Jɔ̀ɔ̌n 8:20 - Nyesoaa Kuo Win Jajle

²⁰ Tà Jùsu kea luu tee le klě Nyesoaa kǎ fòɛ bo, klě Ɔ boɛɛa imo tèà, Ɔ konwaěa nyee noǎa blɔ̀kun le. Nyu wùɛ sea Ɔ kme. Mɛ̌oǒ joo nɛ̀ moo ɛ sěɛɛ̌la jè tǐ ni keǒ bu kmea Nɔ.

Jɔ̀ɔ̌n 8:20 ပူးပေါင်းရင်းမြစ်များ

Matiɔ̌n 26:55

È kě Jùsu nia diblɛ̌ǒ wan gbògba Ɔ je, “Mɛ kɔɔ̌n tè a keě kɛɔ Mǒ mɔ̀ di a jɛ lěe pen klee kpangbia wòje keà nyu mii jliɔ̌ le pɔ̀nma. Tǐ wùɛ mɔ̀ Ě neě Nyesoaa kǎ fòɛ bo Ě boɛ nyopò Nyesoaa tè je, klě a slěě kmee ne?

Matiɔ̌n 27:6

È kpatòapoo fòe dǔa wlěǒ mǒ, kě u dɛ̌a u je, “Ɛ moo äa tetě wlawlǎ keǒ bä po lě wlěà Nyesoaa kǎ fòɛɛ mǒ tèe dɛ wan. Mɛ̌oǒ joo nɛ̀ moo u tɔ̀n i jleě Tùonyugbee fònfno.”

Mǎkè 12:41

È tà tǐ gbei sìnʼaa, Jùsu nea bo klě Nyesoaa kǎ fòɛ bo keǒ Nyesoaa mǒ tèe blɔ̀kun gbàa Ɔ̌ jěa nyopò ǔ peaě wlě le klě mǒ tèe blɔ̀kunʼǒ wan. Pònpan nyo fòfoa peaě wlě fòfoa le.

Mǎkè 12:43

Tà Jùsu jěaa dɛǒ, Ɔ dala Ɔɔ mɔ̀ cheěn nyo Ɔ je, “Kàan tèà Ě tmɛɛ̌ amo, sònwɛ koti nynɔǒ nɔ̀ poě wlě fòfoa kělɔ mǒ tèe blɔ̀kunʼà wan ɛ̌ sìnʼǒ uu wùɛǒ mǒ.

Lǔkù 20:19

Teteǎ tee nyo klee Nyesoaa kpatòapoo fòe pɛ̀nʼa le wakǎ u mǐa Lɔ kme keǒ tàa doǒ. Mɛ kɔɔ̌n tèǒ joo nɛ̀ moo u jěa lɛ ɛ̈ moo dǎtèkpaǒ Ɔ poaa nù ɛ sɛ̀nʼa nynɛ̌, kɛɛ u pea nyopòo fano, nɛ̀ kɔn tè u sea Ɔ le tǒ ǔ mua.

Lǔkù 21:1

Ɛ kɔna chnɛ̀ jlǒ waě tɛ̀ɛ mɔ̀ Jùsu neaě Nyesoaa kǎ fòɛ bo Ɔ̌ jěa pònpan nyo ǔ jɛaě wlě le klě Nyesoaa mǒ tee blɔ̀kun wan.

Jɔ̀ɔ̌n 10:39

È u tɛ̀na ɛ mǒ keǒ bu kmea Nɔ de, kɛɛ Ɔ sɔnaě u slè mǒ Ɔ̌ mua.

Jɔ̀ɔ̌n 2:4

Kɛɛ Jùsu tùa ɔ kɛ̀ɛn Ɔ je, “Ně naǎ, nè si kɛǒ ɛɛ̌ mɔ̀le? Ɛ sěɛɛ̌ jè Ně tǐ ni.”

Jɔ̀ɔ̌n 7:14

Tà de ngmnengmnɛ̌ǒ ɛ wuleeaa kɛn mǒ, è Jùsu Nɔ̀ǒ muaě Nyesoaa kǎ fòɛ bo Ɔ̈ teea nyopò.

Jɔ̀ɔ̌n 7:30

Tà u wɔ̌na imoo tèǒ, u jlɛ̌ bu kmea Nɔ, kɛɛ ɛ sěɛɛ̌la jè tǐ ni keǒ bu kmea Nɔ, ii tè nyu wùɛ nɔ̀ sea Ɔ le tǒ.

Jɔ̀ɔ̌n 7:44

Nyopòo tìe jlɛ̌ bu kmea Nɔ, kɛɛ nyu wùɛ nɔ̀ sea Ɔ le tǒ.

Jɔ̀ɔ̌n 7:8

A kɛn nya a mu digbaǐi de ngmnengmnɛ̌ǒ kɛn, Mǒà Ě seě jè muma mu, ɛ seɛ̌ tǐ ni keǒ Mǒà Boǒ mu.”

Jɔ̀ɔ̌n 8:2

Tà chnɛ̀ tɛ̀ɛ gbàlaa le ɛ kènta gbìi, è Nɔ̀ǒ tbaea je Ɔ̈ muaě klě Nyesoaa kǎ fòɛ bo. È nyopò fòfoa diaě Ɔ mɔ̀, ii tè Ɔ̌ nea bo Ɔ̌ teea lu.

Jɔ̀ɔ̌n 8:59

Tà u wɔ̌naa dɛǒ, u dǔa seɛ̌ mǒ u mǐa ni Ɔ̀ bee le u mǐa Ɔ dbǎ. Mɛ̌oǒ joo nɛ̀ moo u je Nyesoaǒ Ɔ pea fla wan, kɛɛ Jùsu wɛ̌a Ɔ̌ sɔnaě kǎ fòɛǒ bo mǒ.