Jìmǐse 1:22 - Nyesoaa Kuo Win Jajle

²² A nu dɛ Nyesoaa win tmɛɛ̌ amoo. Aǎ gbee aa chɛ̀ mǒ keǒ ba wɔ̌n ni sosǒ.

Jìmǐse 1:22 ပူးပေါင်းရင်းမြစ်များ

Matiɔ̌n 12:50

Dɛ ɛ nuu nɛ̀ moo nyu wùɛ ɔ̈ mi Něe Gbeǐǒ neěe jɔkɛn Ɔɔ kɛn wɔɔn dɛ numa nɔ̀ moo Ně mamǔ jbɛju klee Ně mamǔ nyneju plě Ně naǎ.”

Matiɔ̌n 28:20

plě ba tee u bu tùǒ noǎ wùɛà ble ï Ě tee amoo. È bi beě a wlòmo ɛ̈ moo Ě kɔn Boǒ neeě a mɔ̀ tǐ wùɛ mɔ̀, ɛ mǐ ɛ kpa kpa ɛ miǎ kmɔ̌à ɛɛ dlǒ chlɛ̀chlɛ kɛn jɛɛ le, kě bɛ ne.”

Lǔkù 11:28

È kě Jùsu dǎla ɔ je Ɔ je, “Sɛjesɛ nyopòà wɛ̌nʼɛ Nyesoaa win plě ü tùiě ii bo ɛ moo ngmna kpɛntɛɛ̌ fòɛ keǒ u mɔ̀.”

Jɔ̀ɔ̌n 13:17

È klě tǐà wlòmo a ji imo noǎǒ no, bɛ̌ nu bǎ ke i ni, ngmna mi a mɔ̀ beba.”

Wlǔmɔ 2:13

Nyopòà ü wɔ̌nʼɔ Nyesoaa teteǎ sosǒ u se jebo siǐn nyo, kɛɛ nyopòà tùiǒo teteǎǒ nù Ɔ miǎ jebo siǐn nyo mǒ numa.

1 Kwnɛtiɛ̌ 15:33

Aǎ sonwɛǒ nyu wùɛ mɔ̀ mǒ ɔɔ̌ bee a mǒ. Nyopò kukwǐi mɔ̀ nena ɛ nymii tùonyugbee kàan kmɔ̌ jǐ le.

1 Kwnɛtiɛ̌ 3:18

Aǎ gbee aa chɛ̀ mǒ. Bɛ̌ nu aa nyu bɔ̌ jě ɛ ɛ̈ moo ɔ kɔn tɔ̀n klě kmɔ̌ɔ de jijiɛ mǒ, è ɔ kɔn bɔ moo plɔɔ kokǒ nyu klě kmɔ̌ɔ de jijiɛǒ mǒ ɛ̈ di ɛɛ numa ɔ mǐ tɔ̀n kɔn klě Nyesoa jǐ kɛn.

1 Kwnɛtiɛ̌ 6:9

A ji ɛle ɛ̈ moo Nyesoa se kpni kukwǐ nyo win kwa kɔnma mu. Aǎ sonwɛǒ nyu wùɛ mɔ̀ mǒ ɔɔ̌ gbee a mǒ keǒ dɛà mɔ̀, nyu wùɛ ɔ̈ gblà kmɔ̌ neěe ja klee ɔ̈ sɛ̀ɛ nǔkpuǐi wɛ̀ plě ɔ̈ moo wlawle nuɔ ɔ̀ɔ̌ jbɛju bɔ pɛn ɔɔ bě jbɛju mɔ̀ klee jbɛjuu chɛ̀ɛ blǒ fǒ bɔ ploo ɛ dɛ kukǔ mɔ̀,

Kalesiɛ̌n 6:3

Bɛ̌ nu nyuà kɔn tè see kun bɔ̌ jě ɛ ɛ̈ moo ɔɔ tè kun nu, ɔ gbee ɔɔ chɛ̀ mǒ no.

