Jìmǐse 1:21 - Nyesoaa Kuo Win Jajle

²¹ Tèǒ nì kɔn tè baǎ kwɛn wlò boabuǔ klee baǎ ni noǎ kukwǐ wùɛ. A tìe aa chɛ̀ ja keǒ Nyesoa mɔ̀ plě a kme Ɔɔ winʼǒ bo ï Ɔ po lě amoo wlò jleě ï wɔ̀le je bï wa amoo klě aa kpni kukwǐi plɔɔ tu kɛn bo maěa bobo.

Jìmǐse 1:21 ပူးပေါင်းရင်းမြစ်များ

Matiɔ̌n 5:5

Ɛ moo ngmna keǒ nyopòà mɔ̀ ü moo tbotbǒ nyo. Mɛ̌oǒ joo nɛ̀ moo Nyesoa mi u noǎ Ɔ̈ peeě uu nyema.

Jɔ̀ɔ̌n 6:63

È Nyuà Ɔ̈ nyee tùonyopo kmɔ̌ sie fònfno Nɔ̀ moo Nyesoaa Ngmà Je Ne Sùsu, kɛɛ tùonyugbe kbě se dɛ kɔn bi nuu keǒ ɛ jleě mǒ. Winʼà Ě tmɛɛ̌ amoo nì Sùsu ni Ɛ̌ nye nyopò fònfno.

Jɔ̀ɔ̌n 6:68

È Saemɔ̌ Pitɛ̌ tùa Ɔ kɛ̀ɛn ɔ je, “Koɔn, mɔ ä kɔɔ̌n kɛ ä miě mɔ̀ muma? Nè winʼà nì blě kmɔ̌ sie fònfno.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:33

Ii tè tǐi doo tǐ jleě kě Ě nu nyopò dbodbɛ klěè mɔ̀. Ɛ nu kàan dɛ è diě, klě tǐà wlòmo äa wùɛ Nyesoa jemǒà ä nynaà bo ä mǐ dɛ wùɛǒ Ɔ boɔ mòo je nɔkǔ jebo po.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:26

Ně mɔ̀niapo ale, Eblɛ̌hɛ̀moo jlǔu jlǔ klee kuodakwɛ̌ ü nyeǒo Nyesoa bo tùtuɛ, amoà Nyesoa dbo tuposàà mɔ̀ ɛ̈ kwɛɛǒo wowa dɛɛ tè jleě mǒ bo.

Wlǔmɔ 1:16

Nyesoaa kàan tuposà moo Ɔɔ kpě ï wɛɛ nyu wùɛ ɔ̈ po ii tè kàan tè, tèǒ nì kɔn tè ně pe ɛ popoɛɛ tònwe. Klekle ɛmo tuposàǒ ɛ poo lo klě Jùwɛ nyo mɔ̀ plě ɛ̌ poo lo klě kuodakwɛ̌ mɔ̀.

Wlǔmɔ 11:17

Nyesoa bɛ̌ tu baěǒ ii tìe jele, è amoà monoo tu baě ü sɔn lěe dɔ̌ tu ja mǒ Nyesoa poǒ ii pènmo. È klě tǐà wlòmo a kwɛn plɔɔ bloblɛ klě kmɔ̌à jǐi ngmna fòfoa jele mǒ ɛ̈ Jùwɛ nyo kwɛn pnɔɔ.

Wlǔmɔ 6:17

Tǐ gbeià sìnʼaa a mooa kèiapo keǒ kpni kukwǐ mɔ̀, kɛɛ ä pe Nyesoa tàto keǒ ba di aa wlè wùɛ kwlǎ mǒ sà ba diǒ Ɔ bo tù, ba mǒ jebo siǐn kmɔ̌ǒ u teea amoo ne.

