Jɔ̀ɔ̌n 8:11 - Nyesoaa Kuo Win Jajle

¹¹ È ɔ tùa Ɔ kɛ̀ɛn ɔ je, “Uuǔn, Koɔn.” È kě Jùsu dɛ̌a ɔ je Ɔ je, “Ně chɛ̀à Ě seè kokǒ wun kɛn bɛ̌ba mu, kɛɛ mu, nè niǎ kɛ̀ kpni kukwǐ de.”

Jɔ̀ɔ̌n 8:11 ပူးပေါင်းရင်းမြစ်များ

Lǔkù 13:3

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.

Lǔkù 13:5

Ɛ se bò nu, kɛɛ Ě tmɛɛ̌ ane, bǎ se aa wlè bo bitǐ, aa wùɛà kě a mi kokoɛ̌ numa ke.”

Lǔkù 15:10

Bo tmɔɔ̌ amo, dɛɛ doǒ nɛ̀ ɛ mono, Nyesoaa najiǒpòo plɔ blo lo keǒ kpni kukwǐ nyuu doo tè mɔ̀ ɔ̈ bitǐ ɔɔ wlò bo.”

Lǔkù 15:32

Ä kɔn bä nu chǒn le ä mǐ je. Dɛ ɛ nuu nɛ̀ moo màmǔà ɛ wǒ je ke ɔ kǒaa, kɛɛ ɔ ne kekɛɛ kmɔ̌. Ɔ mǎ pnɔ no, kɛɛ ä jěe kɛ̀ ɔlo.’ ”

Lǔkù 15:7

È Bo tmɔɔ̌ amo, dɛɛ doǒ nɛ̀ ɛ mono, bo kpni kukwǐ nyuu do bɔ̌ bitǐ ɔɔ wlò bo, chǒn fòfoa nɛ̀ neě jɔkɛn ɛ̌ sìnʼǒ jebo siǐn nyoo tà wlèe hɛ̀n tùo pù pù tùo siědo mǒ ü jě lɛɛ ɛ̈ moo u se kɔn bu bitǐ uu wlè bo.”

Lǔkù 5:32

Ě seɔ kmɔ̌ɔ mɔ̀ di keǒ Bo da jebo siǐn nyo u mǐ uu wlè bo bitǐ, kɛɛ Ě diě keǒ Bo da kpni kukwǐ nyo u mǐ uu wlè bo bitǐ.”

Lǔkù 9:56

Jbɛjuu Jǔà Ɔ slě di Ɔ mǐ tùonyopoo fònfno gbè sùe, kɛɛ keǒ Bɔ mǐ uu fònfno gblà.” È nùǒ muaě diě tɛ̀ɛ kɛn.

Jɔ̀ɔ̌n 18:36

È kě Jùsu dɛ̌a ɔ je Ɔ je, “Ně deplě seɔ kmɔ̌ɔ wlòmo kɔn. Bɛ̌ nu Ně deplě bɛ̌ kɔnʼɔ nɔ kmɔ̌ɔ wlòmo, Ně mɔ̀ na nyo mii wɔ̀nma ɛ̈ di ɛɛ numa Jùwɛ nyo ně dii Mǒ kme, kɛɛ Ně deplě seɔ kmɔ̌ɔ wlòmo kɔn.”

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 5:14

Tà tǐ gbei sìnʼaa, è Jùsu jɛɛaě jbɛjuǒ klě Nyesoaa kǎ fòɛ bo, kě Ɔ dɛ̌a ɔ je Ɔ je, “Ke ɛ toon jleě mǒ bo klě tǐà wlòmo nè dɛ bɔ̌ɔ dɛ, nè nii kɛ̀ kpni kukwǐ, nɛ̀ bò se nu, tǐ tìi tà dɛ jakǎ miì jebo beeba.”

Jɔ̀ɔ̌n 8:15

A tùi aa bǐì tè klě tùonyugbe tǔn wlòmo, kɛɛ Mǒà Ně tù nyu wùɛɛ tè.

Wlǔmɔ 2:4

Deě Nyesoa Nɔ̀ kɔn tè jè sɛ̀ɛ kɛǒ lee Ɔ̈à nuu kàan keǒò mɔ̀ plě Ɔ̈ kɔnʼɔ wlò dbadbǎ pɛ̀tu keǒò mɔ̀? Sè kɛ i je ɛ̈ moo Nyesoa moo kàan keǒò mɔ̀ ɛ̈ di ɛɛ numa Ɔ mǐì nu nè wlò mǐ bo bitǐ le?

1 Kwnɛtiɛ̌ 5:12

Ɛ se ně konkwa keǒ boǒ tù nyopòǒ slě Tentǎn Jǔu wǎn slě ne uu blilǐ. Kɛɛ amo blɛɛ je bü tù nyopòǒ neěe Tentǎn Jǔu wǎn slè uu blilǐ.

2 Pitɛ̌ 3:15

Ba jě lɛ ɛ̈ moo äa Koɔnʼɔ wlò dbadbǎ Ɔ kɔnʼɔ keǒ a mɔ̀ nɛ̀ moo aa fɔ̌ a kɔn keǒ ba gblàe le klě aa kpni kukwǐi plɔɔ tu kɛn bo maěa bobo wòje ke äa mǒ noɛɛ nyu Pɔ̀ɔ̌ nu ɛɛ chlechlɛ̌ ɔ̈ kɔnʼɔ tɔ̀n ɛ̈ sɔn lěe Nyesoa mɔ̀ mǒ ɔ̌ tmɔɔ̌ amoo ba nuu.