Jɔ̀ɔ̌n 6:57 - Nyesoaa Kuo Win Jajle

⁵⁷ Keà ɛ nuu Ně Kmɔ̌ Ne Gbeǐ dbo Mǒo plě Ě nee kmɔ̌ keǒ Ɔɔ tè mɔ̀, dɛɛ doǒ nɛ̀ ɛ mono, nyu wùɛ ɔ̈ mi Mǒo diba ɔ mi kmɔ̌ nema keǒ Ně tè mɔ̀.

Jɔ̀ɔ̌n 6:57 ပူးပေါင်းရင်းမြစ်များ

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Jɔ̀ɔ̌n 14:19

Ɛ slě mɔ̀ tmɔ kpni kukwǐ nyo see kɛ̀ɛ̌ jěba mu de, kɛɛ amo miǐ jěba. È ke ɛ toon jleě mǒ bo Ě nee kmɔ̌, a mi kmɔ̌ nema ke.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 3:17

Nyesoa se Ɔɔ Jǔ dbo kělɔ kmɔ̌ɔ mɔ̀ keǒ Bɔ bɛ̌ nyopò kokǒ wun kɛn, kɛɛ keǒ Bɔ mǐ u gblà klě uu kpni kukwǐ slè.

Jɔ̀ɔ̌n 5:26

Ke Ɔmo Gbeǐǒ Ɔ nuu Ɔ̌ moo kmɔ̌ sie fònfnoo Mǎ, kě Bɔ nu Ɔɔ Jǔà Bɔ moo fònfnoo Mǎ.

Jɔ̀ɔ̌n 6:29

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

1 Kwnɛtiɛ̌ 15:22

È keǒ ɛ nuu nyopò wùɛ ü kwɛ lěe Ɛdɛ̌mo mǒ bo ǔ kǒo, dɛɛ doǒ nɛ̀ ɛ mono, nyopò wùɛ ü kwɛ lěe Tentǎn Jǔ mǒ bo Ɔ miǎ u numa u miǎ kmɔ̌ ne.

1 Kwnɛtiɛ̌ 15:45

wòje keǒ ɛ nuaa chleěa klě Nyesoaa win wlòmo ɛ̈ moo, nyane jbɛju ɔ̈ moo Ɛdɛ̌mo u nua nɔ ɔ̌ moo kmɔ̌ ne tùonyu, è demǒ bɔɔ̌ Ɛdɛ̌mo tɔ̀ɔ Nɔ̀ moo Nyesoaa Sùsu Ɛ̈ nyee nyopò fònfno.

2 Kwnɛtiɛ̌ 13:4

I moo kàan tè tǐǒ u kɔaǒ Ɔɔ pète bɛ̌ tu jleě Ɔɔ fǒ sea kbě blě, kɛɛ klě Nyesoaa kpě wlòmo Ɔ ne kekɛɛ kmɔ̌. Keǒ Ɔɔ fǒ nuu ɛ̌ seaa kbě blě, kě äa fǒà ɛ nu. Kɛɛ Nyesoaa kpě mi ɛ numa ä klee Tentǎn Jǔu ä miě a slè ne.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

1 Tɛseloniǎ 1:9

Uu chɛ̀ tmɛɛ̌ äne ke a nua ämoo jebo kmekmɛ plě ke a nuaǒ nǔkpuǐi wɛ̀ sèsa dɛ demǒ sonsɔn a nii kàan kmɔ̌ ne Nyesoa konkwa mɔ̀ nuua.

Hiblǔ 9:14

Kɛɛ Tentǎn Jǔu kokoɛ̌ nu dɛ fòɛ keǒ ä mɔ̀ ɛ̌ sìnʼǒ i mǒ. Kmɔ̌ sie Sùsu Nɛ̀ nu Tentǎn Jǔ Ɔ̌ wɔ̀le ɛ keǒ Bɔ nyee Ɔɔ chɛ̀ Nyesoa keǒ Bɔ moo Chɔ̀no Ɛ̈ snǎ lěe mɔ̀le kpǎkpǎ. Ɛmo Chɔ̀noǒ Nɛ̀ snǎě ä mɔ̀le ɛ̈ di ɛɛ numa ä bɔ̌ noǎà nunuɛ ï miě ämoo kmɔ̌ sie kǒla mǒ kpaba, ä mǐ kmɔ̌ ne Nyesoaa konkwa nu.

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.