Jìmǐse 1:1 - Nyesoaa Kuo Win Jajle

¹ Mǒ Jìmǐseà chlě chněedɛ̌à ɔ̈ monoo na wien po nyebajlo keǒ Koɔn Jùsu Tentǎn Jǔ klee Nyesoa mɔ̀. Wan le gbògba nɛ̀ Ě dbe klě amo Ǐsòwɛ̌ kwɛɛn dakwɛ̌ dlěe pù tùo sɔ̌n mɔ̀ ü gbɛ̀tɛɛ blě kɛn le.

Jìmǐse 1:1 ပူးပေါင်းရင်းမြစ်များ

Matiɔ̌n 10:3

klee Felɔ̌ klee Batalòmi klee Tɔmɔ̌se klee Matiɔ̌n ɔ̈ mooaa dlǒ wlě tɛ̌n nyu klee Jìmǐse ɔ̈ moo Afiasèe jǔ klee Lebaesè ɔ̈ kɔn mɔ̀le bɛ̌ nynɛ̌ mooa Tadià

Matiɔ̌n 13:55

Deě ɛ se kɛ chamǔdɛ̀ɛ Jǔà Ɔ̈ kɔn naǎ monoo Mɛwlě? Plě Ɔɔ mamǔpò wùɛ a ji ulu, Jìmǐse klee Jòsɛ̌fo klee Saemɔ̌ plě Jùdǎse.

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Mǎkè 3:18

è Andlǔ klee Felɔ̌ klee Batalòmi klee Matiɔ̌n klee Tɔmɔ̌se klee Jìmǐse ɔ̈ mooa Afiasèe jǔ, è Tadià klee Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ,

Lǔkù 22:30

a klee Mǒ ä miǎ dɛ di ä miǎǒ tàa do naě ne keǒ dɛ di fuo kɛn klě Ně Gbeǐi deplě slè, a miǎǒ klɔ̀ba gbèsɛi kɛn ble ne, a mǐa Ǐsòwɛ̌ kwɛɛn dakwɛ̌ dlěe pù tùo sɔ̌n win kwa kɔn.”

Lǔkù 6:15

Matiɔ̌n klee Tɔmɔ̌se klee Jìmǐse ɔ̈ moo Afiasèe jǔ plě Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ klee

Jɔ̀ɔ̌n 12:26

Bɛ̌ nu nyu wùɛ bɔ̌ keě konkwa mɔ̀ nii ni, ɔ kɔn bɔ naǎ de ɛ̈ di ɛɛ numa tà Ě neěe ɔ miǎ lě ne. Ně Gbeǐ miǎǒ nyuǒ ɔ̈ nii Mǒo konkwa mɔ̀ tùtuɛ nyema.”

Jɔ̀ɔ̌n 7:35

È kě Jùwɛ nyoo nyefòapo nia wan le gbògbaea u je, “È tà Ɔ wɛ̀ɛ kɛ mɔ̀le Bɔ muǔ ä seě Lɔ jěba mu? Deě Ɔ mi kɛ lě kuodakwɛ̌ɛ deě fòe kɛn muma tà äa nyopòo tìe neěe Ɔ mǐ kɛ Nyesoaa win tee lee?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:13

Tà u palaa dǐa, u muaě koǔ ja klě blòǒ kɔn wlòmo u nea lěe. Uu wùɛǒ nea lěe blòǒ wlòmo nyopò neaě uu slè ke nùà, Pitɛ̌ klee Jɔ̀ɔ̌n klee Jìmǐse klee Andlǔ klee Felɔ̌ klee Tɔmɔ̌se klee Batalòmi klee Matiɔ̌n klee Jìmǐse tɔ̀ɔ ɔ̈ monoo Afiasèe jbɛjuju, è Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ plě Jùdǎse ɔ̈ mooa Jìmǐse tɔ̀ɔ jbɛjuju.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:17

È ɔ poa u son je ɔ je bu poa kpee ɔ̌ sèsaea u wlòmo ke Koɔn nuaě ɔɔ wùlo sèsa. Tà ɛmoǒ ɛ sìnʼaa, è kě ɔ dɛ̌a ɔ je, “A mu, a tmɔɔ̌ Jìmǐse klee Tentǎn Jǔu wǎn tùuǒ,” è nɔ̀ǒ sɔna mǒ ɔ̈ muaě tà tɔ̀ɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:13

