Jìmǐse 1:19 - Nyesoaa Kuo Win Jajle

¹⁹ Ně kàan bǐì Tentǎn Jǔu wǎn ane, ba kɔn lɛ jijiɛ nyu wùɛɛ nɔkǔ bɛ wlewlě le keǒ bɛ wɔ̌n tè, kɛɛ bɔ chlìiǒ le plě ɔ mǐ tè boɔ, bɔ chlìiǒ le plě ɔ mǐ jlo po.

Jìmǐse 1:19 ပူးပေါင်းရင်းမြစ်များ

Matiɔ̌n 5:22

kɛɛ Ě tmɛɛ̌ ane, nyu wùɛ ɔ̈ mii nyu tɔ̀ɔ jlo pooba, Nyesoa mi ɔ tè jɛɛba. È nyu wùɛ ɔ̈ mii nyu tɔ̀ɔ boboɛ mǒ jěba, ɔ mi tè jɛɛa kɔnma keǒ tè tùla mǒ. È nyu wùɛ ɔ̈ mii nyu tɔ̀ɔ plɔ kokoɛ̌ɛ daeba, jǐlenymi na slè mumuɛ nɛ̀ poo ɔ jeja.

Mǎkè 12:37

Bɛ̌ nu Dèběsee chɛ̀ bɔ̌ ke Tentǎn Jǔ Koɔn dɛɛ le, è ke Ɔ nuǔ kɛ ɔɔ jlǔu Jǔ tùtuɛ sosǒ?” Tà diblɛ̌ǒ neaǒo tùɔnʼǒ kɛn u pea Lɔɔ win nɔkǔ jebo, uu plɛ bloa le.

Mǎkè 2:2

è nyopò fòfoa wɛ̀a de, ii tè fɔ̌ seaě koǔǒ wlòmo ne plě kwɛɛaě snǔ fòɛ mɔ̀ bo bò jɛa wànwie nyopò jǐaǒ le, è Jùsu boɛa u Nyesoaa tè je.

Lǔkù 15:1

Chnɛ̀ jlǒ waě tɛ̀ɛ mɔ̀ dlǒ wlě tɛ̌n nyo wùɛ klee kpni kukwǐ nyo tùu nù diaě Jùsu mɔ̀ ù pea Ɔɔ win nɔkǔ jebo.

Lǔkù 19:48

kɛɛ tà nyopò wùɛ u noɛɛa mǒ bu poa Ɔɔ win nɔkǔ jebo, ii tè uǔ jěa wakǎ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:15

Chnɛ̀ jlǒ waě tɛ̀ɛ mɔ̀ uu tàkpɔ̌ ɛ̈ blɛɛa tà wlèe m̀mɔdo mɔ̀ nù bòa le, è Pitɛ̌ nynana bo klě u slè, kě ɔ dɛ̌a ɔ je,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:33

Ii tè tǐi doo tǐ jleě kě Ě nu nyopò dbodbɛ klěè mɔ̀. Ɛ nu kàan dɛ è diě, klě tǐà wlòmo äa wùɛ Nyesoa jemǒà ä nynaà bo ä mǐ dɛ wùɛǒ Ɔ boɔ mòo je nɔkǔ jebo po.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:48

Tà kuodakwɛ̌ wɔ̌na imoo tèǒ, ùu plɛ bloa le ǔ pea Nyesoaa nynɛ̌ le keǒ Ɔɔ tuposàǒ mɔ̀. È nyopò wùɛà Nyesoa tbalaa keǒ kmɔ̌ sie fònfnoǒ mɔ̀ ü bu kɔn nɛɛ, ù poa tuposàǒ kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:11

Jùwɛ nyoǒ u jɛɛa lěe uu wlè knana je chɔɔ ɛ̌ sìnʼaǒ nyopòǒ nea lěe Tɛslonikà mǒ. U jlɛ̌a lɛ chɔɔ keǒ bu wɔ̌na tuposàǒ ɛ̈ kwɛɛaǒ Jùsu jleě mǒ bo, ii tè chnɛ̀ jlǒ waě wùɛ mɔ̀ u nea bo ǔ chěnʼa Nyesoaa win u mǐa ɛ ji tèǒ Pɔ̀ɔ̌ klee Salě boɛaa bǐ mooa kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:42

Klě tǐ fòfoa wlòmo u gbèa le ǔ pea Nyesoaa tuposà kpa nyoǒ uu teea nɔkǔ jebo. Tǐ wùɛ mɔ̀ u klee uu sɔ̌n ǔ beaǒ tàa do ǔ sɛ̀a Nyesoaa wɛ̀ ǔ dia Koɔnʼɔ wìti didi dɛ plě ǔ boɛaě Nyesoa mɔ̀ keǒ tàa do.

Ifisiɛ̌n 4:26

Bɛ̌ nu aa nyu bɔ̌ be jlo měne, ɔɔ̌ ni dɛ kukǔ wòje keǒ Nyesoaa win dɛ̌ɛ. (Ps 4.4) È aǎ pɛɛn jlo popoɛǒ bo

Ifisiɛ̌n 4:31

Aǎ kwɛn dɛ kukǔu kɛ̀ keǒ aa wlè jleě keǒ nyopò tùu mɔ̀. Bǎ ke jlo pe, aǎ se je kenkan ji. Aǎ ke jlo pe aǎ pnɛ̌ le plě aǎ cheɛɛ̌ nyopò tùu le. Aǎ fɛɛn nyu wùɛ.