1 Kwnɛtiɛ̌ 15:2

Bɛ̌ nu bǎ kmeǒ dɛǒ Ě boɔla amoo je mɔ̀ bo kaǒ, è a wa le klě kpni kukwǐi plɔɔ tu kɛn bo maěa bobo. Bɛ̌ nu bǎ se ɛ nu, è aa tè wlò popoɛǒ ɛ se dɛ nynɛ̌ sɛ̀nma mu.

2 Kwnɛtiɛ̌ 7:1

Tèǒ nì kɔn tè ně mɔ̀niapo ale, ɛ̈ kɔn ämo kɔn imoo pee noǎ fòfoaǒ ǐ sɔn lěe Nyesoa mɔ̀ mǒ, a nɛ bä sà noǎ wùɛ fǒ měne ï ni äa blǒ fǒ klee wlè ǐ nymii jǐ le plě a nɛ bä tùǒ Nyesoa ä mǐ äa chɛ̀ ngmà je tù kpǎkpǎ.

Ifisiɛ̌n 1:13

Tè wlò popoɛ klě Tentǎn Jǔ mǒ ɛɛ doǒ nɛ̀ ɛ mono keǒ a mɔ̀. Tà a wɔ̌nʼɔ kàan tuposàǒ ɛ̈ kwɛɛǒo Tentǎn Jǔ jleě mǒ bo ɛ̈ boɔɔ aa gblàgbla tè kɛn, a po Ɔɔ tè kàan tè plě Ngmà Je Ne Sùsu nu a Nyesoaa nyopò mǒ Ɛ̈ Ɔ peea lěe keǒ Bɔ nyea Nɔɔ nyopò.

Ifisiɛ̌n 4:22

ba tɛ aa kmɔ̌ kukǔ dakǎǒ bo ɛ̈ kɔn ble po dɛ gbee amoo mǒ ɛ̈ sùe amoo gbè.

Ifisiɛ̌n 4:25

A moo dɛɛ do, tèǒ nì kɔn tè a bɔ̌ sen jele tontmɔɔ̌a, dɛǒ monoo tèe jleě nì ba boboɔɔ jele.

Ifisiɛ̌n 5:4

Ɛ seǒ le wɛɛn ne ke keǒ ba po sadoě klee ba boɔ tèà monoo plɔɔ kokǒ tè plě ba po mɛ kukǔ, kɛɛ dɛ ba nuu nɛ̀ moo a pe Nyesoa tàto keǒ dɛ Ɔ nuu keǒ a mɔ̀.

1 Tɛseloniǎ 1:5

Mɛ kɔɔ̌n tèǒ joo nɛ̀ moo tà ä jalaě ɛmoo tuposàà ɛ̈ kwɛɛǒo Jùsu jleě mǒ bo klě a mɔ̀, ä seaě win sosǒ ja, ä jalaě Nyesoaa kpě ï monoo Ngmà Je Ne Sùsu plě ä sɛ̀nʼa ɛ nynɛ̌. Tèǒ nì kɔn tè a ji ɛle ɛ̈ moo tà ä neaě amoo mɔ̀, ä nia konkwa keǒ aa kàan dɛɛ tè mɔ̀.

1 Tɛseloniǎ 2:13

È dɛ tɛ̀ɛ kɔn tè ä pee Nyesoa tàto de tǐ wùɛ mɔ̀ nɛ̀ moo, tà a wɔ̌naa tuposàà ä po amoo je ɛ̈ sɔn lěe Nyesoa mɔ̀ mǒ, a se ɛ jebo kme wòje win sɔn lěe tùonyopo mɔ̀ mǒ, kɛɛ sɛje a kmea i jebo ke i nee wòje Nyesoaa kàan win ï nii konkwa klě amoà poo kàan tè mǒ.

Taetɔ̌ 2:11

Nyesoa po Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ pepě mǒ, nɛ̀ nu ɛ ɛ̌ wɔ̀le ɛ keǒ nyopò wùɛ bu gblàe le klě uu kpni kukwǐi plɔɔ tu kɛn bo maěa bobo.

