Jɔ̀ɔ̌n 8:47 - Nyesoaa Kuo Win Jajle

⁴⁷ Nyesoaa jlǔ wɛ̌n tèǒ Nyesoa boɛɛ le. Kɛɛ a se Nyesoaa jlǔ, nɛ̀ kɔn tè aǎ po Ɔɔ win nɔkǔ jebo.”

Jɔ̀ɔ̌n 8:47 ပူးပေါင်းရင်းမြစ်များ

Jɔ̀ɔ̌n 12:48

Kɛɛ klě demǒ bɔɔ̌ chnɛ̀ jlǒ waě wlòmo tèà Ě boɛ amoo je nì miǎ a tè jɛɛba plě klee nyopòà ü sà lii jleě mɔ̀ plě ü se Něe winʼà kàan tè po.

Jɔ̀ɔ̌n 18:37

È Pàlɛ̌te gbàla Ɔ wan ɔ je, “Ii tè deě Mòo Klɔ̀ba?” È Ɔ tùa lɔ kɛ̀ɛn Ɔ je, “Nìǒ neěè wan ɛ̈ moo Ě moo Klɔ̀ba. Tèà nì kɔn tè Ě kɔɔn no Ě diɔ kmɔ̌ɔ mɔ̀ ɛ̈ di ɛɛ numa Ě mǐ kmɔ̌ɔ nyopò wlòmo sèsae le keǒ Nyesoaa kàan tè mɔ̀. Nyopò wùɛà kɔnʼǒo kàan dɛǒ wakǎ jleě mǒ, u pe Ně win nɔkǔ jebo.”

Jɔ̀ɔ̌n 5:25

Kàan tè Ě tmɛɛ̌ amo, tǐ diě le plě i nyni ni ɛ̌ wɛ̀ mɔ̀le, tà nyopòǒ se Mǒo ji u mi Něe win wɔ̌nma Ě mi nuu daba, uu nyopòǒ mi Mǒo nɔkǔ jebo poba u mi kmɔ̌ sie fònfno kɔnma.

Jɔ̀ɔ̌n 6:65

È Jùsu kpɛɛa Ɔɔ win nya Ɔ je, “Ě tmɔɔ̌a a ne nyane tà tè kɔn tè nyopò tùu se Něe tè kàan tè poba mu. Nyu wùɛ slě wɔ̀ bɔ diɔɔ̌ mɔ̀, ɛ̀ sìnʼǒ Ně Gbeǐ Bɔ̌ nye ɔ kpě plě.”

Jɔ̀ɔ̌n 8:37

Ě ji ɛle a moo Eblɛ̌hɛ̀moo jlǔu jlǔ, kɛɛ a tɛ̀n ɛ mǒ kaǒ keǒ ba dbǎ Mǒ. Mɛ̌oǒ joo nɛ̀ moo aǎ jbo winʼà Ě tee amoo le.

Jɔ̀ɔ̌n 8:43

È mɛ kɔɔ̌n tè aǎ jboǒ kɛ tèà Ě boɛɛ le? Dɛ nu ɛɛ nɛ̀ moo a slě wɔ̀ ba po Ně win nɔkǔ jebo.

Jɔ̀ɔ̌n 8:45

Kɛɛ bɛ̌ nu Bo tmɔɔ̌ a kàan tè aǎ po i kàan tè.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

2 Jɔ̀ɔ̌n 1:9

Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.

3 Jɔ̀ɔ̌n 1:11

Ně mǒ noɛɛ nyu, nyuà nii kàan dɛ ɔ sɔnʼě mǒ Nyesoa mɔ̀, kɛɛ nyuà nii dɛ kukǔ ɔ sěɛ Nyesoa jě, ii tè nè sɛ̀ě dɛ kukǔu fì le, kɛɛ sàě kàan dɛɛ fì le.