Jɔ̀ɔ̌n 7:39 - Nyesoaa Kuo Win Jajle

³⁹ È dɛ Ɔ boɛɛaa kɛn nɛ̀ moo Nyesoaa Sùsu Ɛ̈ kɔn tǐ konwaěa le keǒ nyopòà mia Lɔɔ tè kàan tè poba mɔ̀ u miaa kɔnma. Klě tǐǒ wlòmo nyu wùɛ nɔ̀ Nyesoa sěɛɛ̌a jè Ɛmo Sùsuǒ nye. Mɛ̌oǒ joo nɛ̀ moo Ɔ sěɛɛ̌a jè Jùsuu tè jǐ boɛ̌ le.

Jɔ̀ɔ̌n 7:39 ပူးပေါင်းရင်းမြစ်များ

Matiɔ̌n 16:14

È u tùia Lɔ kɛ̀ɛn u je, “Tìe je Mòo Ně Dlǒ Po Jɔ̀ɔ̌n, è tìe je Mòo Ilaejɔ̀, è tìe je Mòo Jɛ̀lemaeǎ ɔ̀ɔ̌ Nyesoaa wnɔsàɔ tɔ̀ɔ ɔ̈ neaa kmɔ̌ seeaa tǐ jleě.”

Matiɔ̌n 21:11

È diblɛ̌ǒ ù tùia u kɛ̀ɛn u je, “Jùsu Ɔ̈ moo Nyesoaa Wnɔsàɔ Ɔ̈ sɔn něe Nǎsòwɛ̌ kɔn dǐa mǒ ɛ̈ neěe Jàlalǐi wakǎ kɛn Nɔ̀à diě!”

Lǔkù 24:49

Ě mi a Ngmà Je Ne Sùsu mɔ̀ dboba Ɛ̈ Ně Gbeǐ peeěe Bɔ dboo kělɔ a mɔ̀. Ii tè klě ba neě Jlǔsnɛ bo a mǐ Ɛ kɛn mǒ fo, ɛ mǐ ɛ kpa kpa kpěǒ miěe jɔkɛn mǒ sɔnma i mǐ a je jǐ.”

Lǔkù 3:16

È kě Jɔ̀ɔ̌n dɛ̌a u je ɔ je, “Mǒà Ě pe a ně dlǒ sosǒ, kɛɛ Nyu tɔ̀ɔ neǒǒ demǒ Ɔ̈ diěe Ɔ̈ kɔn tè kmaa chɔɔ ì sìnʼǒ mǒo mǒ, Ě seǒ je blɛɛ lee chɛ̀ boǒ di Ɔɔ nyɔkòɛbě dbǐ kɛne wlà. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Lǔkù 7:16

È nyopò wùɛǒ u pea fano ǔ pea Nyesoaa nynɛ̌ le u je, “Nyesoaa Wnɔsàɔ fòɛ Nɔ̀ neɔ ä slè!” È kě u dɛ̌a ke u je, “Nyesoaà diě Ɔ̈ mǐ Ɔɔ nyopò mǒ sɛ̀ɛ le!”

Jɔ̀ɔ̌n 1:21

È u gbàla ɔ wan u je, “È mɔ mònoǒ kɛ de? Deě mòo kɛ Nyesoaa wnɔsàɔ Ilaejɔ̀?” Ɔ tùa u kɛ̀ɛn ɔ je, “Òooǒn, Ě se lɔ.” È u gbàla ɔ wan de u je, “Deě mòo Wnɔsàɔ Ɔ̈ kɔn tè u boɔlaa?” Ɔ̀ tùa u kɛ̀ɛn ɔ je, “Òooǒn.”

Jɔ̀ɔ̌n 1:25

ù gbɛ̀a ɔ wan u je, “Bɛ̌ nu bò se Nyesoaa Tentǎn Jǔ ɔ̀ɔ̌ Ilaejɔ̀ ɔ̀ɔ̌ Wnɔsàɔ, è mɛ kɔɔ̌n tè peě kɛ nyopò ně dlǒ de?”

