Jɔ̀ɔ̌n 9:34 - Nyesoaa Kuo Win Jajle

³⁴ Tà ɔ boɔaa dɛǒ, u tùa ɔ kɛ̀ɛn u je, “Mòà kɔɔnʼě kpni kukwǐ slè plě è kuunʼě ii slè, è mò jlɛ̌ bɔ tee kɛ ämo le?” È nɔ̀ǒ u sàlaě Nyesoa koǔ bo.

Jɔ̀ɔ̌n 9:34 ပူးပေါင်းရင်းမြစ်များ

Lǔkù 11:45

È teteǎ tee nyuu do tùa Jùsu kɛ̀ɛn ɔ je, “Tee Nyu, winʼǒ bòɛɛ Fɛlesǐi wǎn jleě měne ɛ wǒ je ämoǒ tbɛ̀ɛ wan měne ke.”

Lǔkù 14:11

Nyu wùɛ ɔ̈ mi ɔɔ chɛ̀ɛ tè kuɛnma chɔɔ nɔ̀ Nyesoa mi ja tìeba, è nyu wùɛ ɔ̈ mi ɔɔ chɛ̀ ja tìeba nɔ̀ kɔn tè mi kunma chɔɔ.”

Lǔkù 18:17

Kàan tè nìà Ě tmɛɛ̌ amo, nyu wùɛ ɔ̈ se ɔɔ chɛ̀ ja tìeba mu plě ɔ̈ se ɛɛ kɛn wɔɔnma mu keǒ Nyesoa Bɔ kɔn nɔɔ win kwa wòje keà jlǔ klɔkwlěà uu ka nee je, ɔ seǎě jɔkɛn mu kpe.”

Lǔkù 6:22

Bɛ̌ nu bo nyopò bǔ faen amo klee bǔ ke a jleě mɔ̀ sɛ̀ klee bǔ ke aa tè je bɛtɛ̌ɛ le klee bǔ nu wiěn a moo nye kukwǐ keǒ Jbɛjuu Jǔà Ɔɔ tè mɔ̀, a kɔn ngmna.

Jɔ̀ɔ̌n 6:37

Nyu wùɛ Ně Gbeǐ mi Mǒo nyema ɔ miɔɔ̌ mɔ̀ diba. È Ě seǎ nyu wùɛ mɔ̀le plù kpe ɔ̈ miɔ Mǒo mɔ̀ diba.

Jɔ̀ɔ̌n 8:41

Noǎ aa gbeǐ nii nì a ni.” È u tùa Ɔ kɛ̀ɛn u je, “Ä se gblà nynoo jlǔ! Äa Gbeǐi do ä kɔnʼɔ sosǒ Nɔ̀ moo Nyesoa!”

Jɔ̀ɔ̌n 9:2

Ɔɔ mɔ̀ cheěn nyo gbɛ̀a Ɔ wan u je, “Tee Nyu, mɔ kɔɔ̌n kɛ kpni kukwǐi tè jbɛjuà ɔ jaǎ dodɔ kmɔ̌, jbɛjuà kɛ le, deě ɔɔ naǎ klee gbeǐi tè?”

Jɔ̀ɔ̌n 9:22

Tè kɔn tè ɔɔ naǎ klee gbeǐ dɛ̌a bòo nɛ̀ moo u pea Jùwɛ nyoo nyefòapoo fano. Mɛ̌oǒ joo nɛ̀ moo u chlàla ɛle ɛ̈ moo nyu wùɛ ɔ̈ mi ɛɛ boɔba ɛ̈ moo Jùsu moo Tentǎn Jǔ u kɔn bu sàě ɔ Nyesoa koǔ bo.

Jɔ̀ɔ̌n 9:35

Tà Jùsu wɔ̌na nii ɛ̈ moo u sàlaě ɔmo jbɛjuǒ Nyesoa koǔ bo, Ɔ̀ pɔ̀nʼa ɔ le Ɔ̌ jěa lɔ Ɔ̌ gbàla ɔ wan Ɔ je, “Po kɛ Jbɛjuu Jǔu tè kàan tè le?”

