Jɔ̀ɔ̌n 9:7 - Nyesoaa Kuo Win Jajle

⁷ È Ɔ tmɔɔ̌a nɔ Ɔ je, “Muě pnèe wulǒǒ moo Saloòn mɔ̀, mì jǐ měne jla.” Saloòn ɛ sɛ̀n nynɛ̌ Dbodbɛ. Ii tè jbɛjuǒ ɔ̌ mua lě ɔ̌ jlala jǐ měne, è nɔ̀ǒ kɔn jǐ bɛ̌a ɔ̌ muaě koǔ bo.

Jɔ̀ɔ̌n 9:7 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Lǔkù 13:4

È tàii pù tùo nnyɛɛ̀ǒ nea lěe Saloòn diě wlòmo ü ja tmɔ kǎ fòɛǒ nea lěe ɛ tòaea dlǒ ü kǒaa, aa wlò je ɛmo dɛǒ ɛ sɛ̀nʼa kɛ nynɛ̌ uu kpni kukwǐ sìnʼaǒ nyopò tùuǒ nea lěe Jlǔsnɛ mǒ no le?

Lǔkù 2:32

Nɔ̀ moo Pepě Ɔ̈ mi Nè kɛn wɔɔn dɛ tàmo sàba keǒ kuodakwɛ̌ mɔ̀ plě Nɔ̀ miě tè jǐ boaboǎ jaba keǒ Nè nyopò Ǐsòwɛ̌ kwɛɛn mɔ̀.”

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 11:37

Kɛɛ kě uu tìe dɛ̌a u je, “Ɔ knɛ dodɔ nyoo jǐ, bɛ̌ nu Bɔ̌ diia lě pase, aa wlò je Ɔ see kɛ lě wɔ̀ Bɔ nuu ɛ Làesɔ̌ ně dii kǒ ke le?”

Jɔ̀ɔ̌n 9:11

Ɔ tùia u kɛ̀ɛn ɔ je, “Jbɛju tɔ̀ɔ Ɔ̈ kɔn nynɛ̌ moo Jùsu Nɔ̀ nu plà nɛ̀ Ɔ tliǒǒ jǐ kɛn le Ɔ̌ tmɔɔ̌ mǒ bo muě pnèe wulǒǒ moo Saloòn mɔ̀ bo jla jǐ měne, ii tè tà Ě muu Ě jlaa je le, è mǒǒ jě le.”

Jɔ̀ɔ̌n 9:39

È kě Jùsu dɛ̌a Ɔ je, “Ě diɔ kmɔ̌ɔ mɔ̀ Ě mǐ uu blilǐ tù, dɛǒ nɛ̀ mi ɛ numa nyopòà dɔɔ u miě ɛ wɔ̀ u mǐ le jě, è nyopòà je u jěe le u mǐ dɔ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:18

mì uu jǐ kna, mì u bo dawlǎ mìě u kwijlě slè sà, mìɔ u pepě mǒ ja plě mìě u Setɛ̀nʼɛ kpě bobo sà ɔ̈ monoo sìsi kukwǐi klɔ̀ba, mìɔ u Nyesoa mɔ̀ ja ɛ̈ di ɛɛ numa u mǐ tè wlò popoɛ kɔn klěě mǒ. Klě ɛmo dɛǒ mǒ uu kpni kukwǐi tè mǐ wlò le poo lo u mǐ tùɔn kɔn klě nyopòǒ Nyesoa nuu jebo siǐn nyo mǒ slè.’

Wlǔmɔ 8:3

Teteǎ seaě wɔ̀ bi nyea ä kmɔ̌ sie fònfno. Mɛ̌oǒ joo nɛ̀ moo äa tùonyu kmɔ̌à ɛ seaě wɔ̀ bɛ tùaǒ i bo. Tèǒ nì kɔn tè Nyesoa dbo Ɔɔ Jǔu do kělɔ kmɔ̌ɔ mɔ̀ Ɔ̌ poě Ɔ blǒ fǒo tǔn wlòmo wòje keà äa kpni kukwǐi blǒ fǒà ɛɛ ka nee je ɛ̈ di ɛɛ numa Ɔ mǐ chɔ̀no tù keǒ dɛ kukǔ mɔ̀, dɛǒ nɛ̀ kɔn mǒ Nyesoa sùeeě dɛ kukǔ gbè

Kalesiɛ̌n 4:4

Kɛɛ tà tɛɛ tǐ nyniaǒo, Nyesoa dboa Ɔɔ Jǔ. Nynɔ nɔ̀ kmàea Nɔ plě Ɔmo Jǔǒ Ɔ̌ tùiaǒ Nyesoaa teteǎ ble kpǎkpǎ