Jɔ̀ɔ̌n 8:12 - Nyesoaa Kuo Win Jajle

¹² Ɛ kɔna tà tɔ̀ɔ u wǒaǒo de Jùsu boɛaěe nyopòǒ mɔ̀, kě Ɔ dɛ̌a Ɔ je, “Mǒà Mǒ moo Pepě keǒ kmɔ̌ ne tùonyopo mɔ̀, nyu wùɛ ɔ̈ mi Mǒo mɔ̀ nama ɔ seǎě kwijlě slè le nama mu kpe, kɛɛ ɔ mi Pepě kɔnma ɛ̈ nyee nyu kmɔ̌ siee fònfno.”

Jɔ̀ɔ̌n 8:12 ပူးပေါင်းရင်းမြစ်များ

Matiɔ̌n 5:14

È de amoà a wǒ je pepě keǒ kmɔ̌à mɔ̀. Diěà ɛ̈ neěe togbee dlǒ nyu slě wɔ̀ bɔ wɛ̌ lɛ.

Lǔkù 2:32

Nɔ̀ moo Pepě Ɔ̈ mi Nè kɛn wɔɔn dɛ tàmo sàba keǒ kuodakwɛ̌ mɔ̀ plě Nɔ̀ miě tè jǐ boaboǎ jaba keǒ Nè nyopò Ǐsòwɛ̌ kwɛɛn mɔ̀.”

Jɔ̀ɔ̌n 12:35

È Jùsu tùa u kɛ̀ɛn Ɔ je, “Pepěà Ɛ miɔ a slè nema klě tǐ pɛ̀ti gbei wlòmo. Tèǒ nì kɔn tè tà Pepěǒ Ɛ neě jèɔ amoo slè, a na Ɛ měne ɛ̈ di ɛɛ numa kwijlě ně di a jǐ mǒ be. Bɛ̌ nu nyu wùɛ bɔ̌ ke kwijlě mǒ nɛ, ɔ se tà ɔ miěe ji.

Jɔ̀ɔ̌n 12:36

Tà Mǒà monoo Pepěà Ě neě jèɔ amoo slè, a po Ně tè kàan tè ɛ̈ di ɛɛ numa a mǐ Ně jlǔ tù.” Tà Jùsu wɔ̀la imoo tèǒ boɔboɔ mɔ̀, è Nɔ̀ǒ sɔnaǒ u slè mǒ Ɔ̈ wɛ̌a.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 3:19

Dɛ mooaa Nyesoaa tè tùtuɛ nɛ̀ moo Pepě Ɛ̈ diɔɔ kmɔ̌ɔ mɔ̀, kɛɛ tùonyopo kɔn kmɔ̌ kukǔ, ii tè u noɛɛ kwijlě mǒ ɛ̌ sìnʼǒ Pepěǒ mǒ.

Jɔ̀ɔ̌n 7:17

Nyu wùɛ ɔ̈ jlɛ̌ bɔ̈ nu Ɔɔ kɛn wɔɔn dɛ, ɔ ji ɛle ɛ̈ moo dɛà Ě tee lee ɛ sonwɛě mǒ Nyesoa mɔ̀, ɛ seɔ Ně chɛ̀ mɔ̀ mǒ sɔn.

Jɔ̀ɔ̌n 9:5

Tà Ě neě jèɔ kmɔ̌ɔ wlòmo Ě moo kmɔ̌à ɛɛ Pepě.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:47

Koɔnʼɔ chɛ̀ tmɔɔ̌a ämo Ɔ je, ‘Ě nuù mǒ pepě keǒ kuodakwɛ̌ mɔ̀ ɛ̈ di ɛɛ numa mò Ně wowa dɛɛ tuposà po klě kmɔ̌ɔ nyopò wùɛ mɔ̀.’ ” (Is 49.6)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:23

ɛ̈ moo Tentǎn Jǔ mia sònwɛ jěba plě Nɔ̀ mia klekle Nyu tùba Ɔ miaě kǒla mǒ sɔnma plě Ɔ mǐa wowa dɛɛ pepěe sàe po klě Jùwɛ nyo klee kuodakwɛ̌ mɔ̀.”

2 Pitɛ̌ 2:17

Umo nyopòǒ u se dɛ mǒ ne wòje neǎa chlolǎi ï maa plě uu dlǒ le sìɛnsiɛn ɛɛ̌ nyna dɛɛ do kɛn bo wòje nukpě ï pìpia tɛkɛ̌ɛ le. Nyesoa wɔ̀ mɔ̀le kwijlě kpǎ fòɛɛ tùɔn keǒ u mɔ̀.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

1 Jɔ̀ɔ̌n 1:6

Bɛ̌ nu bä nu wiěn Ɔ klee ämo ä nɛǒ tàa do, kɛɛ bä neě kwijlě slè, è dɛǒ ä nii klee tèǒ ä boɛɛ i moo sen ä tmɛ̌ ni.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:13

Tònwe kmɔ̌ nɛ̀ jiě u ja le wòje keà jbǒ nymii ɛɛ doě jǐi feɔn kɛn le. U wǒ je de tetba jɔtnè ï Nyesoa po ɛɛ ble keǒ Bɔ poěe kwijlě kpǎ fòɛ slè ke ɛ mii jleě mǒ bo tonma.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:6

Bi beě a wlòmo ke dɛǒ kpalaa tùɔn keǒ najiǒpòǒ mɔ̀ ü seaǒo tà uu kpě sieaǒo sie le ü sɔnaǒ uu tùɔn kɛn mǒ. Nyesoa tù u kmɔ̌ sie chěen klě kwijlě slè ɛ̈ neɔɔ bobo ɛ mǐ ɛ kpa kpa ɛ mǐ chnɛ̀ jlǒ waě fòɛǒ kɛn jɛɛ le ɛ̈ kɔn mǒ Ɔ miǎě uu na slè pooba.

Wlɛ̀velesɔ̌n 21:24

Dakɔ̌ wùɛ u mi ɛɛ pepě měne nama plě blǒo klɔ̀bapoo miě uu konkɔn noǎ wùɛ ja klě ɛ wlòmo.