Jɔ̀ɔ̌n 1:33

Ě seea Lɔ jboba mu, ɛ̀ sìnʼǒ Nyesoaà dbo mǒo keǒ bo poo nyopò ně dlǒ Nɔ̀ tmɔɔ̌a mǒ ɛ̈ moo, ‘Nyuǒ mìi jěba Ngmà Je Ne Sùsu miě ja tèeba Nɔ̀ moo Nyu Ɔ̈ miěe nyopò Ngmà Je Ne Sùsu ja poba.’

Jɔ̀ɔ̌n 12:16

Ɔɔ mɔ̀ cheěn nyo uǔ jboa ɛmo dɛ wùɛǒ le klě tǐǒ wlòmo ɛ̌ kpala ɛ kpa Ɔ̌ beaě tè jǐ boaboǎ wlòmo plě ǔ jboǒa kɛ ɛmo dɛǒ kpalaa tùɔn le keǒ Ɔ mɔ̀ ɛ̈ moo dɛ ɛ̈ Nyesoaa wnɔsàɔpo chlěaa u je ɛ̈ miaa tùɔn kpaba nɛ̀à kpa tùɔn.

Jɔ̀ɔ̌n 12:23

Jùsu tùa u kɛ̀ɛn Ɔ je, “Tǐ nyniǒ no keǒ Jbɛjuu Jǔà Bɔ beě tè jǐ boaboǎ wlòmo.

Jɔ̀ɔ̌n 14:13

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le.

Jɔ̀ɔ̌n 14:26

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

Jɔ̀ɔ̌n 16:14

Ɛ mi a tè wùɛ Ɛ wɔ̌n lě Mǒo mɔ̀ tmɔɔ̌ma, è klě ɛ mǒ Ɛ miěě tè jǐ boaboǎ nyeema.

Jɔ̀ɔ̌n 16:7

Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀.

Jɔ̀ɔ̌n 17:1

Tà Jùsu wɔ̀laa tè wùɛǒ boɔboɔ mɔ̀, Ɔ tanaě jɔkɛn le kě Ɔ dɛ̌a Ɔ je, “Ně Gbeǐ, tǐ nyniǒ no, nye Nè Jǔà tè jǐ boaboǎ ɛ̈ di ɛɛ numa Ɔ mǐì tè jǐ boaboǎ nye.

Jɔ̀ɔ̌n 17:5

Ně Gbeǐ, klě tǐà wlòmo nyeě tè jǐ boaboǎ keǒ Nè chɛ̀ jemǒ, tè jǐ boaboǎà Ě kɔnaa plě kmɔ̌à ɛ mǒaa wlò tùu lu.

Jɔ̀ɔ̌n 20:22

Tà Ɔ wɔ̀laa tèǒ boɔboɔ mɔ̀, è Ɔ wlǎla u fònfno kɛn, kě Ɔ dɛ̌a Ɔ je, “A kme Ngmà Je Ne Sùsu bo.

Jɔ̀ɔ̌n 6:14

Tà nyopòǒ u jěaa wlòlekaen dɛǒ Ɔ nuaa, è dɛà nɛ̀ u tùngmaea boboɛ u je, “Nyuà tàà Ɔ wɔ̀le je Bɔ moo Nyesoaa Wnɔsàɔ Ɔ̈ kɔn Bɔ dia lɔɔ kmɔ̌ mɔ̀.”

Jɔ̀ɔ̌n 7:12

È sɔ̌noka, nyopò fòfoa neaě diblɛ̌ǒ slè ü boɛa Ɔɔ tè, kě uu tìe dɛ̌a u je, “Jùsu moo kàan Nyuò,” kɛɛ uu tìe tùu je, “Òooǒn, Ɔ moo nyopò mǒ boo Nyu.”

