Jɔ̀ɔ̌n 7:19 - Nyesoaa Kuo Win Jajle

¹⁹ Mɔ̀sě sea kɛ a Nyesoaa teteǎ nye le? Kɛɛ a nyuu doo chɛ̀ nɔ̀ seǒ teteǎǒ bo tù. È mɛ kɔɔ̌n kɛ tè a pɛ̀n Něe dbadbǎ le keǒ Bo nu dɛà a je ɛ̈ monoo Mɔ̀sěe teteǎ wlawlǎ?”

Jɔ̀ɔ̌n 7:19 ပူးပေါင်းရင်းမြစ်များ

Matiɔ̌n 12:14

È Fɛlesǐi wǎn nùǒ sɔna mǒ ü mua snǎ mǒ ke bu nuaa u mǐaa Jùsu dbǎ.

Matiɔ̌n 21:38

Kɛɛ tà jlě nu nyoǒ u jěa ɔɔ jǔǒ, è kě u dɛ̌a u je, ‘A jè jǔ miǎ noǎ wùɛ win kwa kɔnma nɔ̀ǒ diě, a diě bä dbǎ lɔ ɛ̈ di ɛɛ numa ɔɔ konkɔn noǎà ä mǐ i je chlì.’

Mǎkè 11:18

Teteǎ tee nyo klee Nyesoaa kpatòapoo fòe pea Jùsuu fano. Mɛ̌oǒ joo nɛ̀ moo Ɔɔ noǎǒ Ɔ teea ii tè kàea nyopò wùɛ bo wan. Tèǒ nì kɔn tè tà u wɔ̌na imoo tèǒ, u pɛ̀na fɔ̌ le u mǐa Ɔ dbǎ.

Mǎkè 3:4

È Ɔ gbàla u wan Ɔ je, “Mɛ Nyesoaa teteǎà Ɔ nyea kɛɛ Mɔ̀sě i jlɛ̌ bä nuǔ keǒ Nyesoaa defɛ chnɛ̀ jlǒ waě mɔ̀, bä nu kɛ kàan dɛ le, deě bä nu dɛ kukǔ? Bä gblà kɛ tùonyuu fònfno le, deě bä dbǎ tùonyu?” Kɛɛ u sea Ɔ kɛ̀ɛn tù.

Mǎkè 3:6

Tà Fɛlesǐi wǎn jěa lɛɛ, è tǐi doo tǐ jleě è nùǒ mua snǎ mǒ u klee Hɛwlǒo wǎn ǔ pea ɛ ble ke bu nuaa u mǐaa Jùsu dbǎ.

Jɔ̀ɔ̌n 1:17

Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 10:39

È u tɛ̀na ɛ mǒ keǒ bu kmea Nɔ de, kɛɛ Ɔ sɔnaě u slè mǒ Ɔ̌ mua.

Jɔ̀ɔ̌n 11:53

Sɔɔnʼa kɛ̀ǒ chnɛ̀ jlǒ waěǒ jleě mǒ Jùwɛ nyoo je si nyo pea ɛ ble ke bu nuaa u mǐaa Jùsu dbǎ.

Jɔ̀ɔ̌n 5:16

Tèǒ nì kɔn tè u tùngmaea Jùsu le nunuɛ keǒ Bɔ nua dɛ taeǒ keǒ Nyesoaa de fɛ chnɛ̀ jlǒ waěǒ mɔ̀.

Jɔ̀ɔ̌n 5:18

Dɛǒ nɛ̀ nia Jùwɛ nyo wùɛ ǔ jlɛ̌ bu dbǎla Ɔ. Ɛ se Bɔ wlǎla Nyesoaa de fɛ waěe tetěe do, kɛɛ Ɔ dɛɛa Ɔɔ chɛ̀ Nyesoaa Jǔ ke. È klě ɛmo dɛǒ wlòmo Ɔ ni Ɔɔ chɛ̀ Ɔ klee Nyesoa Ǔ boɛɛ kɛn mǒ.

Jɔ̀ɔ̌n 5:45

Aǎ jě lɛ ɛ̈ moo Ě mi a tè jɛɛba klě Ně Gbeǐ mɔ̀. Mɔ̀sěà a kɔn lěe wlò je kunkuɛn mǒ nɔ̀ mi a tè jɛɛba.

Jɔ̀ɔ̌n 7:1

Tà dɛǒ ɛ sìnʼaa, è Jàlalǐi wakǎǒ nɛ̀ Jùsu nɛa kɛn le, è Jùwɛ nyoo nyefòapoǒ nea lěe Jùdǐa wakǎ kɛn u pɛ̀na fɔ̌ le u mǐa Ɔ dbǎ, ii tè Ɔɔ̌ jlǎ Bɔ mua kɛ̀ lě ɛmo wakǎǒ kɛn.

Jɔ̀ɔ̌n 7:25

È nyopòà kɔna lěe Jlǔsnɛ kě u dɛ̌a u je, “Deě ɛ se kɛ Jùsuà nyefòapo pɛ̀ɛn le keǒ bu dbǎa?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:38

Tà najiǒpòi boɔlaě ɔɔ mɔ̀ klě togbeeǒ moo Sanàe dlǒ, ɔ nyea ɔ win bɔ tmɔɔ̌a ämoo ke bä nuu kmɔ̌ neneɛ. Tǐǒ jleě ɔ neaě kpatekpǎ blǒ kɛn ɔ klee Ǐsòwɛ̌ kwɛɛn tàkpɔ̌ ü moo äa gbeǐpò.

Kalesiɛ̌n 3:19

È mɛ Nyesoaa teteǎ nynaǎ kɛ kɛn bo de? Ii dɛ i nynaa kɛn bo nɛ̀ moo bi tee nyopò uu kpni kukwǐ ɛ mǐa ɛ kpa kpa Eblɛ̌hɛ̀moo jlǔu Jǔu didi tǐ mǐaǒ nyni Ɔ̈ǒ Nyesoaa pee dɛǒ ɛ sɛ̀nʼaa nynɛ̌. Sɔ̌noka, Nyesoaa teteǎǒ Ɔ nyeaa nyopò i diia lěe najiǒpò klee Mɔ̀sě mǒ ü nynanaǒo tùonyopo klee Nyesoa pǎnpe bo.

Kalesiɛ̌n 6:13

Nyopòà bɛ̌ɛ foeǐi chɛ̀ u seǒ Nyesoaa teteǎǒ bo tù kpǎkpǎ, kɛɛ u sòɛ ba bɛ̌ foeǐ ɛ̈ di ɛɛ numa u mǐ wun fòɛ le po ɛ̈ moo nù nu ɛ ǎ nu ɛ.