Jìmǐse 1:18 - Nyesoaa Kuo Win Jajle

¹⁸ È Ɔ nu ä Ɔɔ jlǔ mǒ klě Ɔɔ win wlòmo wòje ke Ɔ nu ɛɛ jlajlǎ ɛ̈ di ɛɛ numa ä mǒ noǎ wùɛ Ɔ nuaa ii klekle nyo klee kàan tù klě i slè.

Jìmǐse 1:18 ပူးပေါင်းရင်းမြစ်များ

Jɔ̀ɔ̌n 1:13

Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Wlǔmɔ 4:17

Kě ɛ nu chleěa klě Nyesoaa win wlòmo ɛ̈ moo, “Ě miì dakwɛ̌ fòfoaa gbeǐ mǒ numa.” (Gen 17.5) Eblɛ̌hɛ̀mo nɔ̀ moo äa gbeǐ klě Nyesoa jǐ kɛn. Eblɛ̌hɛ̀mo po Nyesoaa tè kàan tè Ɔ̈à nyu bɔ̌ kǒo Ɔ̈ jɛ lɔɔ de Ɔ̈ nye nɔɔ fònfno plě Ɔmo Nyesoaǒ Ɔ̈ boɛɛ wien noǎ wěe tàmo ǐ nee kmɔ̌ ïà se pnɔɔ kmɔ̌ ne.

1 Kwnɛtiɛ̌ 4:15

Tǐ tìi tà a mi tɔ̀n měne po nyo fòfoa kɔnma ü miǒ amoo mɔ̀ mǎma keǒ ba naa Tentǎn Jǔ de, kɛɛ a se gbeǐpò fòfoa kɔn ü ja lɔ amoo wowa dɛɔ slè. Tà Ě poa amoo Nyesoaa kàan tuposàà je, è mǒ Tentǎn Jǔ Jùsu nu aa gbeǐ mǒ.

2 Kwnɛtiɛ̌ 6:7

Äǎ tmɔ̌ sen plě ä blě Nyesoaa kpě. Jebo siǐn kmɔ̌à ä nee nɛ̀ nu ɛ ä wɔ̀ě ɛ keǒ bä

Ifisiɛ̌n 1:12

ɛ̈ di ɛɛ numa ämoà mooa klekle ü kuunʼaa Tentǎn Jǔ wlò je ä mǐ Nyesoaa nynɛ̌ le po keǒ Ɔɔ tè jǐ boaboǎ Ɔ kɔnʼɔ mɔ̀.

Ifisiɛ̌n 1:13

Tè wlò popoɛ klě Tentǎn Jǔ mǒ ɛɛ doǒ nɛ̀ ɛ mono keǒ a mɔ̀. Tà a wɔ̌nʼɔ kàan tuposàǒ ɛ̈ kwɛɛǒo Tentǎn Jǔ jleě mǒ bo ɛ̈ boɔɔ aa gblàgbla tè kɛn, a po Ɔɔ tè kàan tè plě Ngmà Je Ne Sùsu nu a Nyesoaa nyopò mǒ Ɛ̈ Ɔ peea lěe keǒ Bɔ nyea Nɔɔ nyopò.

2 Timɛtě 2:15

Poě kbě, nu dɛǒ wɔ̀lee nunuɛ ɛ̈ di ɛɛ numa Nyesoa mǐì kòo kɛn poo lo wòje konkwa nuɔ ɔ̈ see dɛ jě ɛ̈ kɔn tè ɔ mǐi tònwe pe. Tee Nyesoaa kàan winʼà teěn teěn.

Hiblǔ 12:23

A diɔ Nyesoaa Nyǐsajuà Ɔɔ wǎn slè ü kɔn nyneǎ chleě lee klě jɔkɛn. A diɔ Nyesoa mɔ̀ Ɔ̈ monoo Tè Tùɔ̌ keǒ tùonyopo wùɛ mɔ̀. A diɔ jebo siǐn nyoo sìsi mɔ̀ ü Nyesoa snǎ lěe mɔ̀le kpǎkpǎ.

Jìmǐse 1:15

È ɔɔ dɛ kukǔ chlàchla dɛǒ ɛ̈ neěe ɔɔ wlò jleě bɛ̌ neě ne ne, ɛɛ dlǒ chlàchla moo kpni kukwǐ, è kpni kukwǐ bǐ neǒ ne ne, ii dlǒ chlàchla moo kokoɛ̌.

Jìmǐse 1:21

Tèǒ nì kɔn tè baǎ kwɛn wlò boabuǔ klee baǎ ni noǎ kukwǐ wùɛ. A tìe aa chɛ̀ ja keǒ Nyesoa mɔ̀ plě a kme Ɔɔ winʼǒ bo ï Ɔ po lě amoo wlò jleě ï wɔ̀le je bï wa amoo klě aa kpni kukwǐi plɔɔ tu kɛn bo maěa bobo.

Jìmǐse 3:14

Kɛɛ bɛ̌ nu bo jǐlenymi chea bɛ̌ neě a mǒ plě aa wlè bǐ kenkě kɛn le, baǎ kwin kɛn le ɛ̈ moo a kɔn tɔ̀n keǒ ale sen le tmɔtmɔ̌ mɔ̀.

1 Pitɛ̌ 1:23

Mɛ̌oǒ joo nɛ̀ moo kmɔ̌ sie Nyesoaa winʼà nì nu amo ǎ tù kmɔ̌ jajlo wlò le. Aa Gbeǐ jajloǒ Ɔ̈ moo Nyesoa Ɔ se kǒba mu wòje keǒ aa kmɔ̌ mɔ̀ gbeǐpòo ka nee je.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

1 Jɔ̀ɔ̌n 3:9

Nyu wùɛà Nyesoa nu Ɔɔ jǔ mǒ ɔɔ̌ nu kpni kukwǐ. Mɛ̌oǒ joo nɛ̀ moo Nyesoaa Sùsu Nɛ̀ neě nyuǒ ja. È ke ɛ toon jleě mǒ bo Nyesoa moo ɔɔ Gbeǐ, ɔ slě wɔ̀ ɔ mǐ kpni kukwǐ nu.

Wlɛ̀velesɔ̌n 14:4

Klě u slè ɛ kɔna jbɛjlu nea lěe ü sěɛlǎa nyne tè ji plě ü sěɛlǎ uu kmɔ̌ jǐlenymii ni keǒ bu nu wlawle, nù nɛa Blajǔǒ de tà wùɛ Ɔ miǒo muma. Nù u sàlaě uu bǐìǒ slè ü gblàea bü mooa klekle nyo bü jɛɛa Nyesoa klee Blajǔǒ kɛn.