Jìmǐse 1:12 - Nyesoaa Kuo Win Jajle

¹² È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

Jìmǐse 1:12 ပူးပေါင်းရင်းမြစ်များ

Matiɔ̌n 10:22

plě nyopò wùɛ miǎ a faenma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 25:34

È kě Klɔ̀baǒ Ɔ miǎ nyopòǒ neɔɔ dilǎ son mɔ̀ je dǎba, ‘Amoà amo Ně Gbeǐ po ngmna mɔ̀, a diě a mǐ jɔkɛn deplěà kɔn ɛ̈ Nyesoa wɔ̀ɔ mɔ̀le keǒ a mɔ̀ sɔɔnʼě kmɔ̌à ɛɛ wlò tùla mǒ.

Lǔkù 6:22

Bɛ̌ nu bo nyopò bǔ faen amo klee bǔ ke a jleě mɔ̀ sɛ̀ klee bǔ ke aa tè je bɛtɛ̌ɛ le klee bǔ nu wiěn a moo nye kukwǐ keǒ Jbɛjuu Jǔà Ɔɔ tè mɔ̀, a kɔn ngmna.

Wlǔmɔ 5:4

Ɛɛ jebo nynanynaǒ nɛ̀ ni ɛ Nyesoa poo ä kòo kɛn plě Bɔ poo ä kòo kɛn ɛ nye ä wlò je kunkuɛn klě Ɔ mǒ.

Wlǔmɔ 8:28

Ä ji ɛle ɛ̈ moo klě dɛ wùɛ mǒ Nyesoaa Sùsu mɛ̌ǒ nyopòǒ mɔ̀ ü noɛɛ Ɔɔ mǒ ɛ̈ di ɛɛ numa kàan dɛ miě dɛ wùɛǒ wlòmo sɔn keǒ nyopòǒ mɔ̀ ü Ɔ daa bü na Nɔɔ de wòje ke Ɔ nua ɛɛ ble popoɛ bu nuaa.

1 Kwnɛtiɛ̌ 2:9

Tɔ̀nʼà nɛ̀ kɔn tè ä boɛ wòje ke ɛ nuu chleěa klě Nyesoaa win wlòmo ɛ̈ moo, “Noǎà Nyesoa wɔ̀ɔ mɔ̀ keǒ nyopòà noɛɛ Ɔɔ mǒ mɔ̀, jleě sěɛlǎ i jě plě nɔkǔ sěɛlǎ i wɛ̌n plě dlǒ le sìɛnsiɛn sěɛlǎ i kwlǎ mǒ sɛ̀.” (Is 64.4)

1 Kwnɛtiɛ̌ 8:3

Kɛɛ bɛ̌ nu nyu bɔ̌ noɛɛ Nyesoa mǒ, Nyesoa ji ɔlo.

1 Kwnɛtiɛ̌ 9:25

Nyu wùɛ ɔ̈ monoo jǎgbàiple ɔ peě kbě ɔ̌ chěn gbàe wònwɔn ɛ̈ di ɛɛ numa ɔ mǐ duduɛ kɔn. Bɛ̌ nu bɔ̌ du u nye ɔ dudu flɛ̌ ɛ̈ see wlɛ̀ɛba mu, kɛɛ ämoà dɛ ä wɛ̀ɛn nee kɛn nɛ̀ moo duduɛ ɛ̈ see bo wèwɛ kɔn.

2 Timɛtě 2:15

Poě kbě, nu dɛǒ wɔ̀lee nunuɛ ɛ̈ di ɛɛ numa Nyesoa mǐì kòo kɛn poo lo wòje konkwa nuɔ ɔ̈ see dɛ jě ɛ̈ kɔn tè ɔ mǐi tònwe pe. Tee Nyesoaa kàan winʼà teěn teěn.

2 Timɛtě 4:8

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.

Hiblǔ 10:32

Bi beě a wlòmo ke ɛ nua pnɔɔ tǐǒ jleě a jěaa Nyesoaa pepěǒ. A sukua ǎ jěa sònwɛ fòfoa plě ǎ nynana i jebo keǒ aa tè wlò popoɛ a kɔnʼɔ klě Tentǎn Jǔ mǒ.

