Jìmǐse 1:25 - Nyesoaa Kuo Win Jajle

²⁵ Kɛɛ nyu wùɛ ɔ̈ mii Nyesoaa mɔ̀le snǎ teteǎ chěnma plě ɔ̈ mi nii chencheɛ̌n nya kpaeba ï bɛ̌ ämoo kè dbǔ mɔ̀, bɛ̌ nu bɔ̌ ke dɛ i boɛɛ ni ɛ̈ see bɔ wɔ̌n ni sosǒo do, ɔɔ plɔ mi bloba keǒ dɛ wùɛ ɔ mii numa mɔ̀.

Jìmǐse 1:25 ပူးပေါင်းရင်းမြစ်များ

Lǔkù 11:28

È kě Jùsu dǎla ɔ je Ɔ je, “Sɛjesɛ nyopòà wɛ̌nʼɛ Nyesoaa win plě ü tùiě ii bo ɛ moo ngmna kpɛntɛɛ̌ fòɛ keǒ u mɔ̀.”

Jɔ̀ɔ̌n 13:17

È klě tǐà wlòmo a ji imo noǎǒ no, bɛ̌ nu bǎ ke i ni, ngmna mi a mɔ̀ beba.”

Jɔ̀ɔ̌n 8:36

Tèǒ nì kɔn tè bɛ̌ nu bo Nyesoaa Jǔ Bɔ̌ gblà amo klě kpni kukwǐi kèdɛ̌ mǒ, è a gblàa le kpǎkpǎ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:43

Tà u sɔnaěe Nyesoa koǔǒ bo mǒ, Jùwɛ nyoo dɛ fòfoa klee kuodakwɛ̌ɛ dɛ fòfoa ü poa uu chɛ̀ Jùwɛ dɛ mǒ nù beaǒ Pɔ̀ɔ̌ klee Banàbɔ demǒ. È Pɔ̀ɔ̌ klee Banàbɔ boɛaě u mɔ̀ ǔ pea u kbě ja le keǒ bu kpaea uu kàan tè popoɛ nya klě Tentǎn Jǔ mǒ Ɔ̈ monoo Nyesoaa wlòo jlajlǎ Dɛ Ɛ̈ɛ̌ sà Ɔɔ wlò kǔ mǒ Ɔ nye nuu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:42

Klě tǐ fòfoa wlòmo u gbèa le ǔ pea Nyesoaa tuposà kpa nyoǒ uu teea nɔkǔ jebo. Tǐ wùɛ mɔ̀ u klee uu sɔ̌n ǔ beaǒ tàa do ǔ sɛ̀a Nyesoaa wɛ̀ ǔ dia Koɔnʼɔ wìti didi dɛ plě ǔ boɛaě Nyesoa mɔ̀ keǒ tàa do.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:22

kɛɛ Nyesoa dǔaǎ mǒ sɛ̀ɛ mǒ ɛ̌ jɛ chnɛ̀ jlǒ waěà. Tèǒ nì kɔn tèà Ě nynaà tàa bo Ě ni Ɔɔ sàse dɛ klě nyeflabutupò klee selǐjlu mɔ̀. Ě boɛ dɛà Nyesoaa wnɔsàɔpo klee Mɔ̀sě je ɛ miaa tùɔn kpaba seela tǐ jleě sosǒ

Wlǔmɔ 11:22

Klě ɛmoǒ mǒ ä jě Nyesoaa nunu kmɔ̌ kplěe sɔ̌n ï neě Ɔɔ mǒ, kàan klee wan jakǎ dɛ ï Ɔ nii. Ɔɔ dɛ jakǎ wan keǒ nyopòà mɔ̀ ü bee wɔ̀ɔn, kɛɛ bɛ̌ nu bò kme Ɔɔ kàan dɛ nunuɛǒ bo, Ɔ ni kàan keǒò mɔ̀. Nɛ̀ bò se nu, mìǒ Ɔ jleě mǒ sɔnma.

Wlǔmɔ 2:13

Nyopòà ü wɔ̌nʼɔ Nyesoaa teteǎ sosǒ u se jebo siǐn nyo, kɛɛ nyopòà tùiǒo teteǎǒ nù Ɔ miǎ jebo siǐn nyo mǒ numa.

Wlǔmɔ 7:12

Ii tè imo teteǎa chɛ̀ǒ i ne je ngmà, Nyesoaa boɔboɔ win ne je ngmà ǐ wɛɛnʼǒ le plě i moo kàan.

Wlǔmɔ 8:15

Nyesoa se a sùsu nye ɛ mǐ a kèiapo mǒ nu a mǐ fano pe, kɛɛ Ɔ nye a Sùsu Ɛ̈ nu amoo Ɔɔ jlǔ mǒ plě Ɛ̈ nu ämoo ä dɛɛ Ɔɔ Abà, ɛ̈ sɛ̀nʼɛ nynɛ̌ äa Gbeǐ.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

1 Kwnɛtiɛ̌ 15:58

Ii tè ně kàan bǐì Tentǎn Jǔu wǎn ane, a nyna bo kpankpa, aǎ wě tùɔn mǒ klě aa tè wlò popoɛ mǒ. Tǐ wùɛ mɔ̀ a poě kbě le a nu Nyesoaa konkwa. Ba kɔn ɛ jijiɛ ɛ̈ moo aa konkwa a nii keǒ Koɔn mɔ̀ ɛ se putu.

