Jɔ̀ɔ̌n 5:44 - Nyesoaa Kuo Win Jajle

⁴⁴ Aa sosǒ a pepee nyneǎ le, kɛɛ aǎ tɛ̀n ɛ mǒo chɛ̀ keǒ ba jě nynɛ̌ le popoɛ klě Nyesoa mɔ̀, è ke a miǐ kɛ Ně tè kàan tè popoɛ numa?

Jɔ̀ɔ̌n 5:44 ပူးပေါင်းရင်းမြစ်များ

Matiɔ̌n 23:5

Dɛ wùɛ u nii u ni ɛ ɛ̈ di ɛɛ numa nyopò mǐ u jě. Gbɛtɛ̌ nì u pìinʼǒ uu chɛ̀ je ï kɔn wlòmo Nyesoaa win ii tènme neěe ǔ pe ii gbɛtɛ̌ tìi sonwe le. Uu Nyesoa mɔ̀ boɔ wlawlě pɛ̀tiǒ u tùi i fɛ̀n pɛ̀ti je le ɛ mǐ ɛ tee le ɛ̈ moo u moo nyefòapo.

Lǔkù 19:17

Ɔɔ chì kpa ämo tùa lɔ kɛ̀ɛn ɔ je, ‘Pòě le kpě chɔɔ, mòo kàan nyebajlo. Ke ɛ toon jleě mǒ bo è mǎ lěe sèn bo keǒ dɛ chěnchaě mɔ̀, Ě miì deěe pù nyema mì i win kwa kɔn.’

Jɔ̀ɔ̌n 12:43

È tè kɔn tè u nia nɛɛ nɛ̀ moo u noɛɛa mǒ tùonyopo bu bìsea u le ɛ̌ sìnʼaǒ Nyesoa Bɔ bìse u le mǒ.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 3:20

Nyopò wùɛ ü nii dɛ kukǔ u faen Pepěǒ lo, uǔ diɔ Ɛ mɔ̀ ɛ̈ di ɛɛ numa uu noǎ kukwǐǒ u nii iǐ di Pepě mǒ be.

Jɔ̀ɔ̌n 5:41

Ɛ se tùonyopo uǔ bae Mǒ.

Jɔ̀ɔ̌n 8:43

È mɛ kɔɔ̌n tè aǎ jboǒ kɛ tèà Ě boɛɛ le? Dɛ nu ɛɛ nɛ̀ moo a slě wɔ̀ ba po Ně win nɔkǔ jebo.

Wlǔmɔ 2:10

Kɛɛ keǒ nyu wùɛ mɔ̀ ɔ̈ nii kàan dɛ, ɛ miǎ tè jǐ boaboǎ klee bo tùtuɛ numa plě ně bo wnawna, klekle keǒ Jùwɛ nyo mɔ̀ klee keǒ kuodakwɛ̌ mɔ̀ ke.

Wlǔmɔ 2:29

Dɛ ɛ kɔn bɛ monoo nɛ̀à, sɛjesɛ Jùwɛ dɛ neě wlò jleě plě sɛjesɛ foeě bebɛ̌ nɛ̀ moo Ngmà Je Ne Sùsu Bɛ bitǐ nè wlò bo ɛ̈ see Nyesoaa teteǎ bo tùtuɛ. Ɔmo nyu taeǒ tùonyopo uǔ po ɔɔ nynɛ̌ le, kɛɛ Nyesoa Nɔ̀ pe ɔɔ nynɛ̌ le.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

1 Kwnɛtiɛ̌ 4:5

Tèǒ nì kɔn tè baǎ tùi aa bǐì tè mɔ̀ plě tǐ miǒ nyni, a fo Koɔn Jùsuu de di tǐ, Nɔ̀ miě noǎ wùɛà wɛ̌ɛ klě kwijlě slè pepě mǒ jaba plě noǎ wùɛà tùonyuu wlò poo ble Ɔ miǒ i pepě mǒ poba. È klě tǐǒ wlòmo Nyesoa miǎ nyu wùɛ le bìseba ɛ̈ blɛɛ ɔmoo nyuǒ je.