Klasɔ̌n 3:15

Nyesoa Nɔ̀ dala amo a mǐaǒ tàa do ne klě ně bo wnawna mǒ wòje keǒ fǒo noǎa kplekplei nuu. Nɛ̀ kɔn tè nɛ bo ně bo wnawnaǒ Tentǎn Jǔ nye amoo bɛ blěǒ aa dlǒ le sìɛnsiɛn mɔ̀ kwa. A pe Ɔ tàto tǐ wùɛ mɔ̀.

Klasɔ̌n 3:8

Kɛɛ klě tǐà wlòmo a sàě imo noǎ taeǒ keǒ aa chɛ̀ jleě mǒ no, jà jlo popoɛ klee be jlo kukǔ měne sè je kenkan ji klee nyopò tùu jlaea. Pà kɛn popoɛ klee win kukwǐà nee tònwe biǐ diiǒ a wien

1 Tɛseloniǎ 2:13

È dɛ tɛ̀ɛ kɔn tè ä pee Nyesoa tàto de tǐ wùɛ mɔ̀ nɛ̀ moo, tà a wɔ̌naa tuposàà ä po amoo je ɛ̈ sɔn lěe Nyesoa mɔ̀ mǒ, a se ɛ jebo kme wòje win sɔn lěe tùonyopo mɔ̀ mǒ, kɛɛ sɛje a kmea i jebo ke i nee wòje Nyesoaa kàan win ï nii konkwa klě amoà poo kàan tè mǒ.

Jìmǐse 1:16

Ně kàan bǐì Tentǎn Jǔu wǎn ane, aa wlò ně gbee a mǒ keǒ tàǒ měne tèntɛn sonwɛǒ mǒo.

Jìmǐse 1:2

Ně bǐì Tentǎn Jǔu wǎn ane, bɛ̌ nu měne tèntɛnʼɛ doědoe bǐ bee aa jebo, ba nu ɛ bi wǒ je noǎà ï mi amoo chǒn nyema.

Jìmǐse 1:26

Bɛ̌ nu nyuà ɔ̈ kɔn lě ɛɛ wlò jleě ɛ̈ moo ɔ moo Nyesoa nyuò plě ɔ̈ɔ̌ tù ɔɔ chɛ̀ɛ boɔboɔ win jǐ mɔ̀, ɔ gbee ɔɔ chɛ̀ mǒ no, è ɔɔ Nyesoa wɛ̀ sèsaǒ ɛ moo flo.

Jìmǐse 2:1

Ně bǐì Tentǎn Jǔu wǎn ane, ɛ̈ kɔn amo moo kàan tè po nyo klě Jùsu Tentǎn Jǔ mǒ Ɔ̈ moo tè jǐ boǎ Koɔn, baǎ chlɛ̌ ɛ měne keǒ nyu wùɛ mɔ̀.

Jìmǐse 2:5

A po nɔkǔ bo ně kàan Tentǎn Jǔu wǎn ane, Nyesoa Nɔ̀ sà sònwɛ nyo ü neɔɔ kmɔ̌ mɔ̀ ɛ̈ di ɛɛ numa u mǐ tè wlò popoɛ jakǎ kɔn u mǐ Ɔɔ deplě kɔn ɛ̈à Ɔ peeěe nyopò wùɛ ü noɛɛ Ɔɔ mǒ.

Jìmǐse 3:10

Nyesoaa nynɛ̌ le popoɛ klee nyopò chlǒ mɔ̀ popoɛ kě i sonwɛě wunʼu doǒ wan mǒ. Ně bǐì Tentǎn Jǔu wǎn ane, ɛ se kɔn ɛ mǐ bò je ne.

Jìmǐse 4:11

Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

Jìmǐse 5:12

Ně bǐì Tentǎn Jǔu wǎn ane, è dɛ kɔn tè kmaa de nɛ̀ moo baǎ pe aa chɛ̀ win kɛn le keǒ jɔkɛn jleě mǒ klee keǒ kmɔ̌à jleě mǒ plě keǒ dɛ wùɛ jleě mǒ. Nɛ aa uuǔn bɛ moo uuǔn, è aa òooǒn bɛ moo òooǒn ɛ̈ di ɛɛ numa Nyesoa ně di a tè jɛɛ le.

Jìmǐse 5:19

Ně bǐì Tentǎn Jǔu wǎn ane, bɛ̌ nu aa nyuu do bɔ̌ sɔnʼǒ Nyesoaa kàan dɛà demǒ, nyu wùɛǒ mi ɔɔ de jaba,

1 Jɔ̀ɔ̌n 2:21

Ɛ se bo chleě a mɔ̀ ɛ̈ moo a se Nyesoaa kàan dɛ ji, kɛɛ a ji ɛle plě Ě jlɛ̌ ba ji ɛ ɛ̈ moo sen slě wɔ̀ bi neě kàan dɛǒ slè.