Jɔ̀ɔ̌n 8:44 - Nyesoaa Kuo Win Jajle

⁴⁴ Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Jɔ̀ɔ̌n 8:44 ပူးပေါင်းရင်းမြစ်များ

Matiɔ̌n 12:34

A kɔn wlè kukwǐ wòje chì nyeě ngmɛ̀ɛ smea, tà dɛ kukǔ neě amoo wlè jleě, ke tae aa nyu wɔ̀le je bɔ nuǔ kɛ kàan tè boɔboɔ? Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.

Matiɔ̌n 13:15

Nyopòǒ uu wlè klee dlě i kan le je plě uu nɔkwǐ sǔn uǔ wɔ̌n le, ǔ kan uu jǐ, ii tè u seǎ le jě kpe plě u seǎ le wɔ̌n kpe, è u slě wɔ̀ bu jbo tè le u mǐ wlè bo bitǐ u mǐɔɔ̌ mɔ̀ di Ě mǐ u wa.’ ” (Is 6.9-10)

Matiɔ̌n 13:38

È chè fòɛǒ nɛ̀ nynaǒ kmɔ̌à pènmo bo, è kouǒ nɛ̀ nynaǒ nyopòà pènmo bo ü neěe Nyesoaa win kwa konkɔn bobo, è nenanyɔǒ nɛ̀ nynaǒ kǔu jlǔ pènmo bo.

Jɔ̀ɔ̌n 6:70

È kě Jùsu dɛ̌a u je Ɔ je, “Dɛ̌ɛ̀ Mǒà Mǒ sàǒ aa tàii pù tùo sɔ̌nʼàò? Aa nyuu do moo kǔ.”

Jɔ̀ɔ̌n 7:17

Nyu wùɛ ɔ̈ jlɛ̌ bɔ̈ nu Ɔɔ kɛn wɔɔn dɛ, ɔ ji ɛle ɛ̈ moo dɛà Ě tee lee ɛ sonwɛě mǒ Nyesoa mɔ̀, ɛ seɔ Ně chɛ̀ mɔ̀ mǒ sɔn.

Jɔ̀ɔ̌n 8:38

Ě tmɛɛ̌ ane keǒ noǎà Ě jěe klě Ně Gbeǐ mɔ̀ ii tè. Tèǒ nì kɔn tè ba nu noǎ a wɔ̌nʼɔ ï sɔn lě Ɔɔ mɔ̀ mǒ klě tǐà wlòmo.”

Jɔ̀ɔ̌n 8:41

Noǎ aa gbeǐ nii nì a ni.” È u tùa Ɔ kɛ̀ɛn u je, “Ä se gblà nynoo jlǔ! Äa Gbeǐi do ä kɔnʼɔ sosǒ Nɔ̀ moo Nyesoa!”

Jɔ̀ɔ̌n 8:55

A se Ɔ ji, kɛɛ Ě ji Ɔlo. Bɛ̌ nu Bo ke bò dɛ̌ ɛ̈ moo Ě se Ɔ ji, è ɛ moo sen Ě tmɛ̌ ni, kɛɛ Ě ji Ɔlo plě Ě tùiǒ Ɔɔ win bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:10

kě ɔ dɛ̌a ɔ je ɔ je, “Mòo kǔu jǔ, mòo kàan dɛ wùɛ ɛɛ jlae nyu! Noǎ kukwǐi doědoe ii kplakplǒ nɛ̀ jiěè měne, mò ɔɔ̌ bɔ̌ dɛ keǒ bɔ sàǒ Koɔnʼɔ mǒ slɛɛ̌ dɛ snǔ mɔ̀!

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:9

Jùwɛ nyo tbalaě Tɛtulɔ̀ bo demǒ bo ǔ pooa noǎ wùɛǒ ɔ boɔlaa kòo kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:3

è kě Pitɛ̌ dɛ̌a ɔ je ɔ je, “Ɛnenaeǎ, mɛ kɔɔ̌n tè sɔ̀ɔ̌n kɛǒ Setɛ̀n ɔ̈ moo kǔ sìsii klɔ̀ba mɔ̀ mǒ ɔ boo loǒ mò, è tmɛɛ̌ něeě Ngmà Je Ne Sùsu sen jele, è tùǔ wlěǒ ii tìe bo ï nè blǒ jěe plě jè nyèe Nyesoa?