Tà u wɔ̀laa boɔboɔ mɔ̀, è kě Jìmǐse dɛ̌a ɔ je, “Ně bǐì Tentǎn Jǔu wǎn ane, a poǒ nɔkǔ jebo,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:21

Imo noǎǒ nì moo kpě ï kɔn tè Mɔ̀sě chleěa kɛn plě è nì kɔn tè boɛɛ le klě diě wùɛ wlòmo plě ï slèe le klě Nyesoaa defɛ chnɛ̀ jlǒ waě wùɛ wlòmo klě Jùwɛ nyoo Nyesoa keǐ bo ble le sɔɔnʼě seela tǐ jleě mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:23

U chlěa chněedɛ̌ nɛ̀ u nyea nu, kě ɛɛ win dɛ̌a i je, “Ämoà moo tuposà kpa nyo klee Tentǎn Jǔu wǎnʼa bòlibo plě Tentǎn Jǔu wǎn wùɛ ä dbo wan le gbògba klě amo kuodakwɛ̌ mɔ̀ ü neěe Ɛntìa diě wlòmo klee Siwlìa klee Selesìa wakě kɛn ü monoo Tentǎn Jǔu wǎn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:5

Klě tǐǒ wlòmo ɛ kɔna sèn bo mǎ Jùwɛ Nyesoa nyo ü nea lěe Jlǔsnɛ ü sɔnaa dakwɛ̌ wùɛ mɔ̀ měne kělɔ kmɔ̌ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:18

Tà chnɛ̀ tɛ̀ɛ gbàlaa le Pɔ̀ɔ̌ klee ämo ä mua Jìmǐse jebo chèba, Tentǎn Jǔu wǎnʼa bòlibo wùɛ u nea kɛn tùɔn ke.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:26

“Mǒà monoo Klɔdìɔ Lasiasè, Ě dbo wan le gbògba klě mò nyefòɛ Felesè mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:7

Ɛmo pee dɛɛ doǒ nɛ̀ Ǐsòwɛ̌ kwɛɛn dakwɛ̌ dlěe pù tùo sɔ̌n wùɛà ü sɛ̀ɛ Nyesoaa wɛ̀ tǒn klee chnɛ̀ uu wlò je kunkuɛn je bɛ̈ jaěǒ. Blǒo dlǒ le wlaeɔ̌ò, ɛmo wlò je kuuanʼà nɛ̀ kɔn tèà Jùwɛ nyoo nyefòapo wǒǒ le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:1

Sɔ̀ɔ̌ pooa Stimǐi dbadbǎǒ kòo kɛn. Klě ɛmo chnɛ̀ jlǒ waěe doǒ wlòmo Nyesoa nyoo tè mɔ̀ tèteɛ fòɛ nɛ̀ bea blǒ mǒ klě Jlǔsnɛ, ii tè Tentǎn Jǔu wǎn wùɛ u gbɛ̀tɛɛa blě wakěǒ moo Jùdǐa klee Sìmɛ̌lia kɛn le, ɛ̀ sìnʼǒ Nyesoaa tuposà kpa nyoo do nù siaě diěǒ wlòmo.

Wlǔmɔ 1:1

Mǒ Pɔ̀ɔ̌à chlě chněedɛ̌à ɔ̈ moo Tentǎn Jǔ Jùsuu nyebajlo. Nyesoaa chɛ̀ Nɔ̀ da mǒ bo moo Ɔɔ tuposà kpa nyu Ɔ̌ sà mǒ keǒ bo po Ɔɔ kàan tuposà

Kalesiɛ̌n 1:19

Ě sea Nyesoaa tuposà kpa nyo tùuǒ u nyuu doo chɛ̀ jě, ɛ̀ sìnʼaǒ Jìmǐse ɔ̈ moo äa Koɔnʼɔ mamǔ jbɛju.

Kalesiɛ̌n 2:12

Pitɛ̌ klee kuodakwɛ̌ Tentǎn Jǔu wǎn diia pnɔǒ tàa do dɛ, kɛɛ tà ɔ jěa ɔɔ bǐì Jùwɛ nyo ü Jìmǐse dboaa u dia lěe, ɔ̀ sàlaě ɔɔ chɛ̀ dɔ̌ ɔ̌ bɔ̌aě u slè dɛ diia. Mɛ̌oǒ joo nɛ̀ moo ɔ pea Jùwɛ nyoǒ ü mooa Tentǎn Jǔu wǎn uu fano ü neaě ɛɛ demǒ bo kuodakwɛ̌ Tentǎn Jǔu wǎn bu bɛ̌ɛ foeě.

