Jɔ̀ɔ̌n 7:12 - Nyesoaa Kuo Win Jajle

¹² È sɔ̌noka, nyopò fòfoa neaě diblɛ̌ǒ slè ü boɛa Ɔɔ tè, kě uu tìe dɛ̌a u je, “Jùsu moo kàan Nyuò,” kɛɛ uu tìe tùu je, “Òooǒn, Ɔ moo nyopò mǒ boo Nyu.”

Jɔ̀ɔ̌n 7:12 ပူးပေါင်းရင်းမြစ်များ

Matiɔ̌n 10:25

Tǐ tìi tà ɛ kɔn bɛ nu ɛ keǒ nyuà moo chenchěn nyu ɔ klee ɔɔ tee nyu uu tɔ̀n bi po kplɛ plě mɔ̀le nae nyu klee ɔɔ chì kpa ämo uu win kwa kɔn kpě bi po kplɛ. È bɛ̌ nu bǔ keě Biɛsìbo ɔ̈ moo kǔ dɛɛ le, è u mi ɛ a mǒ numa ɛ miǒǒ mǒ sìn.

Matiɔ̌n 21:46

Tèǒ nì kɔn tè u jlɛ̌ bu kmea Nɔ, kɛɛ u pea diblɛ̌ɛ fano. Mɛ̌oǒ joo nɛ̀ moo diblɛ̌ǒ u poa Jùsuu tè kàan tè ɛ̈ moo Ɔ mooa Nyesoaa Wnɔsàɔ.

Matiɔ̌n 27:63

è kě u dɛ̌a u je, “Chì kpa ämo, i beě ä mǒ wlò tǐà jleě sen le tmɔ̌ Nyuà Ɔ neěa jèe kmɔ̌, winʼà nì Ɔ boɛa ɛ̈ moo Bɔ̌ kǒa klě chnɛ̀ jlǒ wěe tan nenɛ wlòmo Nyesoa miǎě Ɔ kǒla mǒ sàba Ɔ miǎ kmɔ̌ ne.

Lǔkù 18:19

È Jùsu gbàla ɔ wan Ɔ je, “Mɛ kɔɔ̌n tè dɛɛ leě kɛ Mǒ kàan Nyu? Nyu wùɛ nɔ̀ se kàan ɛ̀ sìnʼǒ Nyesoaa do.

Lǔkù 23:47

Tà tabɔ̀ɔ jǐgbàdiɔ jěaa dɛǒ kpalaa tùɔn, ɔ pea Nyesoaa nynɛ̌ le ɔ je, “Kàan tè Nyuà sɛjesɛ Ɔ moo jebo siǐn Nyu!”

Lǔkù 23:50

Ɛ kɔna jbɛju tɔ̀ɔ ɔ̈ mooa Jòsɛ̌fo ɔ̈ mooa Jùwɛ nyoo tè tù nyoo nyuu do, kɛɛ ɔ mooa kàan plě ɔ̌ mooa jebo siǐn nyu,

Lǔkù 6:45

Nyuà moo kàan nyu ɔ boɛ kàan tè ï sonwɛě ɔɔ kàan wlò kɛn mǒ, kɛɛ nyuà moo dɛ kukǔ nuɔ ɔ boɛ tè kukwǐ ï sonwɛě ɔɔ wlò kukǔ kɛn mǒ. Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.”

Lǔkù 7:16

È nyopò wùɛǒ u pea fano ǔ pea Nyesoaa nynɛ̌ le u je, “Nyesoaa Wnɔsàɔ fòɛ Nɔ̀ neɔ ä slè!” È kě u dɛ̌a ke u je, “Nyesoaà diě Ɔ̈ mǐ Ɔɔ nyopò mǒ sɛ̀ɛ le!”

Jɔ̀ɔ̌n 6:14

Tà nyopòǒ u jěaa wlòlekaen dɛǒ Ɔ nuaa, è dɛà nɛ̀ u tùngmaea boboɛ u je, “Nyuà tàà Ɔ wɔ̀le je Bɔ moo Nyesoaa Wnɔsàɔ Ɔ̈ kɔn Bɔ dia lɔɔ kmɔ̌ mɔ̀.”

Jɔ̀ɔ̌n 7:32

Tà Fɛlesǐi wǎn wɔ̌naa tèǒ nyopòǒ ü boɛaa keǒ Jùsu jleě mǒ, è u klee kpatòapoo fòe dboa nyopò bu kmea Nɔ.

Jɔ̀ɔ̌n 7:47

È Fɛlesǐi wǎn gbɛ̀a u wan de u je, “Deě Ɔ boo kɛ ale ke le?

Jɔ̀ɔ̌n 7:52

U tùa ɔ kɛ̀ɛn u je, “Dɛmo sè kɛ Jàlalǐi mǒ sɔnʼò? Nè chɛ̀ chèě Nyesoaa win wlòmo bo mì ɛ jěba ɛ̈ moo Nyesoaa Wnɔsàɔǒ Ɔ slě Jàlalǐi mǒ sɔnma mu!”

Jɔ̀ɔ̌n 9:16

È kě Fɛlesǐi wǎnʼa tìe dɛ̌a u je, “Jùsu Ɔɔ̌ tùǒ Nyesoaa de fɛ chnɛ̀ jlǒ waěe teteǎ bo, ii tè Ɔ seě Nyesoa mɔ̀ mǒ sɔn.” Kɛɛ kě uu tìe dɛ̌a u je, “È ke nyuà moo kɛɛ dɛ kukǔ nuɔ ɔ wɔ̀le je bɔ nuǔ wlòlekaen dɛ taeǒ nunuɛ?” Ii tè ɛ plooa ɛ wakě klě uu chɛ̀ slè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:24

Banàbɔ mooa kàan nyu ɔ̈à Ngmà Je Ne Sùsu jǐaa je plě ɔ̈ kɔnaa tè wlò popoɛ plě ɔ̈ jɛɛa lɔ nyopò fòfoa kělɔ Koɔn mɔ̀.

Wlǔmɔ 5:7

Ɛ moo wan jakǎ dɛ keǒ nyu bɔ kǒ keǒ jebo siǐn nyuu tèe tà. Tǐ tìi tà nyu tɔ̀ɔ wɔ̀le je bɔ wɔɔn ɛ kɛn keǒ bɔ koǒǒ nyuà pènmo no ɔ̈ sɛjesɛ ɔ̈ nuu kàan.

Flepiɛ̌n 2:14

A nu noǎ wùɛ aǎ boboɛɛ wan le plě aǎ chɛtlǐi li