Jɔ̀ɔ̌n 8:32 - Nyesoaa Kuo Win Jajle

³² È a mi kàan dɛ jiba plě kàan dɛǒ ɛ mǐ a gblà.”

Jɔ̀ɔ̌n 8:32 ပူးပေါင်းရင်းမြစ်များ

Matiɔ̌n 11:29

Ně konkwaǒ a mii numa ba pe ɛɛ kplɛkplɛɛ dɔ plě ba chěn neě mɔ̀. Dɛ ɛ nuu nɛ̀ moo Ě kɔn wlò dbadbǎ plě Ě nu kàan. Tèǒ nì kɔn tè a mi fefɛ jěba klě aa sùsu mǒ.

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 16:13

Bɛ̌ nu bo kàan tè le boɔ Sùsu Bɛ̌ diě, Nɛ̀ miě a kàan noǎ wùɛǒ slè naema, Ɛ se Ɛɛ chɛ̀ɛ tè kɛn boɔba mu, kɛɛ tè Ɛ wɔ̌nʼɔ nì Ɛ mi boɔba. Ɛ mi a noǎa tè je tùba ï miǎ lěe diba.

Jɔ̀ɔ̌n 17:17

Nu Nè winʼà ï monoo kàan tè Mò u ngmà je tù.

Jɔ̀ɔ̌n 6:45

Nyesoaa wnɔsàɔpo chlěa ɛle seea tǐ jleě u je, ‘Nyesoa Nɔ̀ mi nyopò wùɛ teeba.’ (Is 54.13) Ii tè nyu wùɛ ɔ̈ mii Gbeǐi win wɔ̌nma ɔ̈ mi Ɔ mɔ̀ cheěnma ɔ miɔɔ̌ mɔ̀ diba.

Jɔ̀ɔ̌n 7:17

Nyu wùɛ ɔ̈ jlɛ̌ bɔ̈ nu Ɔɔ kɛn wɔɔn dɛ, ɔ ji ɛle ɛ̈ moo dɛà Ě tee lee ɛ sonwɛě mǒ Nyesoa mɔ̀, ɛ seɔ Ně chɛ̀ mɔ̀ mǒ sɔn.

Jɔ̀ɔ̌n 8:36

Tèǒ nì kɔn tè bɛ̌ nu bo Nyesoaa Jǔ Bɔ̌ gblà amo klě kpni kukwǐi kèdɛ̌ mǒ, è a gblàa le kpǎkpǎ.

Wlǔmɔ 6:22

È klě tǐà wlòmo Nyesoa sà a kpni kukwǐi kpo bo Ɔ̌ gblà amo ǎ moo Ɔɔ kèiapo. Bɛ̌ nu bǎ ne ngmà je ne kmɔ̌, ɛ miǒ a dɛ bo poba ɛ̈ kɔn dlǒ chlɛ̀chlɛ mi amoo kmɔ̌ sie fònfno nyema.

Wlǔmɔ 8:15

Nyesoa se a sùsu nye ɛ mǐ a kèiapo mǒ nu a mǐ fano pe, kɛɛ Ɔ nye a Sùsu Ɛ̈ nu amoo Ɔɔ jlǔ mǒ plě Ɛ̈ nu ämoo ä dɛɛ Ɔɔ Abà, ɛ̈ sɛ̀nʼɛ nynɛ̌ äa Gbeǐ.

Wlǔmɔ 8:2

Dɛ ɛ nuu nɛ̀ moo Nyesoaa Sùsuu win kwa konkɔnʼà nye ämoo kmɔ̌ sie fònfno klě Jùsu Tentǎn Jǔ mǒ Nɛ̀ gblà ämo Ɛ̈ sàě ä kpni kukwǐi win kwa konkɔnʼà bobo ɛ̈ nye ämoo kokoɛ̌.

1 Kwnɛtiɛ̌ 7:22

Kèià Koɔn daa ɔ moo Koɔnʼɔ dbǔ mɔ̀ bɛ̌ nyu. Dɛɛ doǒ nɛ̀ ɛ mono, nyuà see kèdɛ̌ mǒ ne Koɔn daa ɔ moo kèi keǒ Ɔ mɔ̀.

Kalesiɛ̌n 5:1

Tentǎn Jǔ nu ämo ä wan dbǐ mǒ kpǎkpǎ klě Nyesoaa teteǎ bobo. Tèǒ nì kɔn tè a nyna bo kpankpa keà dbǐ mǒ wan nyo, aǎ sonwɛǒ aa chɛ̀ mɔ̀ mǒ uǔ kpɛě a kèi dɛ mǒ de.

Kalesiɛ̌n 5:13

Ně bǐì Tentǎn Jǔu wǎn ane, Nyesoa dala ale a mǐa dbǐ mǒ wan, kɛɛ baǎ ni kpni kukwǐ a jlɛ̌ɛ keǒ tà a wanʼa dbǐ mǒ tè. Ba nonoɛɛ měne a miǒ mɔ̀le momǎe ne.

2 Timɛtě 3:7

U gbee nyopò mǒ ü tǐ wùɛ mɔ̀ ü tɛ̀n ɛɛ mǒ bü cheěn, kɛɛ u slě wɔ̀ bu jbo kàan dɛǒ le kpe ɛ̈ kwɛɛǒo Tentǎn Jǔ jleě mǒ bo.

Jìmǐse 1:25

Kɛɛ nyu wùɛ ɔ̈ mii Nyesoaa mɔ̀le snǎ teteǎ chěnma plě ɔ̈ mi nii chencheɛ̌n nya kpaeba ï bɛ̌ ämoo kè dbǔ mɔ̀, bɛ̌ nu bɔ̌ ke dɛ i boɛɛ ni ɛ̈ see bɔ wɔ̌n ni sosǒo do, ɔɔ plɔ mi bloba keǒ dɛ wùɛ ɔ mii numa mɔ̀.

Jìmǐse 2:12

Tèǒ nì kɔn tè a gbɛ̀ɛ aa boɔboɔ win klee nunu noǎ keà nyu wɛ̀ɛ mɔ̀ bɔ nynaa tè tù nyo jebo teteǎ iǐ di ɔɔ kme.

1 Pitɛ̌ 2:16

Aa kmɔ̌ neneɛ bɛ wǒ je nyopò wanʼa dbǐ mǒ, kɛɛ aa dbǐ mǒ wonwanʼǒ aǎ ni ɛ keǒ ba kan dɛ kukǔ kɛn. Ba ne kmɔ̌ wòje Nyesoaa na wien po nyebajle klee nynejlu.

2 Jɔ̀ɔ̌n 1:1

Mǒ Tentǎn Jǔu wǎnʼa bòlibopoià chlě chněedɛ̌à klě amo Tentǎn Jǔu wǎn mɔ̀ ü Nyesoa sà lěe plě Ě noɛɛ nee mǒ chɔɔ. Ɛ se ně do Ě se a mǒ noɛɛ ne, kɛɛ nyopò wùɛà ü jii Nyesoaa kàan dɛ měne u noɛɛ a mǒ no ke.