Hiblǔ 12:1

Ke ɛ toon jleě mǒ bo sàsepo fòfoa tìn bòo ǔ tbɛɛ ämoo dǐ, a nɛ noǎà miě ämoo de le kpaba keǒ bä nuu Nyesoaa konkwa bä tɛ i bo, jà kpni kukwǐà ïǐ wlɛ̀ǒ ämoo pìnpian mǒ. È a nɛ bä poě kbě bä nu Nyesoaa konkwa ɛ̈ pɛnʼǒ ämoo jemǒ bo.

Hiblǔ 2:3

Ii tè bɛ̌ nu bä sà tuposà taeǒ nɔkǔ mǒ ɛ̈ kɔn tè boǎa jǐ ɛ̈ kwɛɛǒo äa wowa dɛ jleě mǒ bo, è ke ä wɔ̀le je bä nuǔ kɛ Nyesoaa plɔɔ tu kɛn bo maěa je plùua? Koɔn Jùsu Nɔ̀ moo klekle Nyu Ɔ̈ tmɔɔ̌ ɛɛ tè ämo plě nyopòà kɔn chɛ̀ poaǒo Jùsu wien nɔkǔ ǔ poo ɛ kòo kɛn keǒ ä mɔ̀.

Hiblǔ 4:2

Ke kɔn doǒ tuposàà ɛ nuaa pooa klě Jùwɛ nyo mɔ̀, kě ɛ nua pooa kělɔ ä mɔ̀. U wɔ̌na tuposàǒ lo, kɛɛ ɛ seaǒ u kàan dɛ jleě mǒ nu. Tà u wɔ̌na nii, u sea i jebo kme plě u sea ii tè kàan tè po.

Jìmǐse 4:8

A diě a mǎ aa chɛ̀ Nyesoa debo, è Ɔ miě diba Ɔ mǐ a debo mǎ. Kpni kukwǐ nu nyo, ba bɔ̌ kpni kukwǐǒ a nii. Amo ä jěè kɛn ä daà kàan chènyɔ Nyesoa nyo, ba snǎě aa wlè jleě le a sàě kpni kukwǐǒ neěe.

Jìmǐse 5:20

a ji ɛ ɛ̈ moo nyu wùɛ ɔ̈ mii dɛ kukǔ nuɔǒ de jaba ɔ̈ miě ɔɔ kenkan snǔǒ mɔ̀ sàba nɔ̀ mi dɛ kukǔ nuɔǒ ɔɔ sùsu gblàba klě kmɔ̌ sie kokoɛ̌ slè, nɛ̀ mi ɛ numa ɔɔ kpni kukwǐ fòfoaǒ ii tè mǐ wlò le poo lo.

1 Pitɛ̌ 1:22

Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.

1 Pitɛ̌ 1:9

Dɛ ɛ nuu nɛ̀ moo a jě wowa dɛ klě aa kpni kukwǐi plɔɔ tu kɛn bo maěa bobo. Wowa dɛǒ nɛ̀ sɔnʼě aa tè wlò popoɛ wlòmo.

1 Pitɛ̌ 2:1

Tèǒ nì kɔn tè noǎ kukwǐ wùɛ a sàě i aa kmɔ̌ neneɛ mǒ, jà sen le tmɔtmɔ̌ klee ä jěè kɛn ä daà kàan chènyɔ Nyesoa nyo kmɔ̌ klee chea kmɔ̌ plě klee sadoě popoɛ.

1 Pitɛ̌ 2:11

Ně mǒ noɛɛ nyopò ane, Ě bɛ̀te ale, ɛ̈ kɔn amo monoo dakpě klee nyopò se lɔɔ kmɔ̌ɔ mɔ̀ kɔn, ba sà kpni kukwǐ jleě mɔ̀ ï kpɛ amoo to mɔ̀.