Jɔ̀ɔ̌n 7:18 - Nyesoaa Kuo Win Jajle

¹⁸ Ii tè bɛ̌ nu nyu wùɛ bɔ̌ ke dɛ boɛ ɛ̈ sonwɛě ɔɔ chɛ̀ɛ dlǒ wlòmo, ɔ ni ɛ keǒ bɔ pɔ̀n ɔɔ chɛ̀ɛ tè jǐ boaboǎ le. Kɛɛ bɛ̌ nu nyu wùɛ bɔ̌ ke dɛ boɛ bɛ̌ nye nyuà dbo ɔɔ tè jǐ boaboǎ, è ɔ moo sèn bo mǎ nyu, kenkan dɛ slě ɔ mǒ ne.

Jɔ̀ɔ̌n 7:18 ပူးပေါင်းရင်းမြစ်များ

Matiɔ̌n 6:9

Tèǒ nì kɔn tè bǎ klě Nyesoa mɔ̀ boɛ, kě ba dǎ u je, ‘Äa Gbeǐ Nyesoa Mò neěe jɔkɛn, Nɛ bo nyopò bu nyeǒò tùtuɛ wòje Ngmà Je Ne Nyesoa.

Jɔ̀ɔ̌n 11:4

Tà Ɔ wɔ̌na nii, è kě Ɔ dɛ̌a Ɔ je, “Kmakmaǒ ɛɛ dlǒ chlɛ̀chlɛ se Làesɔ̌ɔ kokoɛ̌ mooma mu, ɛmoǒ ɛ mi ɛ numa keǒ bɛ mǐ Nyesoa klee Ɔɔ Jǔ tè jǐ boaboǎ nye.”

Jɔ̀ɔ̌n 12:28

Tèǒ nì kɔn tè Ně Gbeǐ boaǎ Nè chɛ̀ɛ nynɛ̌ɛ tè jǐ!” È Win sɔnaě jɔkɛn mǒ kě I dɛ̌a I je, “Ě boaǎ ɛɛ tè jǐ li ɛ̌ wɛ̀ mɔ̀le plě Ě mi ɛɛ tè jǐ boaǎba de.”

Jɔ̀ɔ̌n 12:43

È tè kɔn tè u nia nɛɛ nɛ̀ moo u noɛɛa mǒ tùonyopo bu bìsea u le ɛ̌ sìnʼaǒ Nyesoa Bɔ bìse u le mǒ.

Jɔ̀ɔ̌n 5:41

Ɛ se tùonyopo uǔ bae Mǒ.

Jɔ̀ɔ̌n 8:54

È Jùsu tùia u kɛ̀ɛn Ɔ je, “Bɛ̌ nu Bo ke Ně chɛ̀ tè jǐ boaboǎ nye, ɛmo tè jǐ boaboǎǒ ɛ se dɛ kɛn bo nyna. Kɛɛ Ně Gbeǐ Ɔ̈à a je Ɔ moo aa Nyesoa Nɔ̀ nyeě tè jǐ boaboǎǒ.

1 Tɛseloniǎ 2:6

Äǎ tɛ̀n ɛ mǒ keǒ bä pɔ̀n ɛ le keǒ bo tùonyopo bu bìse ä le, ɛ slě a mɔ̀ plě ɛ slě nyu wùɛ mɔ̀ äǎ pɔ̀nʼě ɛ le.

1 Pitɛ̌ 4:11

Nyu wùɛ bɔ̈ ke win boɛ, bɔ boɔ Nyesoaa win. Nyu wùɛ bɔ̈ ke nyopò tùu konkwa mɔ̀ nii ni, bɔ nu ɛmo konkwaǒ klě kbě Nyesoa nye ɔɔ mǒ ɛ̈ di ɛɛ numa dɛ wùɛ ɔ mii numa klě ɛ mǒ Nyesoa mǐ baea jě ɛ̈ diiě Jùsu Tentǎn Jǔ mǒ. Nɛ bo tè jǐ boaboǎ klee kpě bi kɔnʼǒ Tentǎn Jǔ mɔ̀ ke ɛ mii jleě mǒ bo tonma, kě bɛ ne.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.