Jɔ̀ɔ̌n 9:3 - Nyesoaa Kuo Win Jajle

³ Jùsu tùa u kɛ̀ɛn Ɔ je, “Ɔɔ dodɔà ɛ se ɔɔ dɛ knǎa tè plě ɛ se ɔɔ naǎ klee gbeǐi dɛ knǎa tè ɔ se dodɔà kmɔ̌ ja. Kɛɛ Nyesoaa kpě nì mǒ konkwa nu klě ɔ mǒ nyopò mi ɛ jě u mǐ Nyesoaa kpě ji.

Jɔ̀ɔ̌n 9:3 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Jɔ̀ɔ̌n 11:4

Tà Ɔ wɔ̌na nii, è kě Ɔ dɛ̌a Ɔ je, “Kmakmaǒ ɛɛ dlǒ chlɛ̀chlɛ se Làesɔ̌ɔ kokoɛ̌ mooma mu, ɛmoǒ ɛ mi ɛ numa keǒ bɛ mǐ Nyesoa klee Ɔɔ Jǔ tè jǐ boaboǎ nye.”

Jɔ̀ɔ̌n 11:40

È Jùsu gbɛ̀a ɔ wan Ɔ je, “Ě see kɛ mò tmɔɔ̌ no ɛ̈ moo bɛ̌ nu bò po Ně tè kàan tè, mì Nyesoaa tè jǐ boaboǎ jěba le?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:4

Tà nyopòǒ kɔnaa blǒǒ u jěaa smɛǒ ɔ pɛ̀slɛɛaǒ Pɔ̀ɔ̌ɔ kweta jleě mǒ, è kě u dɛ̌a klě uu chɛ̀ slè u je, “Jbɛjuà ɔ kɔn bɔ moo mnùngma poɔ. Kàan tè kě jbǒ seae ɔ kpokpa, kɛɛ Nyesoa seǒ ɔ mɔ̀ mǒ sɔnma mu ɔ se kmɔ̌ nema mu.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:21

Tà u wɔ̀laě uu fano měne pooa mɔ̀, è nùǒ u tɛa bo. Uǔ jěa dɛ wùɛ bu nuaa u mǐaě uu plɔ tu kɛn bo maěa ne. Mɛ kɔɔ̌n tèǒ joo nɛ̀ moo nyopò wùɛ pea Nyesoaa nynɛ̌ le keǒ dɛǒ kpalaa tùɔn mɔ̀.

1 Jɔ̀ɔ̌n 4:16

Äa chɛ̀ ä ji ɛle plě ä po i kàan tè ɛ̈ moo Nyesoa noɛɛ ä mǒ no. Nyesoa Nɔ̀ moo mǒ noɛnoɛɛ Mǎ, è nyu wùɛà mii mǒ noɛnoɛ kmɔ̌ neema ɔ neeě Nyesoa mǒ plě Nyesoa neeě ɔ mǒ.

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.