2 Kwnɛtiɛ̌ 11:3

Ě pe fano keǒ a mɔ̀ ɛ̈ moo wòje keǒ smɛ ɔ̈ kɔnaa kplakplǒ ɔ nuaa ɔ̌ booaa Ǐfi mǒ, kě u mi a numa klě wakǎ tɛ̀ɛ wlòmo u mi a mǒ booba aǎ dii kɛ̀ tè wlò popoɛ kɔn kpǎkpǎ keǒ Tentǎn Jǔ mɔ̀.

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

1 Jɔ̀ɔ̌n 1:8

Bɛ̌ nu bä nu wiěn ä se kpni kukwǐ nu, è ä gbee äa chɛ̀ mǒ no plě tèǒ ä boɛɛ i se kàan tè,

1 Jɔ̀ɔ̌n 2:21

Ɛ se bo chleě a mɔ̀ ɛ̈ moo a se Nyesoaa kàan dɛ ji, kɛɛ a ji ɛle plě Ě jlɛ̌ ba ji ɛ ɛ̈ moo sen slě wɔ̀ bi neě kàan dɛǒ slè.

1 Jɔ̀ɔ̌n 2:4

Nyu wùɛ bɔ̈ nu wiěn ɔ ji Nyesoa le, kɛɛ ɔ̈ɔ̌ tùǒo dɛǒ Ɔ boɛɛ bo, ɔɔ moo sen le tmɔ̌ nyu plě ɔ slě wɔ̀ bɔ boɔ kàan tè.

1 Jɔ̀ɔ̌n 3:12

Aa ka ɛɛ̌ wɛ̌ je Keèn ɔ̈ sɔna lěe kǔ mɔ̀ mǒ ɔ̈ pooa ɔɔ chɛ̀ɛ mamǔ jbɛju mnùngma mǒ. I be kɛě a mǒ wlò tè kɔn tè ɔ pooa ɔɔ mnùngma le? Ɛ mooa dɛ kukǔǒ ɔmo Keèn niaa ɛɛ tè, è ɔɔ mamǔ nɔ̀ nia mǒ slɛɛ̌ dɛ.

1 Jɔ̀ɔ̌n 3:15

Nyu wùɛà mii nyopò tùu faenma ɔ moo mnùngma poɔ, plě a ji ɛle ɛ̈ moo nyuà moo mnùngma poɔ ɔ se kmɔ̌ sie fònfno kɔn.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:6

Bi beě a wlòmo ke dɛǒ kpalaa tùɔn keǒ najiǒpòǒ mɔ̀ ü seaǒo tà uu kpě sieaǒo sie le ü sɔnaǒ uu tùɔn kɛn mǒ. Nyesoa tù u kmɔ̌ sie chěen klě kwijlě slè ɛ̈ neɔɔ bobo ɛ mǐ ɛ kpa kpa ɛ mǐ chnɛ̀ jlǒ waě fòɛǒ kɛn jɛɛ le ɛ̈ kɔn mǒ Ɔ miǎě uu na slè pooba.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:14

Nɔ̀ booa nyopò wùɛ ü nea nɔɔ blǒɔ mɔ̀ keǒ ɔɔ wlòlekaen noǎ ɔ niaa mɔ̀ ï u sɔnaǒ ɔɔ mɔ̀ mǒ bɔ nuaa keǒ klekle nmiǒ pènmo. Ɔ tmɔɔ̌a nu bu nua klekle nmiǒ ɔɔ sùsu tu bɛ nynanaǒ ɔ pènmo bo keǒ ɔɔ tùtuɛ mɔ̀ ɔ̈ u nuaa pan u tbalaa dɛ, kɛɛ ɔ̈ neěa jèe kmɔ̌.

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 21:8

Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”

Wlɛ̀velesɔ̌n 22:15

Nyopòǒ slě dě fòɛǒ wlòmo ne u moo gbùo klee sàlesa nu nyo klee se wòn mɔ̀ɔ wɛ̀ kmɔ̌ nu nyo klee mnùngma po nyo klee nǔkpuǐi wɛ̀ sà nyo klee nyopò wùɛà noɛɛ ɛɛ mǒ bü boo loo nyopò tùu mǒ.

Wlɛ̀velesɔ̌n 9:11

U kɔna najiǒpòi ɔ̈ mooa klɔ̀ba ɔ̈ bǐtìeǒ seaa mɔ̀ kɔn ɛɛ kpě nea lěe kwete mǒ, ɔɔ Hiblǔ nynɛ̌ u dɛɛ ɔɔ nɛ̀ moo Abadàn, è ɔɔ Kwlǐki nynɛ̌ nɛ̀ moo Apolèɔn ɛ̈ sɛ̀nʼɛ nynɛ̌ Gbè Sùeɔ.