Kalesiɛ̌n 6:7

Nè gbee dìe mǒ, nyu slě wɔ̀ bɔ boo Nyesoa mǒ. Dɛǒ tùonyu mii dɔ̌ba nɛ̀ ɔ mi chɛ̌nma.

Flepiɛ̌n 4:8

Ně bǐì Tentǎn Jǔu wǎn ane, demǒ bɔɔ̌ dɛ nɛ̀à, aa dlǒ le sìɛnsiɛn bɛ neǒ dɛà monoo kàan dɛ kɛn klee dɛà kɔn tè boǎa jǐ klee dɛà monoo mǒ slɛɛ̌ dɛ klee dɛà snǎ lěe mɔ̀le klee dɛà monoo jǐlenmɔ dɛ klee dɛà blee lee plɔ plě dɛ wùɛ ɛ̈ nyu bɔ̌ nuu ɛ̈ nii tɛɛ ɛ̈ kɔn tè u bɛɛ ɔɔ klee dɛà nyu bɔ̌ nuu ɛ̈ nii kàan tɛɛ.

Klasɔ̌n 3:17

È dɛ wùɛ a mii numa klee a mii boɔba, ba nuuě ɛ Koɔn Jùsuu nynɛ̌ wlòmo a mǐ Nyesoa tàto pe Ɔ̈ moo aa Gbeǐ keǒ dɛ Ɔ nuu keǒ a mɔ̀ ɛ̈ Ɔ nuuě Jùsu Tentǎn Jǔ mǒ.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

Jìmǐse 1:26

Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

Jìmǐse 4:11

Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

Jìmǐse 4:17

È bi beě a wlòmo, bɛ̌ nu bǎ ji mǒ slɛɛ̌ dɛ plě baǎ nu ɛ, è kpni kukwǐǒ a ni.

2 Pitɛ̌ 2:13

Nyesoa mi u dɛ kukǔ snǒ sàeba keǒ uu dɛ kukǔǒ u nii mɔ̀. Uu dlǒ le sìɛnsiɛn u kɔnʼɔ keǒ bu nuu plɔɔ bloo dɛ nɛ̀ moo bu nu dɛ wùɛ u jlɛ̌ɛ keǒ klɔ̀ slè. È ke u ni uu chɛ̀ɛ plɔ blooa nɛ̀ moo keǒ u klee amo ba diiǒ tàa do dɛ, dɛǒ nɛ̀ kɔn mǒ u gbeeě a mǒ. Uu kmɔ̌ǒ neě uu ja ɛ ne tònwe plě ɛ̌ moo kǔ kɛn sà kmɔ̌.

1 Jɔ̀ɔ̌n 1:8

Bɛ̌ nu bä nu wiěn ä se kpni kukwǐ nu, è ä gbee äa chɛ̀ mǒ no plě tèǒ ä boɛɛ i se kàan tè,

1 Jɔ̀ɔ̌n 2:3

Bɛ̌ nu dɛà Nyesoa tmɛɛ̌ ämoo bä tùǒ ɛ bo, è ä ji ɛle tɛɛ ɛ̈ moo ä ji Ɔ lo.

1 Jɔ̀ɔ̌n 3:7

Ně jlǔ ale, aǎ sonwɛǒ nyu wùɛ mɔ̀ mǒ ɔɔ̌ gbee a mǒ. Nyu wùɛà nii jebo siǐn dɛ ɔ moo jebo siǐn nyu wòje Tentǎn Jǔ.

3 Jɔ̀ɔ̌n 1:11

Ně mǒ noɛɛ nyu, nyuà nii kàan dɛ ɔ sɔnʼě mǒ Nyesoa mɔ̀, kɛɛ nyuà nii dɛ kukǔ ɔ sěɛ Nyesoa jě, ii tè nè sɛ̀ě dɛ kukǔu fì le, kɛɛ sàě kàan dɛɛ fì le.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”