Jɔ̀ɔ̌n 8:54

È Jùsu tùia u kɛ̀ɛn Ɔ je, “Bɛ̌ nu Bo ke Ně chɛ̀ tè jǐ boaboǎ nye, ɛmo tè jǐ boaboǎǒ ɛ se dɛ kɛn bo nyna. Kɛɛ Ně Gbeǐ Ɔ̈à a je Ɔ moo aa Nyesoa Nɔ̀ nyeě tè jǐ boaboǎǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:2

è ɔ gbàla u wan ɔ je, “Tà a poa kɛɛ Jùsuu tè kàan tè, a jě Ngmà Je Ne Sùsu loe?” È u tùa ɔ kɛ̀ɛn u je, “Ä sěɛlǎ i wɛ̌nʼɛ chɛ̀ ɛ̈ moo Ngmà Je Ne Sùsu ne tà.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:17

‘Klě demǒ bɔɔ̌ chnɛ̀ jlǒ wě wlòmo Ě miǎ Ně Sùsu kɛn bo tɛba Ɛ miǎě tùonyopo wùɛ ja be, è Bɛ̌ beǎě u ja aa jbɛjujlu klee nynejujlu miǎ wan sàba keǒ Ně tè mɔ̀, è aa nyengmè miǎ slèe jěba plě aa nyekpaklě miǎ jajii jaba.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:33

Nyesoa dǔa Ɔ jemǒ Ɔ̌ tùaǒ Ɔ tùɔnʼà kɔnʼǒo tùtuɛ kɛn bo klě Ɔɔ chɛ̀ɛ dilǎ son mɔ̀. Tàǒ keǒ Ɔ jeěaǒ Ngmà Je Ne Sùsuǒ Ɛ̈ Nyesoa pooaě Ɔɔ Ɔ mia Lɔɔ nyema. Ɛmo Sùsuǒ Nɛ̀ Jùsu dbo kělɔ ä mɔ̀, Nɛ̀à a jě plě Ɛ̈ kɔn win a wɛ̌n klě tǐà wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:38

Pitɛ̌ tùa u kɛɛn ɔ je, “Nyu wùɛ bɔ bitǐ ɔɔ wlò bo bɔ po ně dlǒ klě Jùsuu nynɛ̌ wlòmo ɛ̈ di ɛɛ numa Nyesoa mǐ ɔɔ kpni kukwǐi tè wlò le poo lo Ɔ mǐ ɔ Ngmà Je Ne Sùsu nye.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:4

È uu wùɛ nùǒ Ngmà Je Ne Sùsu jǐa je ǔ tùngmaea dɔ̌ɔdɔ̌ win popoɛ ï Ngmà Je Ne Sùsu nua nuu u wɔ̀laěe popoɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:13

Nyesoaà moo äa gbeǐpòo Nyesoa ü moo Eblɛ̌hɛ̀mo klee Aesěè plě klee Jèkɔ̌po, Nɔ̀ nye Ɔɔ Na Wien Po Nyebajlo Jùsu tè jǐ boaboǎ. Tà Pàlɛ̌tee chɛ̀ wɛ̀aa mɔ̀ keǒ bɔ tɛaa Jùsu bo, a poaě Ɔ nyopòà kɔnʼɔ kmɔ̌ɔ kpě kwete mǒ ǎ sàla Ɔ jleě mɔ̀ klě Pàlɛ̌te jemǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:31

Tà u wɔ̀laa bàtea mɔ̀, è tùɔnʼǒ ɛ tutuǒa bo, uu wùɛ Ngmà Je Ne Sùsu jǐa u je Ɛ̈ nua nɛɛ ǔ kɔnaa kponkpɛ ǔ boɛaa Nyesoaa win.

Wlǔmɔ 8:9

Kɛɛ ke ɛ mii jleě mǒ bo tonma bo Sùsuǒ Bɛ̌ neě a ja, è a seě tùonyuu kpni kukwǐ kmɔ̌ mǒ nee ne, a neě Sùsuǒ Ɛɛ win kwa konkɔn bobo. Nyuà Tentǎn Jǔu Sùsu slě mǒ ne, ɔ se Ɔɔ nyu.

2 Kwnɛtiɛ̌ 3:8

è ä ji ɛle ɛ̈ moo Ngmà Je Ne Sùsuu konkwaa tè mi jǐ boǎba ɛ miǒ le sìn chɔɔ.

Ifisiɛ̌n 4:30

Aǎ pe Ngmà Je Ne Sùsu feanfeǒ měne Ɛ̈ǒ wɔ̀ amoo mɔ̀le keǒ chnɛ̀ jlǒ waěǒ kɔn mǒ Nyesoa miǎ amoo gblàba mɔ̀ klě aa kpni kukwǐ slè.