Hiblǔ 11:17

Tà Nyesoa tɛ̀naa Eblɛ̌hɛ̀mo mǒ, ɛ mooa tè wlò popoɛǒ ɔ kɔnaa ɛɛ tè, nɛ̀ kɔn tè ɔ nyeea ɔɔ jǔ Aesěè bɔ mooa chɔ̀no keǒ Nyesoa mɔ̀. Eblɛ̌hɛ̀mo wɛ̀a mɔ̀le keǒ bɔ nua ɔɔ jǔ Aesěè chɔ̀no mǒ. Kàan tè Nyesoa peeaě ɛ ɔ̀ lo

Hiblǔ 12:5

Nyesoaa wlò wlòmo ble tù winʼà Ɔ boɔ kɛ amoo je a snù ii tè le kpǎkpǎ le amoà moo Ɔɔ jlǔ? Ɔ je, “Ně jǔ, bɛ̌ nu Boǒ klěè le sɛ̀, nè jɛɛ ɛ jleě dlǒ měne plě ɛɛ̌ pe nè wlò wɔ̀ɔn Boǒ keè jǐ měne pnɛɛ̌ ne.

Hiblǔ 6:15

Tà Eblɛ̌hɛ̀mo dbǎlaa wlò ɔ foa lɛɛ kɛn mǒ, è ɔ jěa dɛǒ Nyesoa peeaě ɔɔ lo.

Jìmǐse 2:5

A po nɔkǔ bo ně kàan Tentǎn Jǔu wǎn ane, Nyesoa Nɔ̀ sà sònwɛ nyo ü neɔɔ kmɔ̌ mɔ̀ ɛ̈ di ɛɛ numa u mǐ tè wlò popoɛ jakǎ kɔn u mǐ Ɔɔ deplě kɔn ɛ̈à Ɔ peeěe nyopò wùɛ ü noɛɛ Ɔɔ mǒ.

Jìmǐse 5:11

Aa chɛ̀ a ji ili, u poě kpě ǔ nyna uu sònwɛ jejeɛ̌ jebo, ii tè ä slèe kekɛɛ u ngmna nyo. È aa chɛ̀ a wɛ̌n dɛ kpalaa tùɔn no keǒ Jòǒbo mɔ̀, ke ɔ nuaa wlò dbadbǎ konkɔn keǒ ɔɔ sònwɛ jejeɛ̌ɛ noǎ wùɛ slè. Koɔn kɔn wɔle plě Ɔ̌ nu kàan, ii tè a jě ɛ klě demǒ bɔɔ̌ tǐ wlòmo Ɔ poa Jòǒbo ngmna mɔ̀.

1 Pitɛ̌ 3:14

Bɛ̌ nu bǎ kɔn ba jě sònwɛɛ chɛ̀ keǒ mǒ slɛɛ̌ dɛɛ tè mɔ̀, a kɔn ngmna. Aǎ pe fano plě uu tè bi bɔ̌ a feanfeǒ tùtuɛ.

1 Pitɛ̌ 4:13

Kɛɛ bɛ nuu a chǒn keǒ ba di sònwɛ jě wòje keǒ Tentǎn Jǔ nuaa. È bo Tentǎn Jǔ Bɔ̌ tbaeǎ je, a miǎ Ɔɔ tè jǐ boaboǎ jěba a miǎ chǒn le nu chɔɔ.

1 Pitɛ̌ 4:14

Tà a poo Tentǎn Jǔu nynɛ̌ɛ tè kàan tè, ii tè bǔ ke a sadoě tùi, a kɔn ngmna. Mɛ̌oǒ joo nɛ̀ moo ɛ sɛ̀n nynɛ̌ Nyesoaa tè jǐ boǎ Sùsuǒ Nɛ̀ǒ neě a ja.

1 Pitɛ̌ 5:10

Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ tǐ wùɛ mɔ̀ plě Ɔ̌ da amo klě Ɔɔ kmɔ̌ sie tè jǐ boaboǎǒ slè ɛ̈ diiě aa tè wlò popoɛ a kɔnʼɔ mǒ klě Tentǎn Jǔ mǒ. Ii tè bɛ̌ nu bǎ jě sònwɛ klě tǐ gbei wlòmo bɛ̌ sìn, Nɔ̀ mi a jemǒ dǔba klee Nɔ̀ mi a kbě ja le poba plě Ɔ miǒ a mɔ̀ mǎma.

1 Pitɛ̌ 5:4

È bɛ̌ nu Tentǎn Jǔ Ɔ̈ moo Jǐ Mɔ̀ Tùɔ̌ fòɛ Bɔ̌ diǎ lě, Ɔ miǎ a tè jǐ boaboǎ nyema ɛ̈ mooǎ snǒ sàe dɛ ɛ̈ see sìnsiɛn kɔn.

1 Jɔ̀ɔ̌n 4:19

Nyesoa Nɔ̀ moo klekle Ɔ noɛɛ ä mǒ, ii tè bä noɛɛ Ɔ mǒ.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 3:19

Nyopòà Ě noɛɛ nee mǒ nù Ě peě snǔ mɔ̀le plě Ě sɛ̀ě le. Tèǒ nì kɔn tè a sɛ̀n ɛ nynɛ̌, a bitǐ aa wlè bo.

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’