Jìmǐse 1:2 - Nyesoaa Kuo Win Jajle

² Ně bǐì Tentǎn Jǔu wǎn ane, bɛ̌ nu měne tèntɛnʼɛ doědoe bǐ bee aa jebo, ba nu ɛ bi wǒ je noǎà ï mi amoo chǒn nyema.

Jìmǐse 1:2 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:41

È nùǒ sɔnaě tè tùla mǒ ü nia chǒn ü mia keǒ Nyesoa Bɔ dia u kàan dɛ mǒ jě keǒ bu jěa sònwɛ nyopò bu poa u fla wan keǒ Jùsuu tè boɔboɔ mɔ̀.

Wlǔmɔ 5:3

È sɔ̌noka, ä kun le kɛn keǒ äa sònwɛ jejeɛ̌ mɔ̀. Ä ji ɛle ɛ̈ moo äa sònwɛ jejeɛ̌ jɛě kbě keǒ bä nyna ɛ jebo.

Flepiɛ̌n 1:29

tà Ɔ nyea amoo Tentǎn Jǔu konkwaǒ, ɛ̈ sea ba po Ɔɔ tè kàan tèe do, kɛɛ a mǐ Ɔ sònwɛ mɔ̀ jěe le ke.

Flepiɛ̌n 2:17

Bɛ̌ nu bo kɔn bo kǒo chɛ̀ wòje piepie chɔ̀no keǒ a mǐ tè wlò popoɛ kɔn tè mɔ̀, Ě miǐ jè chǒn le numa plě a klee mǒo sɔ̌n ä miǒ plɔɔ bloblɛ tàa do kɔn.

Flepiɛ̌n 2:18

Dɛɛ doǒ nɛ̀ ba nu, chǒn bɛ nu amo a mǐ plɔɔ bloblɛ kɔn a klee mǒo sɔ̌n.

Klasɔ̌n 1:24

Ɛ̈ kɔn mǒ dii sònwɛ jejeɛ̌ǒ dlǒ chlàba ɛ̈ Tentǎn Jǔ jlɛ̌ bo jěe keǒ Ɔɔ wǎnʼa kàan dɛ mɔ̀ ü moo Ɔɔ fǒ, ně plɔ blo lo keǒ ɛmo sònwɛà Ě dǔaa jejeɛ̌ mǒ mɔ̀ keǒ aa tè mɔ̀.

Hiblǔ 10:34

A mɛ̌aǒ nyopòǒ u poo wùlo mɔ̀, è bɛ̌ nu bǔ kmea aa konkɔn noǎ, a sɛ̀aǒ u wun mɔ̀ aa plɔ blea. Mɛ̌oǒ joo nɛ̀ moo a ji ɛle ɛ̈ moo a kɔn noǎ ï nuu tɛɛ ï sìnʼǒ ii mǒ plě ï kɔn bi nee kmɔ̌ tǐ wùɛ mɔ̀.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:19

Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 5:11

Aa chɛ̀ a ji ili, u poě kpě ǔ nyna uu sònwɛ jejeɛ̌ jebo, ii tè ä slèe kekɛɛ u ngmna nyo. È aa chɛ̀ a wɛ̌n dɛ kpalaa tùɔn no keǒ Jòǒbo mɔ̀, ke ɔ nuaa wlò dbadbǎ konkɔn keǒ ɔɔ sònwɛ jejeɛ̌ɛ noǎ wùɛ slè. Koɔn kɔn wɔle plě Ɔ̌ nu kàan, ii tè a jě ɛ klě demǒ bɔɔ̌ tǐ wlòmo Ɔ poa Jòǒbo ngmna mɔ̀.

2 Pitɛ̌ 2:9

Uu wùɛǒ nù moo jboo dɛ ü tee ɛ ke Koɔn Nyesoa nii nyopòà moo Ɔɔ nyopò gblàgbla klě měne tèntɛn slè plě klee ke Ɔ niǒo se jebo siǐn nyoo plɔ tu kɛn bo maěa ɛ mǐ ɛɛ kpa kpa ɛ mǐi blilǐ tù chnɛ̀ jlǒ waě kɛn jɛɛ le.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’