Jɔ̀ɔ̌n 9:40

Fɛlesǐi wǎnʼa tìeǒ neaǒ Ɔɔ gbàa ü wɔ̌naa tèǒ Ɔ boɔaa, u gbàla Ɔ wan u je, “Mǎ! Ä dɔ kɛ le ke le?”

1 Kwnɛtiɛ̌ 5:13

Nyopòǒ slěe Tentǎn Jǔu wǎn slè ne Nyesoa mi uu blilǐ tùba. Ii tè kě Nyesoaa win dɛ̌ i je, “A kɔn ba sàě dɛ kukǔ nu nyoǒ aa chɛ̀ slè.” (Deut 17.7, 19.19, 22.2,24, 24.7)

Kalesiɛ̌n 2:15

Kàan tè ä moo Jùwɛ nyo ä se kuodakwɛ̌ kpni kukwǐ nyo. Ä se i kàan tè po ɛ̈ moo nyuu

Ifisiɛ̌n 2:3

Sɛjesɛ klě tǐǒ sìin wlòmo plě ä mǐa tè wlò popoɛ kɔn keǒ uu ka nee je kě äa wùɛ äa ka nea je. Noǎ kukwǐà äa kpni kukwǐ kmɔ̌ jlɛ̌ɛ nì ä kwɛa mɔ̀le ä nia dɛ wùɛ äa fǒ klee dlǒ le sìɛnsiɛn jlɛ̌ bä nuaa. Ɛmo kmɔ̌ taeǒ ä neaa, Nyesoaa plɔ tu kɛn bo maěa blɛɛa ä je wòje keǒ nyu wùɛɛ ka nee je.

1 Pitɛ̌ 5:5

Amo nyengmè, Ě gbɛ̀ɛ ɛ a wan keǒ ba tìeǒ aa chɛ̀ ja keǒ Tentǎn Jǔu wǎnʼa bòlibo mɔ̀, è ja tìetiɛ kmɔ̌ bɛ neě a slè. Mɛ̌oǒ joo nɛ̀ moo kě Nyesoaa win dɛ̌ i je, “Nyopòà jɛɛě uu chɛ̀ le, u moo Nyesoaa jlae nyo, kɛɛ Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ nyopòǒ mɔ̀ ü tìeǒ uu chɛ̀ ja.” (Prov 3.34)

3 Jɔ̀ɔ̌n 1:10

Tèǒ nì kɔn tè bɛ̌ nu bo diě, Ě mi Tentǎn Jǔu wǎnʼǒ tmɔɔ̌ma ɛ̈ kwɛɛǒo noǎ kukwǐǒ Daetlòfɔ nii jleě mǒ bo klee senʼǒ ɔ gbɛ̀tɛɛ lee le keǒ ä jleě mǒ. Dɛǒ ɔ nii ɛ se fò, ii tè bɛ̌ nu Nyesoa nyoà bǔ diě ɛmo tàě ɔɔ̌ kme u jebo plě ɔ̌ tmɛɛ̌ nyopòà jlɛ̌ bu kme uu jebo buǔ ni ɛ, ɔ̌ sɛ̀ě nyopòǒ ni ɛɛ Tentǎn Jǔu wǎn slè.

3 Jɔ̀ɔ̌n 1:9

Ě chleěa Tentǎn Jǔu wǎnʼǒ neěe mɔ̀, kɛɛ Daetlòfɔ ɔ̈ noɛɛ mǒ bɔ moo uu je si nyu ɔ seǎǎ nɔkǔ jebo poba mu.

Wlɛ̀velesɔ̌n 13:17

ɛ̈ di ɛɛ numa nyu wùɛ ɔɔ̌ dia dɛ plo plě ɔɔ̌ dia dɛ wùɛ tɔ̀n, ɛ̀ sìnʼǒ bɔ̌ kɔna nmiǒ ɔɔ nynɛ̌ plě bɔ̌ kɔna ɛɛ tìɛn ɛ̈ nynaǒ ɔɔ nynɛ̌ pènmo bo plě.