̀, è umoǒ nù bü po ɛ klě Jùwɛ nyo mɔ̀.

Kalesiɛ̌n 3:4

Aa sònwɛ jejeɛ̌ wùɛ a jě kɛɛ keǒ Tentǎn Jǔu tè mɔ̀ ɛ moo putu le? Tǐ tìi tà ɛ moo putu.

Kalesiɛ̌n 6:3

Bɛ̌ nu nyuà kɔn tè see kun bɔ̌ jě ɛ ɛ̈ moo ɔɔ tè kun nu, ɔ gbee ɔɔ chɛ̀ mǒ no.

Ifisiɛ̌n 4:29

Aǎ boɛ dɛ wùɛ ɛ̈ mii nyopò tùu mǒ bo sǐba, kɛɛ a boɔ dɛǒ sɛ̀ɛ lee tùonyopo mǒ sosǒ ɛ mǐ u měne kunkuu nu ɛ̈ di ɛɛ numa nè boɔboɔ winʼǒ i miě nyopòǒ wɔ̌n nii dɛ bo po.

Ifisiɛ̌n 5:4

Ɛ seǒ le wɛɛn ne ke keǒ ba po sadoě klee ba boɔ tèà monoo plɔɔ kokǒ tè plě ba po mɛ kukǔ, kɛɛ dɛ ba nuu nɛ̀ moo a pe Nyesoa tàto keǒ dɛ Ɔ nuu keǒ a mɔ̀.

Klasɔ̌n 4:6

Dɛǒ a mi nuu je boɔba bɛ mooě uu tè mɔ̀ konkɔn tǐ wùɛ mɔ̀ plě bi nmɔ wan wòje keà tmɔ̌ neěe dɛ mɔ̀ ɛ̈ di ɛɛ numa a mǐ ke ba nuu nyu wùɛ kɛ̀ɛn tùtuɛ ji.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 1:22

A nu dɛ Nyesoaa win tmɛɛ̌ amoo. Aǎ gbee aa chɛ̀ mǒ keǒ ba wɔ̌n ni sosǒ.

Jìmǐse 2:20

Nyuu tè wlò popoɛà ɔ kɔnʼɔ ɛ̈ see kàan dɛ debo mǎ, ɛ se tè wlò popoɛ. Deě mò plɔɔ kokǒ nyuà jlɛ̀ kɛ ɛɛ bò měne po dɛ keǒ ɛmoǒ mɔ̀le?

1 Pitɛ̌ 3:10

wòje keǒ Ɔɔ win dɛ̌ɛ ɛ̈ moo, “Nyu wùɛ bɔ̈ ke ɛ jlɛ̌ keǒ bɔ nee plɔɔ bloblɛ klee kàan tǐ kmɔ̌, è bɔɔ̌ tmɛ̌ sen klee bɔɔ̌ boɛ dɛ kukǔ wùɛ.