Jɔ̀ɔ̌n 5:5 - Nyesoaa Kuo Win Jajle

⁵ Ɛ kɔna nyuu do neaǒo něǒ wien ɔ̈ dǔaa kmakma mǒ klě jlěe wlò tùo pù pù tùo nnyɛɛ̀ wlòmo.

Jɔ̀ɔ̌n 5:5 ပူးပေါင်းရင်းမြစ်များ

Mǎkè 9:21

È Jùsu gbàla jǔǒ ɔɔ gbeǐ wan Ɔ je, “È ke ɛ toǒn kɛ jleě mǒ bo ɛmo dɛà ɛ bea làa jǔà fǒ mǒ be be?” Ɔ tùa Lɔ kɛ̀ɛn ɔ je, “Sɔɔnʼě ɔɔ jǔ dɛ jleě mǒ.

Lǔkù 13:16

Kɛɛ nynɔà monoo Eblɛ̌hɛ̀moo jǔ ɔ̈à Setɛ̀n ɔ̈ moo kǔ sìsii klɔ̀ba poo dbǐ mǒ bo klě jlěe pù tùo nnyɛɛ̀ wlòmo nɔ̀ aǎ jlǎ ba sɛ̀ɛ mǒ. Ɔ se kɛ je blɛɛ le bɔ wan dbǐ mǒ keǒ Nyesoaa de fɛ waěà mɔ̀le?”

Lǔkù 8:43

Klě u slè nynɔ tɔ̀ɔ nea lě ɔ̈ nymɔ kwɛ̌ niaa chɔɔ klě jlěe pù tùo sɔ̌n wlòmo. Ɔ blěe wlě wùɛ ɔ kɔnaa ɔ nyea i dɛjǐɔpò kpǎkpǎ, kɛɛ u nyuu doo chɛ̀ nɔ̀ slě wɔ̀ bɔ̈ nua dɛ ɛ mǐa ɔ mǒ sɛ̀.

Jɔ̀ɔ̌n 5:14

Tà tǐ gbei sìnʼaa, è Jùsu jɛɛaě jbɛjuǒ klě Nyesoaa kǎ fòɛ bo, kě Ɔ dɛ̌a ɔ je Ɔ je, “Ke ɛ toon jleě mǒ bo klě tǐà wlòmo nè dɛ bɔ̌ɔ dɛ, nè nii kɛ̀ kpni kukwǐ, nɛ̀ bò se nu, tǐ tìi tà dɛ jakǎ miì jebo beeba.”

Jɔ̀ɔ̌n 5:4

Ɛ kɔn tǐ ï Koɔn Nyesoaa najiǒpòi jɛ lěe ɔ̌ tɛkɛ̌ɛ něǒ le, è bɛ̌ nu bɔ̌ takǎ něǒ, nyuǒ mii klekle tùba ɔ̈ miěe pnèe wulǒǒ mɔ̀ beba nɔ̀ kɔn kwɛ̌ mi dɛ bɔ̌ba, kwɛ̌ɛ do tae bɛ jě bɛ tù.

Jɔ̀ɔ̌n 5:6

Tà Jùsu jěa lɔɔ ɔ pɛnaa bo plě u tmɔɔ̌a Nɔɔ ɛ̈ moo, “Ɔ dǔa kmakma mǒ seelaò,” è Jùsu gbàla ɔ wan Ɔ je, “Jlɛ̀ kɛ nè kwɛ̌ bɛ bɔ̌ dɛ le?”

Jɔ̀ɔ̌n 9:1

Chnɛ̀ jlǒ waě tɛ̀ɛ mɔ̀ Jùsu kea le nɛ Ɔ̌ jěa jbɛju tɔ̀ɔ ɔ̈ jalaa jǐi dodɔ kmɔ̌.

Jɔ̀ɔ̌n 9:21

kɛɛ ke bɔ dii le jejeɛ̌ nu ä se ɛ ji plě nyu tae bɔ̈ di ɔɔ jǐ kna ä se ɔ ji. Aa chɛ̀ a gbà lɔ wan, ɔ boǎ jǐ, ɔ wɔ̀ě je bɔ boɔ lo keǒ ɔɔ chɛ̀ mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:8

Ɛ kɔna jbɛju tɔ̀ɔ ɔ̈ nea lěe dě fòɛǒ mooa Lesètla kɛn ɔ̈ jalaa bo klɔ̀ɔa dǐa plě ɔ sěɛlǎ nɛ. Chnɛ̀ jlǒ waě tɛ̀ɛ mɔ̀ ɔ nea bo

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:2

Ɛ kɔna bo klɔ̀ɔ jbɛju tɔ̀ɔ nɔ̀ neaǒ keǒ Nyesoaa kǎ fòɛɛ pae wànwu jleě bo ɛ̈ u dɛɛ Jǐlenmɔ Wànwu. Ɔɔ bo klɔ̀ɔaǒ ɔ jala ɛ dǐa. Chnɛ̀ jlǒ waě wùɛ mɔ̀ nyopò duǐ ɔ mǒ ǔ kpɛě ɔ keǒ wànwuǒ jleě ǔ tùi ɔ bo ɛ̈ di ɛɛ numa nyopòǒ miěe Nyesoaa kǎ fòɛǒ bo diba ɔ mǐ u wlě sòa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:22

Jbɛjuǒ ɔ̈ u peanaa klě wlòlekaen tǔnʼǒ mǒ ɔɔ jlě sìnʼa kɛn wlèe sɔ̌n, ii tè tè tù nyoǒ u seaě wɔ̀ bu chnɛ̀a i mǒ ɛ̈ moo Jùsuu kpěǒ peana ɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:33

klě ɔ jɛɛa lě jbɛju tɔ̀ɔ ɔ̈ kɔn nynɛ̌ mooa Aniasè ɔ̈ bo klɔ̀ɔ kwɛ̌ niaa, ɔ pɛnaǒ tàa do bo keǒ ɔɔ chèen kɛn klě jlěe nnyɛɛ̀ wlòmo.