2 Kwnɛtiɛ̌ 10:18

Mɛ kɔɔ̌n tèǒ joo nɛ̀ moo Nyesoa Ɔɔ̌ poo nyuà pee wun fòɛ le kòo kɛn, kɛɛ nyuǒ kɔn nynɛ̌ Nyesoaa chɛ̀ pee le nɔ̀ Ɔ pee kòo kɛn.

Flepiɛ̌n 2:3

Baǎ ni dɛ wùɛ klě mǒ nymi tǔn mǒ klee klě de jaě sùsu mǒ ɛ̈ see dɛ wlò mǒ ne, kɛɛ ba tìeǒ aa chɛ̀ plě a nu nyopò tùu dɛ mǒ ɛ miǒ aa chɛ̀ mǒ sìn.

1 Tɛseloniǎ 2:6

Äǎ tɛ̀n ɛ mǒ keǒ bä pɔ̀n ɛ le keǒ bo tùonyopo bu bìse ä le, ɛ slě a mɔ̀ plě ɛ slě nyu wùɛ mɔ̀ äǎ pɔ̀nʼě ɛ le.

1 Timɛtě 1:17

Nɛ Kmɔ̌ Sie Klɔ̀baà Ɔ̈ see kokoɛ̌ kɔn klee Ɔ̈ nyu ně jěe plě Ɔ̈ monoo Nyesoaa do sosǒ Bɔ kɔnʼǒ tùtuɛ klee de bìsea ke ɛ mii jleě bo tonma, kě bɛ ne.

Hiblǔ 3:12

Ně Tentǎn Jǔu wǎn ane, a tùǒ jǐ bo aa nyuu kpni kukwǐi se kàan tè popoɛ kɔn wlò ɛɛ̌ se ɔɔ wlògbae je jǐ ɔɔ̌ se kmɔ̌ ne Nyesoa kɛn tbɛ.

Jìmǐse 2:1

Ně bǐì Tentǎn Jǔu wǎn ane, ɛ̈ kɔn amo moo kàan tè po nyo klě Jùsu Tentǎn Jǔ mǒ Ɔ̈ moo tè jǐ boǎ Koɔn, baǎ chlɛ̌ ɛ měne keǒ nyu wùɛ mɔ̀.

1 Pitɛ̌ 1:7

Tè kɔn tè měne tèntɛn diěe nɛ̀ moo ɛ mǐ ɛ tee le ɛ̈ moo a kɔn kàan tè wlò popoɛ. Aa tè wlò popoɛɛ tè boǎ jǐ ɛ̌ sìnʼǒ klò mǒ ɛ̈ kɔn dɛ ɛ̈ɛ̌ wlɛ̀ǒo sìna mǒ. Klòo chɛ̀ǒ u peě ɛ tǎn klě na slè ɛ mǐ tɛɛ klò nu. Dɛɛ doǒ nɛ̀ ɛ mono, měne tèntɛn pe aa tè wlò popoɛ kbě ja le ɛ̈ di ɛɛ numa Jùsu Tentǎn Jǔ Bɔ̌ tbaeǎ je a miǎ baea kɔn klee tè jǐ boaboǎ klee bo tùtuɛ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:25

Ɔɔ doǒ Nɔ̀ moo äa Gblàgbla Nyu ɛ̈ Ɔ nuuě äa Koɔn Tentǎn Jǔ Jùsu mǒ. Nɛ bo Ɔɔ tè jǐ boaboǎ klee Ɔɔ tèe kunkuɛn klee kbě klee win kwa kɔn kpě ï Ɔ kɔnaa klee Ɔ kɔnʼɔ klě tǐà wlòmo bi muu nya ke ɛ mii jleě mǒ bo tonma, kě bɛ ne.