Jɔ̀ɔ̌n 7:1 - Nyesoaa Kuo Win Jajle

¹ Tà dɛǒ ɛ sìnʼaa, è Jàlalǐi wakǎǒ nɛ̀ Jùsu nɛa kɛn le, è Jùwɛ nyoo nyefòapoǒ nea lěe Jùdǐa wakǎ kɛn u pɛ̀na fɔ̌ le u mǐa Ɔ dbǎ, ii tè Ɔɔ̌ jlǎ Bɔ mua kɛ̀ lě ɛmo wakǎǒ kɛn.

Jɔ̀ɔ̌n 7:1 ပူးပေါင်းရင်းမြစ်များ

Matiɔ̌n 10:23

Bɛ̌ nu bǎ muě diě wlòmo nyopòǒ neěe bǔ ke aa tè mɔ̀ tè, è ba plùu u je ba muě diě tɛ̀ɛ kɛn. Kàan tèà Ě tmɛɛ̌ amo, imo Ǐsòwɛ̌ kwɛɛn deě wùɛǒ a se i dlǒ wɔ̀ba mu Mǒ Jbɛjuu Jǔà Ě miǎ de di.

Matiɔ̌n 21:38

Kɛɛ tà jlě nu nyoǒ u jěa ɔɔ jǔǒ, è kě u dɛ̌a u je, ‘A jè jǔ miǎ noǎ wùɛ win kwa kɔnma nɔ̀ǒ diě, a diě bä dbǎ lɔ ɛ̈ di ɛɛ numa ɔɔ konkɔn noǎà ä mǐ i je chlì.’

Mǎkè 11:18

Teteǎ tee nyo klee Nyesoaa kpatòapoo fòe pea Jùsuu fano. Mɛ̌oǒ joo nɛ̀ moo Ɔɔ noǎǒ Ɔ teea ii tè kàea nyopò wùɛ bo wan. Tèǒ nì kɔn tè tà u wɔ̌na imoo tèǒ, u pɛ̀na fɔ̌ le u mǐa Ɔ dbǎ.

Jɔ̀ɔ̌n 1:19

È tèà nì Jɔ̀ɔ̌n sèsaeaa Nyesoaa kpatòapoo klee uu mǒ sɛ̀ɛ nyo wlòmo ü kɔn lěe Lifàe dakɔ̌ slè ü sɔnaa Jlǔsnɛ mǒ Jùwɛ nyo dboaa bü muaa Jɔ̀ɔ̌n wan gbà nyu tae ɔ mooaa.

Jɔ̀ɔ̌n 4:3

Ii tè Ɔ klee Ɔɔ mɔ̀ cheěn nyo u sɔnaě Jùdǐa wakǎ kɛn mǒ ǔ mia de klě Jàlalǐi wakǎ kɛn.

Jɔ̀ɔ̌n 4:54

Dɛǒ nɛ̀ mooa sɔ̌n nenɛ wlòlekaen dɛ Jùsu nua tǐǒ jleě Ɔ sɔnaa Jùdǐa wakǎ kɛn mǒ Ɔ dia lěe Jàlalǐi.

Jɔ̀ɔ̌n 6:1

Tà dɛǒ ɛ sìnʼaa, è Jùsu bɛ̌a Jàlalǐi jbǒ tìe ɛ̈ u dɛɛ Tabawlìa jbǒ ke.

Jɔ̀ɔ̌n 7:11

È klě ɛmo de ngmnengmnɛ̌ǒ kɛn Jùwɛ nyoo nyefòapo pɛ̀na Ɔ le ǔ gbɛ̀a nyopò wan le u je, “È tà Jùsu neě kɛ?”

Jɔ̀ɔ̌n 7:13

Kɛɛ ke ɛ tonʼaa jleě mǒ bo ǔ peaa Jùwɛ nyoo nyefòapoo fano, nɛ̀ kɔn tè u nyuu doo chɛ̀ nɔ̀ seaǒ klɔ̀ slè di bɔ̈ boɔa dɛ keǒ Jùsu jleě mǒ.

Jɔ̀ɔ̌n 7:19

Mɔ̀sě sea kɛ a Nyesoaa teteǎ nye le? Kɛɛ a nyuu doo chɛ̀ nɔ̀ seǒ teteǎǒ bo tù. È mɛ kɔɔ̌n kɛ tè a pɛ̀n Něe dbadbǎ le keǒ Bo nu dɛà a je ɛ̈ monoo Mɔ̀sěe teteǎ wlawlǎ?”

Jɔ̀ɔ̌n 7:25

È nyopòà kɔna lěe Jlǔsnɛ kě u dɛ̌a u je, “Deě ɛ se kɛ Jùsuà nyefòapo pɛ̀ɛn le keǒ bu dbǎa?

Jɔ̀ɔ̌n 7:35

È kě Jùwɛ nyoo nyefòapo nia wan le gbògbaea u je, “È tà Ɔ wɛ̀ɛ kɛ mɔ̀le Bɔ muǔ ä seě Lɔ jěba mu? Deě Ɔ mi kɛ lě kuodakwɛ̌ɛ deě fòe kɛn muma tà äa nyopòo tìe neěe Ɔ mǐ kɛ Nyesoaa win tee lee?

Jɔ̀ɔ̌n 8:37

Ě ji ɛle a moo Eblɛ̌hɛ̀moo jlǔu jlǔ, kɛɛ a tɛ̀n ɛ mǒ kaǒ keǒ ba dbǎ Mǒ. Mɛ̌oǒ joo nɛ̀ moo aǎ jbo winʼà Ě tee amoo le.

Jɔ̀ɔ̌n 8:40

Kɛɛ tà Ě tmɛɛ̌ amoo kàan tèà Ě wɔ̌nʼɔ ï sɔn lěe Nyesoa mɔ̀ mǒ, è a tɛ̀n ɛ mǒ keǒ ba dbǎ Mǒ. Eblɛ̌hɛ̀mo sěɛlǎ dɛ taeǒ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.