Kalesiɛ̌n 2:9

Jìmǐse klee Pitɛ̌ klee Jɔ̀ɔ̌n üà sɛje ü je ü monoo konkwaà ɛɛ je si nyo klě ɛmo tà lě, u jbo ɛ le ɛ̈ moo Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒǒ mɔ̀ Ɔ̌ nyeě konkwa taeà, ii tè u tǒa mǒ klee Banàbɔ kwa ɛ mǐa ɛ tee le ɛ̈ moo u wɔɔnʼa ɛ kɛn keǒ ämoà bä po tuposàǒ klě kuodakwɛ̌ mɔ̀, è umoǒ nù bü po ɛ klě Jùwɛ nyo mɔ̀.

Flepiɛ̌n 1:1

Mǒ Pɔ̀ɔ̌ klee Timɛtěà chlě chněedɛ̌à ü moo Tentǎn Jǔ Jùsuu nyebajle, ä chleě amo Nyesoa nyo wùɛ mɔ̀ ü klee Tentǎn Jǔ Jùsu monoo dɛɛ do ü neěe dě fòɛǒ monoo Flepà wlòmo, jà uu Nyesoaa tè boɔ nyo klee nyopò mǎ uu dbo.

2 Timɛtě 4:21

Tɛ̀n ɛ mǒ mìɔɔ̌ mɔ̀ di plě wìtaa tǐ miǒ nyni. Ublɔsě klee Pudɛ̀n klee Laenɔ̌ klee Klɔdìa plě klee Tentǎn Jǔu wǎn tùu wùɛ ü neɔɔ u gbà a wan le.

Taetɔ̌ 1:1

Mǒ Pɔ̀ɔ̌à chlě chněedɛ̌à ɔ̈ monoo Nyesoaa na wien po nyebajlo klee Tentǎn Jǔ Jùsuu tuposà kpa nyu keǒ bo jaɔ nyopòà Nyesoa tbaa tè wlò popoɛ mɔ̀. Ě tee u Nyesoaa kàan tè měne jijiɛ ɛ̈ nii nyu ɔ̌ nii Nyesoa dɛ.

1 Pitɛ̌ 1:1

Mǒ Pitɛ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu, Ě chleě ɛ amo Nyesoaa nyopò mɔ̀ ü Ɔ sà lěe ü nee kmɔ̌ wòje dakpě ü gbɛ̀tɛɛ lee blěe wakě wùɛ kɛn le, jà Pɔntɔ̀ klee Kalesìa klee Kapodosìa klee Esìa klee Betimiǎ wakě wùɛǒ.

2 Pitɛ̌ 1:1

Mǒ Saemɔ̌ Pitɛ̌à chlě chněedɛ̌à ɔ̈ monoo na wien po nyebajlo klee Jùsu Tentǎn Jǔu tuposà kpa nyu, Ě chleě ɛ amo nyopòà mɔ̀ ü kɔnʼɔ kàan tè wlò popoɛɛ doà ä kɔnʼɔ ɛ̈ sɔn lěe jebo siǐn Nyesoa mɔ̀ mǒ klee äa Wowa Nyu Jùsu Tentǎn Jǔ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:1

Mǒ Jùǔà chlě chněedɛ̌à ɔ̈ moo Jùsu Tentǎn Jǔu na wien po nyebajlo plě ɔ̈ moo Jìmǐsee mamǔ jbɛju, Ě chleě ɛ amoà mɔ̀ ü äa Gbeǐ Nyesoa daa plě Ɔ noɛɛ mǒo plě ü Jùsu Tentǎn Jǔ tùii jǐ mɔ̀.

Wlɛ̀velesɔ̌n 7:4

Ě wɔ̌na dɛà ɛ̈ moo nyopòo taslěwɛɛ wlèe nyiɛta tùo hɛ̀n (144,000) ü sɔnaa Ǐsòwɛ̌ dakwɛ̌ wùɛ mɔ̀ měne nù Nyesoaa sluu mǎna kɛn ble.