Jɔ̀ɔ̌n 6:2 - Nyesoaa Kuo Win Jajle

² Nyopò fòfoa jěa wlòlekaen noǎ Ɔ niaa keǒ kmakma nyo jleě mǒ no, ii tè u nɛa Ɔ de.

Jɔ̀ɔ̌n 6:2 ပူးပေါင်းရင်းမြစ်များ

Matiɔ̌n 12:15

Kɛɛ Jùsu jia dɛ uu wlè peaa ble bu nuaa le, tèǒ nì kɔn tè Ɔ sɔnaǒ tàǒ mǒ. Tà Ɔ keaa mi, nyopò fòfoa beaǒ Ɔ demǒ Ɔ̌ peana uu wùɛǒ ü kmɛaa.

Matiɔ̌n 13:2

È diblɛ̌ diaě Ɔ mɔ̀, ii tè Ɔ̌ beaě blǎgbè chěnchaě wan, blǎgbèǒ wan kě Ɔ neaě bo è diblɛ̌ǒ nù neaǒ kponkpǒ.

Matiɔ̌n 14:14

Tà blǎgbèǒ ɛ peěa lěe wakǎ tɛ̀ɛǒ kɛn Jùsu jěaa diblɛ̌ fòfoaǒ, ùu wɔle beaě Ɔ mǒ no Ɔ̌ peana uu nyopòǒ kmɛaa.

Matiɔ̌n 8:1

Tà Jùsu sonwɛa lěe togbee dlǒ mǒ Ɔ kea lɔɔ wɔ̀ɔn di, è diblɛ̌ fòfoa nù nɛa Ɔ de.

Mǎkè 1:45

Ii tè jbɛjuǒ ɔ̌ piea chɔ̀no, kɛɛ ɔ sea kpee po ɔ̌ tùngmaea imo tèǒ le gbɛ̀tɛɛa. Dɛǒ nɛ̀ nua nɛ Jùsu Ɔɔ̌ mua kɛ̀ě dě fòɛ kɛn, ii tè deěǒ kɔn kɛn nyopò seaǒo fò nì Ɔ nɛa kɛ̀ kɛne, kɛɛ kaǒ nyopò sonwɛa deě kɛn měne ǔ miaě Ɔ mɔ̀.

Mǎkè 6:33

Kɛɛ nyopò fòfoa jěa ulu tà u keaa mi, è u jboa ulu. Ii tè ǔ sonwɛa deěǒ kɛn měne ǔ kpɛa plùplɛ klě u nya.

Jɔ̀ɔ̌n 11:47

Ii tè Fɛlesǐi wǎn klee Nyesoaa kpatòapoo fòe klee Jùwɛ nyoo tè tu nyo u mua snǎ mǒ, kě u dɛ̌a u je, “Mɛ ä miǐ kɛ numa keǒ Nyuà mɔ̀? A jě wlòlekaen noǎ wùɛà Ɔ nii.

Jɔ̀ɔ̌n 12:18

Tà u wɔ̌na nii keǒ wlòlekaen dɛǒ Ɔ nuaa mɔ̀, nɛ̀ kɔn tè u mua Ɔ tàto peba.

Jɔ̀ɔ̌n 12:37

Kàan tè nyopò jěa Jùsu Ɔ̌ nia wlòlekaen noǎ fòfoa, kɛɛ u sea Ɔɔ tè kàan tè po.

Jɔ̀ɔ̌n 2:11

Dɛǒ nɛ̀ mooa klekle wlòlekaen dɛ Jùsu nua. È klě ɛmoǒ wlòmo Ɔ poa Ɔ chɛ̀ɛ tè jǐ boaboǎ pepě mǒ klě Jàlalǐi wakǎ kɛn klě diěǒ monoo Kenà kɛn. Dɛǒ nɛ̀ nua nɛ Ɔɔ mɔ̀ cheěn nyo poa Ɔɔ tè kàan tè.

Jɔ̀ɔ̌n 2:23

Tà Jùsu nea lěe Jlǔsnɛ klě Dlǒ Mǒ Sìin Didi Dɛɛ de ngmně tǐ wlòmo, nyopò fòfoa jěa wlòlekaen noǎ Ɔ niaa ne ǔ poa Ɔɔ tè kàan tè.

Jɔ̀ɔ̌n 20:30

Jùsu nua wlòlekaen noǎ fòfoa tìi keǒ Ɔɔ mɔ̀ cheěn nyo jemǒ ï u see kɛ̀ɛ chlě kělɔ chněedɛ̌ɔ wlòmo.

Jɔ̀ɔ̌n 3:2

Tǒn jlǒ waě tɛ̀ɛ mɔ̀ nɔ̀ diaě Jùsu mɔ̀, kě ɔ dɛ̌a Ɔ je ɔ je, “Tee Nyu, ä ji ɛle Mòà Mò moo Tee Nyu Ɔ̈ sɔnʼěe Nyesoa mɔ̀ mǒ. Ɛ se nyu kɔn ɔ̈ wɔ̀le je bɔ nuu noǎà nìi ɛ̀ sìnʼǒ Nyesoa Bɔ̌ neeǒ ɔ mɔ̀ plě.”

Jɔ̀ɔ̌n 6:14

Tà nyopòǒ u jěaa wlòlekaen dɛǒ Ɔ nuaa, è dɛà nɛ̀ u tùngmaea boboɛ u je, “Nyuà tàà Ɔ wɔ̀le je Bɔ moo Nyesoaa Wnɔsàɔ Ɔ̈ kɔn Bɔ dia lɔɔ kmɔ̌ mɔ̀.”

Jɔ̀ɔ̌n 6:22

Tà chnɛ̀ tɛ̀ɛ gbàlaa le, diblɛ̌ǒ u sia lěe klě jbǒǒ ɛɛ wakǎ tɛ̀ɛǒ mɔ̀ u jěa lɛ ɛ̈ moo blǎgbèe do nɛ̀ neaǒ tàǒ, è Jùsu klee Ɔɔ mɔ̀ cheěn nyo seaě ɛ wan be, kɛɛ uu do nù mua, Ɔ seaě u mɔ̀ ne.

Jɔ̀ɔ̌n 6:26

Jùsu tùa u kɛ̀ɛn Ɔ je, “Kàan tèà Ě boɛ a je, dɛ kɔn tè a pɛ̀n Mǒo le nɛ̀ moo a di flɔ̌ɔ fòfoa ǎ jǐ kwlě, nɛ̀ se wlòlekaen dɛà a jěe ɛɛ tè.

Jɔ̀ɔ̌n 6:30

Ii tè u gbɛ̀a Ɔ wan u je, “Bä jě wlòlekaen dɛ tae mì kɛɛ numa ɛ̈ bä jěe ä mǐ Nèe tè kàan tè po? Mɛ mìǐ kɛ numa?