2 Kwnɛtiɛ̌ 13:5

A chechlǎ aa chɛ̀ a mǐ ɛ jě bɛ̌ nu bǎ kɔn tè wlò popoɛ klě Tentǎn Jǔ mǒ, aa chɛ̀ amo blɛɛ je bu chechlǎ aa chɛ̀. A se kɛ i ji ɛ̈ moo Jùsu Tentǎn Jǔ neě a mǒ no le? Ɛ̀ sìnʼǒ bǎ se tè wlò popoɛ wùɛ kɔn plě.

Kalesiɛ̌n 2:4

Kàan tè nyopòà ü ni nuu chɛ̀ Tentǎn Jǔu wǎn mǒ u jlɛ̌ bɔ bɛ̌a foeě. U chencheana ǔ dia wònwɛɛ mǒ u mǐa ɛ jě bä keaǒ Jùwɛ nyoo teteǎ ble tùi ï äa tè wlò popoɛ ä kɔnʼɔ klě Tentǎn Jǔ mǒ gblàlaě ämoo bobo. U jlɛ̌ bu nua ä kèiapo mǒ keǒ teteǎǒ mɔ̀,

Kalesiɛ̌n 5:1

Tentǎn Jǔ nu ämo ä wan dbǐ mǒ kpǎkpǎ klě Nyesoaa teteǎ bobo. Tèǒ nì kɔn tè a nyna bo kpankpa keà dbǐ mǒ wan nyo, aǎ sonwɛǒ aa chɛ̀ mɔ̀ mǒ uǔ kpɛě a kèi dɛ mǒ de.

Kalesiɛ̌n 6:2

A sèsɛɛ měne keǒ aa dɛɛ wan le popa slè, dɛǒ nɛ̀ bǎ ke ni, è Tentǎn Jǔu tetěǒ moo ba nonoɛɛ měne nɛ̀ǒ a tùiǒ bo.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

1 Timɛtě 2:15

Kɛɛ bɛ̌ nu nynoo tè wlò popoɛ u kɔnʼɔ klě Tentǎn Jǔ mǒ bɛ̌ ke nya mii ni klee bǔ ke nyopò tùu mǒ noɛɛ ne klee bǔ ke ngmà je ne kmɔ̌ ne plě klee bǔ ne kàan kmɔ̌, Nyesoa mi u gblàba klě uu kmàe tǐ wlòmo.

1 Timɛtě 4:16

Tùě jǐ bo keǒ dɛǒ mìi numa mɔ̀ plě klee dɛǒ mìi teeba. Dɛǒ nɛ̀ bò nu tǐ wùɛ mɔ̀ ɛ̈ di ɛɛ numa mì nè chɛ̀ gblà klee nyopòǒ mi mòo nɔkǔ jebo poba.

Hiblǔ 12:15

Ba tùě jǐ bo plě aa nyu ɔɔ̌ di Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ kɛn tbɛ, è aǎ sonwɛǒ kpni kukwǐ nyu mɔ̀ mǒ ɔɔ̌ neě a slè ɔɔ̌ seě a kmɔ̌ kukǔ ja po wòje momae tu.

Jìmǐse 2:12

Tèǒ nì kɔn tè a gbɛ̀ɛ aa boɔboɔ win klee nunu noǎ keà nyu wɛ̀ɛ mɔ̀ bɔ nynaa tè tù nyo jebo teteǎ iǐ di ɔɔ kme.

1 Pitɛ̌ 2:16

Aa kmɔ̌ neneɛ bɛ wǒ je nyopò wanʼa dbǐ mǒ, kɛɛ aa dbǐ mǒ wonwanʼǒ aǎ ni ɛ keǒ ba kan dɛ kukǔ kɛn. Ba ne kmɔ̌ wòje Nyesoaa na wien po nyebajle klee nynejlu.

1 Jɔ̀ɔ̌n 2:24

Sɔɔnʼě ɛɛ wlò tùla mǒ tèǒ a wɔ̌na lěe Tentǎn Jǔ jleě mǒ a poǒ jè ii tè kàan tè. Bɛ̌ nu bǎ nu ɛ, è a klee Nyesoaa Jǔ klee Nyesoa Ɔ̈ moo äa Gbeǐ a miǒ tàa do nama.

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 22:14

Nyopòà jla uu wlawlě ǐ wɛ̀ɛ mnǒ u kɔn ngmna, u miě ɛ wɔ̀ba keǒ bu di tu buiǒ sɔn lěe fònfno tuǒ ja mǒ klee u miě ɛ wɔ̀ba keǒ bu paeě wlɔ̀ dɔwunʼǒ jleě, u miě dě fòɛǒ wlòmo pa.